وتكەن جىلى الماتى وبلىسىنداعى دەمالىس ورىندارى 721,4 مىڭ تۋريستكە قىزمەت كورسەتكەن. سەرۆيستىك قىزمەتتەن تۇسكەن تابىس مولشەرى 8,7 ملرد تەڭگەنى قۇرادى.
- بۇل 2015 جىلعى كورسەتكىشپەن سالىستىرعاندا 2 ەسەگە كوبەيگەنىن بىلدىرەدى. جالپى, كورسەتىلەتىن قىزمەت كولەمى بويىنشا جەتىسۋ ءوڭىرى رەسپۋبليكالىق كولەمنىڭ 11 پروتسەنتىن قۇراپ, استانا مەن الماتىدان كەيىن 3 ورىندا تۇر, - دەيدى الماتى وبلىستىق تۋريزم باسقارماسىنىڭ باسشىسى جانار الشىمباەۆا.
ايتپاقشى, عالامتور قولدانۋشىلار اراسىندا دا جەتىسۋدىڭ كورىكتى جەرلەرى تۋرالى اقپارات ىزدەۋشىلەر سانى وسكەنى بايقالدى. مىسالعا, ينتەرنەت جەلىسىندەگى تانىمال ىزدەۋ جۇيەلەرى – Google, ياندەكس جانە Youtube ۆيدەوحوستينگىندەگى اقپارات سۇراۋ بويىنشا جاسالعان تالداۋ ناتيجەسى «قازاقستانداعى ساياحات جاساۋعا قولايلى TOP-10 ورىننىڭ» بەسەۋى الماتى وبلىسىندا ەكەنىن كورسەتتى. ەڭ تانىمال تاقىرىپتار قاتارىندا الاكول جاعاجايى, شارىن شاتقالى, كولساي پەن بالقاش كولى جانە قايىڭدى كولى تۇر.
قالماحانبەت مۇقامەتقالي,
«Egemen Qazaqstan»
الماتى وبلىسى