بۇگىن وبلىس ورتالىعى كۋرەني اۋدانىنداعى قار شىعارۋ جۇمىستارى جۇرگىزىلۋدە. قالاداعى سۋ باسۋ قاۋپى بار ۋچاسكەلەر انىقتالعان. سول ايماقتاردان قار شىعارۋ, ارىقتار مەن سۋ وتكىزگىش قۇبىرلاردى تازارتۋ سىندى جۇمىستار جۇرگىزىلۋدە.
- بيىلعى قار مولشەرى وتكەن جىلدارمەن سالىستىرعاندا ەداۋىر كوپ. «قازگيدرومەد» مەكەمەسىنىڭ اقپاراتىنا سايكەس الداعى ۋاقىتتا تاعى دا قار جاۋادى, كەلەسى اپتادان باستاپ اۋا تەمپەراتۋراسىنىڭ جوعارىلاۋى بولجانۋدا. سول سەبەپتى قالانى قاردان تازارتۋ جۇمىستاردى بۇدان ءارى كۇشەيتىپ, قالا تۇرعىندارىنا بىرلەسىپ جۇمىس جاساۋ تۋرالى تۇسىندىرمە جۇمىستارىن جانداندىرۋ قاجەت, - دەدى ب.ازباەۆ
بۇدان سوڭ ع.قاراش كوشەسى بويىنداعى ارىقتاردى تازارتۋ جۇمىستارى تەكسەرىىلدى. بۇل جەردە ەرىگەن قار سۋلارىنىڭ وتكىزۋ جۇيەسىن تەكسەردى.
- كوممۋنالدىق قىزمەتتەر تاۋلىكتىك ءجۇمىس تارتىبىنە كوشىرىلگەن. بيزنەس سۋبەكتىلەرىنىڭ بارلىق تەحنيكالارى قار شىعارۋ جۇمىستارىنا تارتىلعان. تۇرعىندارعا اۋلالاردى قاردان تازالاۋ تۋرالى جادىنامالار تاراتىلىپ, تۇسىندىرمە جۇمىستارى جۇرگىزىلۋدە. بۇگىنگى كۇنگە شاھاردان 800 مىڭ تەكشە مەترگە جۋىق قار شىعارىلدى. رەسپۋبليكا بويىنشا شىعارىلعان قار كولەمىنىڭ ۇشتەن ءبىرى ءبىزدىڭ وبلىسىمىزعا كەلسە, تورتتەن ءبىرى قالا ۇلەسىنە تيەسىلى ,– دەدى قالا اكىمى مۇرات مۇقاەۆ.
سونىمەن قاتار ەسقاليەۆ كوشەسىندە ورنالاسقان كوپقاباتتى ۇيلەردىڭ شاتىرلارى مەن اۋلالارىن قاردان تازارتۋ ءجۇمىستارى ءتيىستى دەڭگەيدە جۇرمەي جاتىرعاندىعى انىقتالىپ, پاتەر يەلەرى كووپەراتيۆىنە ايىپپۇل سالۋ تۋرالى جەرگىلىكتى پوليتسيا قىزمەتىنە تاپسىرما بەرىلدى.