2019 جىلعى 26-27 اقپان ارالىعىندا ەلىمىزدە كوكتەمگى سۋ تاسقىنى كەزەڭى شارتتارىنداعى توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋ مەملەكەتتىك جۇيەسىنىڭ باسقارۋ ورگاندارىن, كۇشتەرى مەن قۇرالدارىن دايىنداۋ بويىنشا «كوكتەم 2019» رەسپۋبليكالىق كوماندالىق-شتابتىق وقۋ-جاتتىعۋى وتەدى. بۇل ءتۋرالى ىىم تج كوميتەتىنىڭ ءباسپاسوز قىزمەتى حابارلادى.
وقۋ-جاتتىعۋعا رەسپۋبليكالىق ازاماتتىق قورعاۋ قىزمەتتەرى - ورتالىق اتقارۋشى ورگاندار, وبلىستاردىڭ, استانا, الماتى جانە شىمكەنت قالالارىنىڭ جەرگىلىكتى اتقارۋشى ورگاندارى – تج-نىڭ الدىن الۋ جانە ولاردى جويۋ جونىندەگى كوميسسيالار, وبلىستىق, اۋداندىق جانە قالالىق ازاماتتىق قورعاۋ قىزمەتتەرى, اۆاريالىق-قۇتقارۋ قىزمەتتەرى مەن قۇرالىمدارى قاتىسادى.
وقۋ-جاتتىعۋدى باسقارۋ شتابى سولتۇستىك قازاقستان وبلىسى پەتروپاۆل قالاسىندا.
وقۋ-جاتتىعۋ شەڭبەرىندە ورتالىق جانە جەرگىلىكتى اتقارۋشى ورگانداردىڭ ءوزارا ءىس-قيمىلدارى جانە قۇلاقتاندىرۋ, پراكتيكالىق سۋ تاسقىنىنا قارسى ءىس-شارالاردى (قاردى جيناۋ جانە شىعارۋ, ارىقتاردى تازالاۋ, قاپتار مەن ت. ب. دايىنداۋ), ازاماتتىق قورعاۋ قۇرىلىمدارى كۇشتەرىنىڭ جانە حالىقتىڭ سۋ تاسقىنى كەزەڭىندە ءىس-قيمىلدارى بويىنشا ارنايى-تاكتيكالىق جاتتىعۋلار وتكىزۋ, سونداي-اق ازاماتتىق قورعاۋدىڭ مەملەكەتتىك جۇيەسىنىڭ اۋماقتىق جانە سالالىق كىشى جۇيەلەرىنىڭ قىزمەت ەتۋ رەجيمىن كوكتەمگى كەزەڭدە تج قاۋپى جانە تۋىنداعان كەزدە مىندەتتەردى ورىنداۋعا جوعارعى ازىرلىك رەجيمىنە كەلتىرۋ ماسەلەلەرىن پىسىقتاۋ جوسپارلانۋدا.