ەسىل وزەنىنىڭ جاعالاۋىندا ءداستۇرلى قىسقى «بۇرقاسىن-2019» فەستيۆالى ءوتتى. بۇل تۋرالى ەلوردا اكىمدىگىنىڭ رەسمي سايتى حابارلادى.
مادەنيەت جانە سپورت باسقارماسى باسپاسوز قىزمەتىنىڭ حابارلاۋىنشا, قىسقى فەستيۆال بيىل 19-شى رەت وتكىزىلىپ وتىر. فەستيۆال اياسىندا ءارتۇرلى سپورتتىڭ شاعىن-فۋتبول, حوككەي, بەلبەۋ كۇرەسى, گىر سپورتى, ارمرەستلينگ, ارقان تارتۋ, موتوكروسس جانە شاڭعى جارىسى سياقتى تۇرلەرىنەن جارىستار ءوتتى.
قالا تۇرعىندارىن سپورتتىق مەرەكەمەن مادەنيەت جانە سپورت باسقارماسىنىڭ باسشىسى بولات ماجاعۇلوۆ قۇتتىقتادى. ونىڭ ايتۋىنا قاراعاندا, ءبۇل ىس-شارا ەلوردالىق قىسقى ماۋسىمنىڭ ءبىر بولىگىنە اينالىپ ۇلگەرگەن.
«بۇل ءىس-شارا استانا قالاسىنىڭ تۇرعىندارى مەن قوناقتارى ءۇشىن وراسان پايدا اكەلەدى. جىل سايىن ءبىز سپورتپەن بەلسەندى اينالىساتىن جاستار مەن بالالار سانىنىڭ ءوسىپ كەلە جاتقانىن بايقايمىز. ايتا كەتەرلىك جايت, كورەرمەندەردىڭ سانى جىل سايىن ارتىپ كەلەدى» دەپ اتاپ ءوتتى بولات ماجاعۇلوۆ.
بۇل جولى «بۇرقاسىن-2019» فەستيۆالى 2000-عا جۋىق اۋەسقوي سپورتشىنىڭ باسىن قوستى. ءىس-شاراعا مەكتەپ وقۋشىلارى, ورتا جانە جوعارى وقۋ ورىندارىنىڭ ستۋدەنتتەرى, كۇشتىك قۇرىلىمدار قىزمەتكەرلەرى, قالا تۇرعىندارى مەن قوناقتارى قاتىستى.
ءىس-شارا سوڭىندا قاتىسۋشىلارعا مەدالدار, ديپلومدار, كۋبوكتار مەن باعالى سىيلىقتار تابىستالدى. قىسقى فەستيۆالدى استانا قالاسىنىڭ مادەنيەت جانە سپورت باسقارماسى مەن قالالىق اكىمدىكتىڭ سورتتىق-بۇقارالىق ءىس-شارالاردى وتكىزۋ ديرەكتسياسى ۇيىمداستىردى.