قازاقستاندىق بوكسشى مۇسا تۇرسىنعاليەۆ 1 ناۋرىز كۇنى حولليۆۋد قالاسىندا (فلوريدا شتاتى, اقش) كەلەسى جەكپە-جەگىن وتكىزەدى. بۇل تۋرالى Sports.kz حابارلادى.
BoxRec.com حابارلاعان مالىمەتتەرگە سايكەس, ول 34 جاستاعى جەرگىلىكتى بوكسشى ۆينسەنت دجەننينگسپەن (6-5-2, 4 كو) جۇدىرىقتاسادى. جارتىلاي جەڭىل سالماقتاعى كەزدەسۋ سەگىز راۋندقا جوسپارلانعان.
Seminole Hard Rock Hotel & Casino ارەناسىنداعى بوكس كەشى استانا ۋاقىتىمەن 2 ناۋرىز كۇنى تاڭەرتەڭ باستالادى. بۇعان دەيىن مۇسا سوڭعى جەكپە-جەگىن 28 قىركۇيەك كۇنى وسى ارەنادا وتكىزىپ, تورەشىلەردىڭ شەشىمىمەن كولۋمبيالىق دەيۆي حۋليو باسسانى (20-6, 12 كو) جەڭگەن بولاتىن.
ەسكە سالا كەتەيىك, سپورتشى جۋىردا عانا WBA International تيتۋلىن الۋعا ارەكەت ەتەتىندىگىن ءمالىم ەتكەن ەدى.