پرەزيدەنت جانىنداعى مەملەكەتتىك باسقارۋ اكادەمياسىندا «قوعامدىق كەلىسىم جانە جالپىۇلتتىق بىرلىك سالاسىنداعى مەملەكەتتىك ساياساتتىڭ زاڭنامالىق نەگىزدەرى جانە پراكتيكاسى» تاقىرىبىندا اۋقىمدى جيىن ءوتتى. وندا ەل بىرلىگىن قامتاماسىز ەتۋ بويىنشا مەملەكەتتىك ساياساتتى ىسكە اسىرۋدىڭ ءتۇرلى تەحنولوگيالارى تالقىلاندى.
جيىندى قحا توراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو مەن اكادەميانىڭ ستراتەگيالىق دامۋ, زەرتتەۋ جۇمىسى جانە حالىقارالىق ارىپتەستىك جونىندەگى ۆيتسە-رەكتورى ايگۇل كوشەرباەۆا اشتى. ۆيتسە-رەكتور ءوز سوزىندە مۇنداي ءىس-شارانىڭ ماڭىزدىلىعىنا توقتالدى.
«جاھاندانۋ داۋىرىندە مەملەكەت ءبىلىم بەرۋ, وتباسى جانە ءدىننىڭ قۋاتتى ينستيتۋتتارى مىنەز-قۇلىق, ءومىر ءسۇرۋ نورماسى مەن قارىم-قاتىناستاردىڭ جاڭا ۇلگىلەرىن جاساۋدا, قۇندىلىقتار جۇيەسىن قۇرۋدا. وسى ورايدا جاڭا ولشەمدە بيلىك ورگاندارى مەن ازاماتتىق قوعامنىڭ ءوزارا بايلانىسىنىڭ, سونداي-اق قوعامدىق سانانى جاڭعىرتۋ جاعدايىندا جالپىۇلتتىق بىرلىك پەن بىرەگەيلىكتى قالىپتاستىرۋ بويىنشا مىندەتتەردى ىسكە اسىرۋدىڭ تىڭ تەتىكتەرىن جاساۋعا كومەكتەسەتىن جاڭا ءبىلىم قاجەت», دەدى ول.
سەميناردا قازاقستان حالقى اسسامبلەياسى, ۇلتتىق ەكونوميكا مينيسترلىگىنىڭ وكىلدەرى, وتاندىق ساراپشىلار جانە اكادەميانىڭ وقىتۋشىلارى ءدارىس وقىدى. ماسەلەن, پرەزيدەنت اكىمشىلىگى قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى ءنازيپا شاناي تسيفرلاندىرۋ جانە قازاقستاندىق بىرەگەيلىكتى نىعايتۋ ماسەلەلەرىنە توقتالسا, ينتەرنەتتەگى قۇقىقتىق قاۋىپسىزدىك ماسەلەلەرى تۋرالى «قۇقىقتىق مەديا ورتالىق» قق مەديا-زاڭگەرى گۇلميرا ءبىرجانوۆا باياندادى.
ال مەملەكەتتىك باسقارۋ اكادەمياسى ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالىعى باسشىسىنىڭ ورىنباسارى داستان كوشەرباەۆ ورتالىق ازياداعى ەتنوالەۋمەتتىك ۇدەرىستەر جانە ولاردىڭ قازاقستانعا ىقپال ەتۋ ماسەلەلەرىن قوزعادى.
سونىمەن قاتار قحا تۋرالى جاڭا زاڭناما شەڭبەرىندە بيلىك ورگاندارى مەن ازاماتتىق قوعامنىڭ ءوزارا بايلانىسىنىڭ ءتيىمدى تەتىكتەرى, وڭىرلىك تاۋەكەلدەر كلاسسيفيكاتورى مەن ەتنودەموگرافيالىق پاسپورتتاردىڭ ءىس جۇزىندە قولدانىلۋى جانە باسقا دا ماسەلەلەر تالقىلاندى.
جولدىباي بازار,
«Egemen Qazaqstan»