جاقىندا «تسەسنابانك» اق ديرەكتورلار كەڭەسىنىڭ توراعالىعىنا تاعايىندالعان شيگەو كاتسۋ وتاندىق تەلەارنالاردىڭ بىرىنە بەرگەن سۇحباتىندا قارجى ينستيتۋتىنىڭ الداعى جۇمىس جوسپارى جايلى ايتتى.
– جۇمىسقا كىرىسكەنىمىزگە 10 كۇندەي عانا بولدى, پروتسەسس ەندى باستالدى. «تسەسنابانك» قالىپتاسقان تاريحى بار بانك, بۇل جەردە جۇمىس ىستەيتىن كوماندا مۇشەلەرى – كاسىبي مىقتى ماماندار. بانك ۇزاق جىلدار بويى اۋىل شارۋاشىلىعى سالاسىمەن, شاعىن جانە ورتا بيزنەسپەن, جەكە تۇلعالارمەن جۇمىس ىستەپ كەلدى. ءبىز وسى ءىستى ودان ءارى جالعاستىرۋعا نيەتتىمىز, – دەدى ش.كاتسۋ.
بانك باسشىسىنىڭ ايتۋىنشا, تسيفرلاندىرۋ مەن e-banking قازىر العا قويىپ وتىرعان ەڭ باستى مىندەتتەردىڭ ءبىرى.
– ارينە ءبىز كوممەرتسيالىق تۇرعىدا تابىسقا جەتۋدى كوزدەيمىز. دەي تۇرعانمەن, «تسەسنابانك» قوعام ءۇشىن دە پايدالى بولۋى كەرەك. ءبىلىم بەرۋ سالاسىنداعى بايلانىستارىمىزدى ەسكەرە وتىرىپ, بانكتىڭ وسى سالانى دامىتۋعا دا ۇلەس قوسقانىن قالايمىز. بالكىم ۋنيۆەرسيتەتتەرگە, مەكتەپتەر مەن جەكە تۇلعالارعا قارجىلاي قولداۋ ۇسىناتىن بولامىز,– دەدى ول.
«تسەسنابانك» ەلىمىزدەگى ەڭ ءىرى قارجى ينستيتۋتتارىنىڭ ءبىرى ەكەنىن ايتا كەتەيىك. اقپان ايىندا بانك اكتسيالارىنىڭ باقىلاۋ پاكەتىن «First Heartland Sekurities» اق ساتىپ الدى.
ارنۇر اسقار,
«Egemen Qazaqstan»