سەنبى, 30 ماۋسىم 2012 7:45
ەرتەڭ استانادا وتاندىق نەيروحيرۋرگتەردىڭ ءىى سەزى ءوز جۇمىسىن باستاماق. سەزگە ءوز ماماندارىمىزبەن قاتار شەتەلدەن, ياعني, رەسەي, ۋكراينا, گەرمانيا, فرانتسيا, شۆەيتساريا, ۆەنگريا, بەلگيا, قىتاي, ت.ب مەملەكەتتەردەن دە تاجىريبەلى نەيروحيرۋرگتەر شاقىرىلعان بولاتىن. ولاردىڭ الدى استاناعا ات باسىن تىرەگەلى ءۇش-ءتورت كۇن بولىپ قالدى. شەتەلدىك دارىگەرلەر ورتالىقتىڭ ماماندارىمەن ءبىرلەسىپ وتالار جاساپ, شەبەرلىك سىنىپتارىن وتكىزۋدە. ءبىز سولاردىڭ ءبىرى مەيو كلينيكاسىنىڭ (گەرمانيا) ءبولىمشە مەڭگەرۋشىسى زيگفريد فوگەلمەن از-كەم ءتىلدەسكەن بولاتىنبىز.
سەنبى, 30 ماۋسىم 2012 7:45
ەرتەڭ استانادا وتاندىق نەيروحيرۋرگتەردىڭ ءىى سەزى ءوز جۇمىسىن باستاماق. سەزگە ءوز ماماندارىمىزبەن قاتار شەتەلدەن, ياعني, رەسەي, ۋكراينا, گەرمانيا, فرانتسيا, شۆەيتساريا, ۆەنگريا, بەلگيا, قىتاي, ت.ب مەملەكەتتەردەن دە تاجىريبەلى نەيروحيرۋرگتەر شاقىرىلعان بولاتىن. ولاردىڭ الدى استاناعا ات باسىن تىرەگەلى ءۇش-ءتورت كۇن بولىپ قالدى. شەتەلدىك دارىگەرلەر ورتالىقتىڭ ماماندارىمەن ءبىرلەسىپ وتالار جاساپ, شەبەرلىك سىنىپتارىن وتكىزۋدە. ءبىز سولاردىڭ ءبىرى مەيو كلينيكاسىنىڭ (گەرمانيا) ءبولىمشە مەڭگەرۋشىسى زيگفريد فوگەلمەن از-كەم ءتىلدەسكەن بولاتىنبىز.
– نەيروحيرۋرگيا عىلىمي-زەرتتەۋ ورتالىعى جانە وسىنداعى ماماندار تۋرالى نە ايتار ەدىڭىز؟
– قازىرگى ۋاقىتتا مەن ورتالىقتىڭ جۇمىسىمەن ەگجەي-تەگجەيلى تانىسىپ جاتىرمىن. مۇندا بىلىكتى ماماندار جۇمىس ءىستەيدى. بارلىق جاعداي جاسالعان جەردە جۇمىس ىستەۋدىڭ ءوز راحاتى بولاتىن بولسا, ماعان دا وسى ورتالىقتا جۇمىس ىستەۋ سونداي قۋانىش سىيلايدى. كەشە العاشقى وتامدى جاسادىم. ءبارى ءساتتى ءوتتى دەپ جاتىر. ءوز ەلىمدە, ءوز ۇيىمدە جۇرگەندەيمىن.
– ءسىزدىڭ ويىڭىزشا, ورتالىقتىڭ تەحنيكالىق قامتاماسىز ەتىلۋى قاي دەڭگەيدە؟
– تەحنيكالىق قۇرال-جابدىقتارمەن قامتاماسىز ەتىلۋ دەڭگەيى باتىس مەملەكەتتەرىندەگى كلينيكالارمەن بىردەي. سونداي-اق, ەمدىك جانە دياگنوستيكالىق تەحنولوگيالار دا ءبىر دەڭگەيدە دەپ ايتۋعا بولادى.
– قازاقستانداعى نەيروحيرۋرگيانىڭ دامۋى تۋرالى ويىڭىزدى بىلدىرسەڭىز؟
– وسىنداي از عانا ۋاقىتتا قازاقستان باتىس ەلدەرىندەگى دەڭگەيگە قالاي جەتتى دەپ تاڭقالدىم.
– ءسىز ءۇشىن وسىنداعى قانداي جاعداي تاڭسىق بولىپ كورىندى؟
– بۇل ورتالىقتا بالالار نەيروحيرۋرگياسى بولىمشەسى بار ەكەن. سونداي-اق بالالاردى نەيرووڭالتۋ بولىمشەسى دە جۇمىس ىستەپ تۇر. ماعان بالالار نەيروحيرۋرگياسى بولىمشەسى قاتتى ۇنادى.
– ءسىزدىڭ ويىڭىزشا وسى ورتالىقتا كەلەشەكتە تاعى قانداي كۇردەلى وتالار جاسالۋى مۇمكىن؟
– كۇردەلى وتالاردىڭ ءتۇرى كوپ. ونى بۇل ورتالىق جاساپ تا جاتىر. وسى دەڭگەي ارقىلى دامىعان مەملەكەتتەردەگى كلينيكالارمەن ءارىپتەستىك قارىم-قاتىناس ورناتۋعا ءابدەن بولادى دەپ ەسەپتەيمىن. مەن ءوزىم نەيروونكولوگ بولعاندىقتان, ورتالىق جۇمىسىمەن تانىسۋ بارىسىندا ميداعى ىسىكتى ەمدەۋگە بايلانىستى ءارىپتەستىكتىڭ بەرەرى كوپ دەپ ويلايمىن.
ايگۇل سەيىلوۆا,
«ەگەمەن قازاقستان».