قىزىلوردا وبلىسىندا تۇرمىسى تومەن وتباسىلارىنا ساتىپ الۋ قۇقىعىنسىز جالعا بەرىلەتىن 18 تۇرعىن ءۇي سالىنىپ جاتىر. «نۇرلى جەر» مەملەكەتتىك باعدارلاماسى اياسىندا قۇرىلىس جۇمىستارىنا 3 جارىم ميلليارد تەڭگە بولىنگەن.
666 پاتەرلى ارەندالىق ۇيلەر وبلىس ورتالىعىنان بولەك قازالى جانە شيەلى اۋداندارىندا بوي كوتەرەدى. جالپى سوڭعى 6 جىلدا قىزىلوردا قالاسىنىڭ وزىندە 15 شاعىن اۋدان پايدا بولىپ, 7 مىڭ 700 وتباسى باسپانالى بولدى. تاعى قانداي جەتىستىكتەردى اتاپ وتەسىز؟
بۇل رەتتە ارينە جانىن شۇبەرەككە ءتۇيىپ, اپاتتى جاعدايداعى ۇيلەردى پانالاپ كەلگەن 7 جۇزدەي تۇرعىننىڭ ماسەلەسى تولىق شەشىلگەنىن اتاپ ءوتۋ كەرەك. سونىمەن قاتار سوڭعى 3 جىلدا قىزىلوردالىقتارعا 25 مىڭنان استام جەكە تۇرعىن ءۇي تەلىمدەرى بەرىلدى.
وتكەن جىلى وبلىس بويىنشا بارلىق قارجىلاندىرۋ كوزدەرىنەن 70 تۇرعىن ءۇيدىڭ قۇرىلىسى باستالىپ, جىل قورىتىندىسىمەن ونىڭ 56-سى پايدالانۋعا بەرىلدى. قازىرگى تاڭدا سىرداريا وزەنىنىڭ سول جاعالاۋىندا 830 پاتەردى قۇرايتىن 17 كوپ قاباتتى تۇرعىن ءۇي قۇرىلىسى ءجۇرىپ جاتىر. العاشقى 4 ۇيگە تۇرعىندار ءبىرىنشى جارتىجىلدىقتا قونىستانادى دەپ جوسپارلانىپ وتىر.
24.kz-ءتىڭ حابارلاۋىنشا, ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ 7-20-25 باعدارلاماسى جانە وڭىرلىك «وردا» جول كارتاسى اياسىندا جۇزەگە اسىرىلۋدا. وسى رەتتە ءۇي الۋدىڭ شارتتارى جونىندە سالا مامانى ايتىپ بەرەدى. اتالعان جول كارتاسىنىڭ تيىمدىلىگى نەدە؟
رەسپۋبليكا بويىنشا ەڭ ارزان باسپانا قىزىلوردالىقتارعا ۇسىنىلىپ وتىر. سىرداريانىڭ سول جاعالاۋىندا سالىنعان تۇرعىن ۇيلەردىڭ شارشى مەترى 120 مىڭ تەڭگە شاماسىندا. جاڭا ۇيلەردىڭ جالپى قۇنى 15 ملن تەڭگەدەن اسپايدى. بۇل رەتتە باستاپقى جارنا كولەمى جەرگىلىكتى اكىمدىك تاراپىنان سۋبسيديالانادى.