پرەمەر-ءمينيستردىڭ ورىنباسارى – قورعانىس جانە اەروعارىش ونەركاسىبى ءمينيسترى اسقار جۇماعاليەۆ پەتروپاۆل قالاسىنداعى جۇمىس ساپارى كەزىندە وتاندىق قورعانىس-ونەركاسىپ كەشەنىنىڭ جەتەكشى كاسىپورىندارىنا – كيروۆ اتىنداعى زاۋىت (كاز), پەتروپاۆل اۋىر ماشينا جاساۋ زاۋىتى (پامز) جانە "زيكستو" اق باردى.
ساپار بارىسىندا اسقار جۇماعاليەۆ كاسىپورىنداردىڭ وندىرىستىك قىزمەتىمەن جانە شىعارىلاتىن ءونىم جەلىسىمەن تانىستى. سونداي-اق, "كاز" جانە "پامز" اق باسشىلارى ءمينيستردى ناتيجەلەرى بويىنشا ىشكى جانە سىرتقى نارىقتارعا باعدارلانعان باسەكەگە قابىلەتتى جاڭا ءونىم شىعارۋدى يگەرەتىن تەحنولوگيالىق جاڭعىرتۋ بارىسى تۋرالى حاباردار ەتتى.
ءوز كەزەگىندە, ۆيتسە-پرەمەر تاياۋداعى 2 جىلدا وسى زاۋىتتاردى تەحنولوگيالىق جاڭعىرتۋعا 6,6 ملرد.تەڭگە سالىناتىنىن اتاپ ءوتتى.
"مەملەكەت زاۋىتتاردى جاڭعىرتۋعا ۇلكەن قارجى بولەدى. وسىنىڭ ارقاسىندا قوسىمشا 150 جاڭا جۇمىس ورنى اشىلادى, بۇل ءوڭىردىڭ الەۋمەتتىك-ەكونوميكالىق دامۋى ءۇشىن وتە ماڭىزدى. ءوز كەزەگىندە, ءبىز سىزدەن ساپالى, باسەكەگە قابىلەتتى ءونىم كۇتەمىز", - دەدى جۇماعاليەۆ.
ول سونداي-اق كاسىپورىندارعا قازىردىڭ وزىندە ءونىمدى ساتۋ جانە ۇزاق مەرزىمدى كەپىلدەندىرىلگەن تاپسىرىستار الۋ ءۇشىن ەكسپورتتىق باعىتتاردى ويلاستىرۋدى تاپسىردى.
پرەمەر - ءمينيستردىڭ ورىنباسارى جۇمىس ساپارى بارىسىندا "زيكستو" اق-دا دا بولىپ, زاۋىتتىڭ وندىرىستىك تسەحتارىن جانە كاسىپورىننىڭ ونىمدەرىن ارالاپ كوردى. زاۋىتتارعا بارۋ قورىتىندىسى بويىنشا قر پرەمەر-ءمينيسترىنىڭ ورىنباسارى – قورعانىس جانە اەروعارىش ونەركاسىبى ءمينيسترى قوك كاسىپورىندارىن دامىتۋ جونىندە بىرقاتار تاپسىرمالار بەردى.
جۇمىس ساپارىنىڭ سوڭىندا اسقار جۇماعاليەۆ سولتۇستىك قازاقستان وبلىسى اكىمىنىڭ قورىتىندى ەسەپ بەرۋ كەزدەسۋىنە قاتىستى.