باسپانا الۋعا مول مۇمكىندىك تۋدىرعان «7-20-25» باعدارلاماسى بۇل كۇنى ء وز جەمىسىن بەرۋدە. بۇگىنگى تاڭدا اقمولا وبلىسىندا باعدارلاما اياسىندا تۇرعىن ءۇي الۋعا شامامەن 200-دەي ءوتىنىم كەلىپ ءتۇستى.
ستاتيستيكالىق مالىمەتكە سۇيەنسەك, الماتى مەن استانا سياقتى ءىرى قالالاردان كەيىن, اقمولا وبلىسى اتالعان باعدارلاما بويىنشا يپوتەكا بەرۋدەن ۇزدىك ۇشتىكتىڭ قاتارىندا. بۇگىنگى كۇنگە دەيىن ايماقتا جالپى قۇنى 2 ميلليارد تەڭگەدەن استام سوماعا 200-دەن استام ءوتىنىم قاناعاتتاندىرىلعان.
– بۇگىنگى تاڭدا باعدارلاما ءساتتى جۇزەگە اسىپ كەلەدى. ءار وتباسىنىڭ باسپانالى بولۋىنا تاپتىرماس مۇمكىندىك تۋىپ وتىر,–دەيدى ۇلتتىق بانك وبلىستىق فيليالىنىڭ ءبولىم جەتەكشىسى اسەل نۇرقانوۆا.
– ەلدىڭ الەۋمەتتىك-تۇرمىستىق جاعدايىن جاقسارتۋعا زور سەپتىگى ءتيىپ تۇر. ماسەلەن, پاتەر جالدايتىن بولساڭ اي سايىن قىرۋار قارجى تولەيسىڭ. كۇندەردىڭ ءبىر كۇنىندە جالداعان پاتەرىڭنەن كوشىپ كەتسەڭ, ءبارى زايا. ال, وسى باعدارلامامەن ءوزىڭ ءۇي الىپ, اي سايىن تولەپ وتىرساڭ ءتۇپتىڭ تۇبىندە تولىق قوجايىن بولاسىڭ,–دەيدى كوكشەتاۋ قالاسىنىڭ تۇرعىنى سەرىك قالمۇراتوۆ.
قازىر قالا تۇرعىندارى باعدارلامانىڭ جاي-جاپسارىنان قۇلاعدار. سونداي-اق, ۇلتتىق بانكتىڭ ءموبيلدى قوسىمشاسىندا «7-20-25» دەگەن ارنايى ءبولىم بار. مۇندا ءار ادام باعدارلاماعا قاتىستى ءوز سۇراقتارىنا جەدەل تۇردە جاۋاپ الا الادى. ەستەرىڭىزگە سالا كەتەيىك, كوكشەتاۋدا باعدارلاما بويىنشا يپوتەكالىق نەسيەلەندىرۋ باستاپقى نارىقتاعى تۇرعىن ۇيگە 15 ميلليون تەڭگە كولەمىندە جاسالادى.
بايقال ءبايادىل,
«Egemen Qazaqstan»