ۇكىمەت وتىرىسىندا اقپارات جانە كوممۋنيكاتسيالار ءمينيسترى داۋرەن اباەۆ «تسيفرلى قازاقستان» باعدارلاماسى بويىنشا اتقارىلعان جۇمىستار تۋرالى مالىمدەمە جاسادى. مينيسترلىكتىڭ تسيفرلاندىرۋ باعدارلاماسى بويىنشا تاعى ءبىر نەگىزگى باعىتى – ونلاين ساۋدا جۇيەسىن دامىتۋ.
ەلەكتروندى ساۋدا سۋبەكتىلەرىنە قاتىستى زاڭدىق تۇرعىدا سالىق جەڭىلدىكتەرى قاراستىرىلعان. بۇل جەڭىلدىكتەردى ە-كوممەرتسيانىڭ 331 جاڭا سۋبەكتىسى پايدالانىپ ۇلگەرىپتى.
«قازىر اقشاسىز, ۇيالى تەلەفون ارقىلى قولما-قول ەسەپتەسۋ الەمدىك ترەندتىڭ ءبىرى. ماسەلەن 2018 جىلدىڭ قاراشا ايىنىڭ سوڭىندا ەلىمىزدەگى 6 بانك پيلوتتىق رەجيمدە وسى سەرۆيسكە قوسىلدى. سەرۆيستىك قولداۋ كورسەتۋ جانە ەلەكتروندىق ساۋدانى دامىتۋ ماقساتىندا قازپوشتانىڭ بازاسىندا 3 فۋلفيلمەنت ورتالىعى اشىلدى» دەدى د.اباەۆ.
الماتى, استانا جانە اقتوبە قالالارىندا 1 ميلليوننان استام تاپسىرىس وڭدەلگەن.
قابىلدانعان شارالار قازاقستان بويىنشا پوشتا ارقىلى تاسىمالداناتىن زاتتاردى جەتكىزۋ مەرزىمىن 3 كۇننەن 1 كۇنگە دەيىن, ال حالىقارالىق تاسىمالداۋ مەرزىمىن 25 كۇننەن 15 كۇنگە دەيىن قىسقارتۋعا مۇمكىندىك بەرەدى.