2019 ج. 18 اقپاندا استانا قالاسىندا قر ەنەرگەتيكا ءمينيسترى قانات بوزىمباەۆتىڭ, «قازمۇنايگاز» ۇك» اق (بۇدان ءارى - قمگ) باسقارما توراعاسى اليك ايداربەكوۆتىڭ جانە «لۋكويل» جاق پرەزيدەنتى ۆاگيت الەكپەروۆتىڭ قاتىسۋىمەن ءۇش جاقتى كەزدەسۋ ءوتتى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى حابارلادى.
كەزدەسۋ بارىسىندا قر ەنەرگەتيكا مينيسترلىگى, قمگ جانە لۋكويل اراسىندا كاسپي تەڭىزىنىڭ قازاقستاندىق سەكتورىنداعى جەڭىس تەڭىز جوباسىندا بىرلەسكەن قىزمەت شەڭبەرىندە كومىرسۋتەكتەردى بارلاۋعا جانە وندىرۋگە جەر قويناۋىن پايدالانۋ قۇقىعىن بەرۋ بويىنشا تىكەلەي كەلىسسوزدەر حاتتاماسىنا جانە ءوزارا تۇسىنىستىك تۋرالى مەموراندۋمعا قول قويىلدى.
بىرلەسكەن كەلىسسوزدەر شەڭبەرىندە رەسپۋبليكانىڭ پايداسىنا قول قويۋ بونۋسىن تولەۋ جانە جەر قويناۋىن پايدالانۋشىنىڭ كادرلارداعى (50%-باسشىلار, 80%- قۇرىلىمدىق بولىمشە باسشىلارى, 90%- ماماندار بويىنشا, 100%- بىلىكتى جۇمىسشىلار), سونداي-اق كەمىندە 50% جۇمىستار مەن كورسەتىلەتىن قىزمەتتەردەگى جەرگىلىكتى قامتۋ ۇلەسى بويىنشا مىندەتتەمەلەرى جونىندە كەلىسىمگە قول جەتكىزىلدى.
ىنتىماقتاستىقتىڭ كەلەسى كەزەڭى – جەڭىس ۋچاسكەسىندە كومىرسۋتەگى شيكىزاتتارىن بارلاۋ جانە ءوندىرۋ جۇمىستارى بويىنشا كەلىسىمشارت جاساسۋ.
2018 ج. 5 ماۋسىمدا قمگ جانە لۋكويل اراسىندا جەڭىس جوباسى بويىنشا قاعيداتتار تۋرالى كەلىسىم جاسالعان بولاتىن. وسى كەلىسىمدە بىرلەسكەن بارلاۋدىڭ نەگىزگى تالاپتارى بەكىتىلگەن بولاتىن. 2018 ج. 30 قاراشادا كومپانيالار اراسىندا بىرلەسكەن قىزمەت تۋرالى كەلىسىمگە جانە قارجىلاندىرۋ تۋرالى كەلىسىمگە قول قويىلعان.
جەر قويناۋىن پايدالانۋ تۋرالى كودەكستىڭ نورمالارىنا سايكەس تىكەلەي كەلىسسوزدەر 2018 جىلعى 05 اقپاندا قابىلداندى.
قمگ جانە لۋكويل جىلدار بويى بىرقاتار بىرلەسكەن جوبالاردى ىسكە اسىرىپ كەلە جاتقان ستراتەگيالىق ارىپتەستەر بولىپ تابىلادى.
بۇگىنگى تاڭدا قازاقستان رەسپۋبليكاسى وتىن-ەنەرگەتيكالىق كەشەنىن دامىتۋدىڭ باسىم مىندەتى – تابيعي رەسۋرستاردى بارلاۋ مەن وندىرۋگە ينۆەستيتسيالاردى كوبەيتۋ, كاسپي تەڭىزىنىڭ قازاقستاندىق سەكتورىندا جوبالاردى ىسكە اسىرۋ.