«كولىكتى جانە لوگيستيكانى تسيفرلاندىرۋ» مىندەتى بويىنشا «ينتەللەكتۋالدى كولىك جۇيەسىن قۇرۋ» جوباسى ىسكە اسىرىلىپ جاتىر. بۇل تۋرالى يندۋستريا جانە ينفراقۇرىلىمدىق دامۋ ءمينيسترى ج.قاسىمبەك ۇكىمەت وتىرىسىندا مالىمدەدى.
«جۇيە جول-كولىك كەشەنىن باسقارۋدىڭ بىرقاتار ماسەلەلەرىن, ونىڭ ىشىندە الەۋمەتتىك سيپاتتاعى ماسەلەلەردى شەشۋگەمۇمكىندىك بەرەدى. كولىكتى باقىلاۋدى اۆتوماتتاندىرۋ ءۇشىن 12 ارنايى اۆتوماتتاندىرىلعان ولشەۋ قۇرالى ەنگىزىلدى. بيىل جىل سوڭىنا دەيىن جاڭا اقىلى ۋچاسكەلەردەتاعى دا 11 ارنايى اۆتوماتتاندىرىلعان ولشەۋ قۇرالىن ىسكە قوسۋ جوسپارلانىپ وتىر. 2021 جىلعا قاراي ولاردىڭ جالپى سانىن 46 بىرلىككە دەيىن جەتكىزۋ جوسپارلانۋدا. اۆتوموبيل كولىگىمەن جولاۋشىلار تاسىمالداۋ سالاسىندا قوزعالىس كەستەسىن, مارشرۋتىن جانە جيىلىگىن ساقتاۋدى قامتاماسىز ەتۋ ماقساتىندا پيلوتتىق رەجيمدە وبلىسارالىق جانە حالىقارالىق اۆتوبۋسپەن جولاۋشىلار تاسىمالىن ديسپەتچەرلەۋ جۇيەسى ىسكە قوسىلدى» دەدى مينيستر.
سونداي-اق ول 2019 جىلدىڭ سوڭىنا دەيىن 416 مارشرۋت بويىنشا وبلىسارالىق جانە حالىقارالىق جولاۋشىلار تاسىمالىن جۇزەگە اسىراتىن 2 مىڭنان استام اۆتوبۋس ىسكە قوسىلاتىنىن اتاپ ءوتتى.
«جول سەكتورىن تسيفرلاندىرۋ اياسىندا مينيسترلىك «جول اكتيۆتەرىن باسقارۋ جۇيەسىن»تاجىريبە رەتىندەەنگىزدى. بۇل جۇيە تاڭدالعان جوندەۋ ستراتەگياسىنا بايلانىستى قاجەتتى ينۆەستيتسيالار كولەمىن جانە جولداردىڭ تەحنيكالىق جاعدايىن بولجايدى.جۇيە 2020-شى جىلعا دەيىن رەسپۋبليكالىق ماڭىزى بار جولدار جەلىسىن (24,1 مىڭ كم) تولىق قامتيدى, ال كەيىن ونى جەرگىلىكتى جولدارعا (72,8 مىڭ كم) ەنگىزۋ جوسپارلانۋدا» دەدى ج.قاسىمبەك.
ونىڭ ايتۋىنشا, الماتى-قاپشاعاي, الماتى-قورعاس جانە استانا-تەمىرتاۋ ۋچاسكەلەرىندە جالپى ۇزاقتىعى 471 شاقىرىم بولاتىن اقى الۋ جۇيەسى پايدالانۋعا بەرىلگەن. جالپى 2021-ءشى جىلعا قاراي ۇزاقتىعى 6,5 مىڭ شاقىرىم بولاتىن 16 ۋچاسكەگە اقى الۋ جۇيەسىن ەنگىزۋ جوسپارلانۋدا.
«قازاقستان تەمىرجولى» ۇلتتىق كومپانياسى» اكتسيونەرلىك قوعامى«ماگيسترال» اۆتوماتتاندىرىلعان باسقارۋ جۇيەسى اياسىندا ءموبيلدى دياگنوستيكالىق قۇرالداردى ەنگىزۋ» جوباسىنىسكە اسىرۋدا. جوبا 6 ءموبيلدى-دياگنوستيكالىق كەشەندى پايدالانۋدى كوزدەيدى, ونىڭ 3-ەۋى 2018-ءشى جىلى جەلتوقسان ايىندا جۇمىسىن باستادى. وسىنىڭ ناتيجەسىندە بارلىق ماگيسترالدىق جەلىنىڭ دياگنوستيكاسى 180 كۇننىڭ ورنىنا 15 كۇندە جۇزەگە اسىرىلاتىن بولادى, دياگنوستيكالىق جابدىق قىزمەتىن قامتاماسىز ەتۋ شىعىنى 2 ەسەگە تومەندەيدى» دەدى يندۋستريا جانە ينفراقۇرىلىمدىق دامۋ ءمينيسترى.
بۇدان ءارى ول تاپسىرىستاردى وڭدەۋ ۋاقىتىن قىسقارتۋ جانە ترانزيتتىك كونتەينەرلەر تاسىمالىن جەتكىزۋ تىزبەكتەرىن وڭتايلى باسقارۋ ماقساتىندا «مۋلتيمودالدىق تاسىمالداردى باسقارۋ جۇيەسى» جوباسىنىڭ ءبىرىنشى كەزەڭى ىسكە اسىرىلعانىن اتاپ ءوتتى. بۇگىنگى كۇنى SAP CRM شەشىمى بازاسىندا فۋنكتسيونالدى ەنگىزۋ جۇمىستارى اياقتالعان. جۇيەدە كومپانيانىڭ 100-دەن استام قىزمەتكەرى جۇمىس ىستەيدى. سونداي-اق 2000 كليەنت بويىنشا دەرەكتەر جۇرگىزىلىپ جاتىر.