بۇل تۋرالى يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك ۇكىمەت وتىرىسىندا ايتتى.
«2018 جىلى ونەركاسىپتى تسيفرلاندىرۋ بويىنشا مينيسترلىك 7 مودەلدىك فابريكادا ءاۋديتتى اياقتادى جانە ولاردى تسيفرلاندىرۋ ءۇشىن جول كارتالارىن بەكىتتى. ءار كاسىپورىنعا شامامەن 30 ءىس-شارا ۇسىنىلدى. 2018 جىلى ەكى مودەلدى فابريكادا ءىس-شارانىڭ ءبىر بولىگى ويداعىداي ەنگىزىلدى. ولار: «حيمفارم» اكتسيونەرلىك قوعامى مەن «ەۆرازيان فۋدس»اكتسيونەرلىك قوعامى», دەدى مينيستر.
سونىمەن قاتار مينيستر 2018 جىلى «وسكەمەن تيتان-ماگني كومبيناتى» اكتسيونەرلىك قوعامىنا ءوندىرىس بالانسىن قالىپتاستىرۋ جانە ەسەپتەۋ جۇيەسى ەنگىزىلدى. ەكونوميكالىق تيىمدىلىك شامامەن 300 ملن تەنگە بولادى, دەپ بولجانۋدا ەكەنىن ايتىپ ءوتتى. سونداي-اق «Maker» جاۋاپكەرشىلىگى شەكتەۋلى سەرىكتەستىگى ماشينا جاساۋ وندىرىسىندە تاۋ-شاحتا جابدىقتارىنا قىزمەت كورسەتۋ جانە كەز كەلگەن كۇردەلى مەتالل كونسترۋكتسيالارىن ءوندىرۋ بويىنشا جاڭعىرتۋ جۇمىستارى اياقتالدى.
مينيستر ءوز بايانداماسىندا «اقتوبە مىس كومپانياسى» جاۋاپكەرشىلىگى شەكتەۋلى سەرىكتەستىگى بايىتۋ فابريكاسى تولىق اۆتوماتتاندىرىلعان وندىرىستىك تسيكلعا كوشۋ ارقىلى جاڭعىرتىلعانىن ايتتى. جوعارىدا اتالعان جوبالاردى ەسەپتەگەندە ەكونوميكالىق تيىمدىلىك 20 ميلليارد تەڭگەدەن استى. بيىل «كازتسينك» جاۋاپكەرشىلىگى شەكتەۋلى سەرىكتەستىگىندە 3 جوبانى جۇزەگە اسىرۋ جوسپارلانىپ وتىر. ولار:
«پوليمەتالل جايرەم» جوباسى اياسىندا جوعارى اۆتوماتتاندىرىلعان بايىتۋ فابريكاسىن سالۋ; «جاڭا مەتاللۋرگيالىق بالانس» وندىرىستىك دەرەكتەردىڭ بىرىڭعاي بازاسىن ەنگىزۋدى قاراستىرادى 2025 جىلعا قاراي ەكونوميكالىق تيىمدىلىك 630 ملن تەڭگەنى قۇرايدى.; «تاۋ-كەن ءوندىرىسىن جوسپارلاۋ مەن بيۋدجەتتەۋدىڭ اۆتوماتتاندىرىلعان جۇيەسى (RPM)»; 2021 جىلعا قاراي ەكونوميكالىق تيىمدىلىك 450 ملن تەڭگەنى قۇرايدى.«سونىمەن قاتار, وڭىرلەردىڭ ونەركاسىپ وندىرىستەرىن تسيفرلاندىرۋ جۇمىستارى ءجۇرىپ جاتىر. مينيسترلىك پەن اكىمدىكتەر بىرلەسىپ ورتا جانە ءىرى ونەركاسىپ نىساندارىنا تسيفرلى تەحنولوگيالاردى ەنگىزۋ جونىندەگى جول كارتاسىن بەكىتتى. 2018 جىلى 47 كاسىپورىندا تسيفرلاندىرۋ جوبالارى ىسكە اسىرىلدى. بيىل 100-دەن استام كاسىپورىندى تسيفرلاندىرۋ جۇمىستارى بەلسەندى تۇردە جالعاساتىن بولادى», دەدى مينيستر ءوز بايانداماسىندا.