«جاستار» عىلىمي-زەرتتەۋ ورتالىعى قازاقستان جاستارىنىڭ ءبىلىم بەرۋ جۇيەسى تۋرالى پىكىرىنە سۇيەنگەن الەۋمەتتىك زەرتتەۋلەر مالىمەتتەرىن ۇسىنادى.
جاستاردىڭ العان نەمەسە الىپ وتىرعان بىلىمدەرىنىڭ ساپاسىنا قاناعاتتانۋ دەڭگەيى ءارتۇرلى: ءبىلىم بەرۋ جۇيەسىن 5-بالدىق جۇيە بويىنشا باعالاۋ ۇسىنىلعاندا رەسپوندەنتتەردىڭ 35,2%-ى ءوز ءومىرىنىڭ وسى قىرىن 5 بالعا, 42,3%-ى – 4 بالعا, 15%-ى – 3 بالعا, 4%-ى – 2 بالعا جانە 1,6%-ى 1 بالعا باعالادى.
ء«وزىڭىزدىڭ العان نەمەسە الىپ جاتقان ءبىلىمىڭىزدىڭ ساپاسىنا قاناعاتتانۋ دەڭگەيىڭىز قانداي؟» سۇراعىنا باعالاۋ ءۇشىن ورتا ءمانى جوق 4 شكالا بەرىلدى: ءبىرىنشى پوليۋستە وڭ باعالار – تولىعىمەن قاناعاتتانامىن جانە قاناعاتتانامىن دەۋگە بولادى, باسقا ءبىر پوليۋستە – تولىعىمەن قاناعاتتانبايمىن جانە قاناعاتتانبايمىن دەۋگە بولادى. الىنعان مالىمەتتەرگە سايكەس, 81,7%-ى ءوزىنىڭ بىلىمىمەن قاناعاتتانادى, سونداي-اق ولاردىڭ اراسىندا تولىعىمەن قاناعاتتاناتىنداردىڭ ۇلەسى 30% قۇرايدى. 15,5% − قاناعاتتانبايدى.
مالىمەتتەرگە سايكەس, بارلىق جاستاعى توپتاردىڭ وكىلدەرى ءوزىنىڭ العان بىلىمىنە قاناعاتتانادى ەكەن. كورسەتكىشتەر 79,6%-دان 84,8%-عا وزگەرىپ وتىرادى. قالاي بولعاندا دا, جاس ەرەكشەلىگى ۇلكەن بولعان سايىن, قاناعاتتانۋ دەڭگەيى تومەن, ەڭ تومەنگى كورسەتكىش − 79,6% جانە ول 24-28 جاستاعى رەسپوندەنتتەر توبىندا كەزدەسەدى. قالادا تۇراتىن جاستاردىڭ قاناعاتتانۋ دەڭگەيى – 83,4%. اۋىل جاستارىنىڭ كورسەتكىشى 79,6%.
جاستاردىڭ كوزىمەن قاراساق, بۇگىندە ءبىلىم بەرۋ سالاسىنداعى وزەكتى ماسەلەلەردىڭ قاتارىنا ءبىلىم الۋ قۇنىنىڭ جوعارى بولۋى, كادرلاردىڭ تاپشىلىعى, وقۋ ورىندارىن قارجىلاندىرۋ دەڭگەيىنىڭ ماردىمسىزدىعى, سودان تۋىندايتىن سالدار رەتىندە ءالسىز تەحنيكالىق جابدىقتالۋ مەن زاماناۋي وقۋلىقتاردىڭ كەمشىلىگى جاتادى.
ايدا سىزدىقوۆا,
«جاستار» عىلىمي-زەرتتەۋ ورتالىعى