ايشولپان نۇرعايىپقىزى - تۋرالى رەجيسسەر وتتو بەلل «The Eagle Huntress» اتتى فيلم تۇسىرگەن. فيلم الەمنىڭ 30 مەملەكەتىندە, ونىڭ ىشىندە لوندون, نيۋ-يورك, دۋباي, توكيو, سيدنەي قالالاردا كورسەتىلدى. «The Eagle Huntress» ءفيلمى 2015 جىلى «وسكار» سىيلىعىنىڭ شورت ليستىنە دەيىن جەتتى. ال, 2017 جىلى ايشولپان نيۋ-يورك قالاسىندا «Asia Game Changer» سىيلىعىن يەلەندى. بۇل سىيلىق ازيانىڭ ەڭ تاڭداۋلى تۇلعالارىنا تابىستالادى. بۇعان دەيىن, بۇل ماراپاتقا دجەك ما, مەنني پاكياو, ديۋ پاتەل سەكىلدى جۇلدىزدار لايىق دەپ تانىلعان.
ايشولپان الداعى ۋاقىتتا امەريكادا ءبىلىم الۋدى جوسپاراپ وتىر. قازىر لوس-اندجەلەستە وعان ارنالىپ جەكە كىتاپ جازىلىپ جاتىر. اعىمداعى جىلى تۇساۋى كەسىلۋى ءتيىس. ول ءوزى تۇرىپ جاتقان ەلىنىڭ باق وكىلدەرىنە بەرگەن سقحباتىندا ءوزىن الەم جۇرتى «بۇركىتشى قىز» رەتىندە تانىعانىن, ەندى ء «بىلىمدى ايشولپان» رەتىندە تانىعانىن قالايتىنىن ايتىپتى.
«امەريكادا وقيمىن دەپ شەشتىم. ءدال قاي ۋنيۆەرسيتەت ەكەنىن ءالى تاڭدامادىم. بۇعان دەيىن گارۆارد, وكسفورد ۋنيۆەرسيتەتتەرى گرانت ۇسىنعان بولاتىن. بىراق, ءالى سوڭعى تاڭداۋىمدى جاساعان جوقپىن» –دەيدى ايشولپان جۋرناليستەرمەن كەزدەسكەن كەزدە.
ايشولپان جايلى قازىر اقش-تا كىتاپ جازىلىپ جاتىر.
تۇساۋى لوس-اندجەلەس قالاسىندا كەسىلەدى. اۆتورى ليۋزا ۋەلش.
كىتاپتىڭ اتاۋى «The Eagle Huntress».
لۋيزا قازىرگى ۋاقىتتا كىتاپتى جازىپ, اياقتاپ قالىپتى.
ايشولپاندى ىزدەپ بارىپ, ارنايى فيلم تۇسىرگەن شەت ەلدىك جۋرناليستەردىڭ دە, ونىمەن كەزدەسۋگە بارعان تۋريستەردىڭ دە قاراسى كوپ بولدى. ماسەلەن, 2018 جىلى موڭعولياعا 30 استام ەلدىڭ ساياحاتشىلارى بارعان بولسا, سونىڭ 40% جۋىعى ايشولپاندى كورۋ ءۇشىن اتتانىپتى.
بۇركىتشى قىز 2018 جىلى موڭعوليا پرەزيدەنتى حالتمااگين باتتۋلگانىڭ جارلىعىنا ساي «التىن جۇلدىز» وردەنىمەن ماراپاتتالدى. ال 2019 جىلىڭ باسىندا پرەزيدەنت نۇرسۇلتان نازارباەۆپەنجۇزدەستى.
- «جاستار جىلىنىڭ» اشىلۋىندا دا ايتتىم, قازىردە قايتالايمىن. قازاقتىڭ پرەزيدەنتىمەن كەزىگۋ مەنىڭ ارمانىم ەدى. ماقتانعانىم ەمەس, وسى كۇنگە دەيىن الەمنىڭ تالاي جۇلدىزدارىمەن كەزىكتىم. ولارمەن ارالاسىپ كوردىم. بىراق, ەلباسىنىڭ بويىنان بۇعان دەيىن ەشكىمنەن كورمەگەن كۇش-قۋاتتى بايقادىم. ەنەرگياسىن سەزدىم. قانشا دايىندالىپ بارسام دا, پرەزيدەنتتى كورگەن كەزدە قوبالجىپ, قانشا كۇن دايىندالعان ءسوزىمنىڭ ءبارىن ۇمىتىپ قالدىم. ناتيجەسى قالاي بولعانىن بۇكىل قازاقستان كوردى-دەيدى ايشولپان.
الەم مويىنداعان ايشولپاندى قازاقستان جۇرتى كەڭىنەن تانىدى, ال ايشولپانقازاقستانمەن جاقىن تانىستى. ول ءۇشىن استاناعا كەلۋ, وسىندا وقۋعا ءتۇسۋ كۇتپەگەن ءارى ايتۋلى وقيعا بولدى.
گۇلبارشىن ساباەۆا,
«ەgemen Qazaqstan»
الماتى