ۆەنگريا پرەمەر-ءمينيسترى ۆيكتور وربان كوپ بالالى وتباسىلارعا جەڭىلدىكتەر جاسالاتىنىن مالىمدەدى.
وسىعان بايلانىستى ۆ.وربان ارنايى پرەسس-كونفەرەنتسيا وتكىزىپ, بيىلعى جوسپارىمەن ءبولىستى.ء «بارى ۆەنگريا ءۇشىن» لوزۋنگىمەن وتكەن جيىندا الەۋمەتتىك-ەكونوميكالىق ماسەلەلەر تولىققاندى تالقىلاندى.
ەل ۇكىمەتى بيىلعى ەل بيۋدجەتىنىڭ جالپى رەزەرۆتەرىنەن نەمەسە قوسىمشا تابىستارىنان جاڭا الەۋمەتتىك باعدارلاماعا قاراجات ءبولۋدى جوسپارلاپ وتىر. وربان ەۋروپادا بالا تۋ كورسەتكىشى تومەندەپ كەتكەنىن جانە بۇل كورسەتكىشتىڭ قۇلدىراۋى ماسەلەسىنىڭ شەشۋ جولىن ەۋروپا كوشى-قونىنان ىزدەيتىنىن اتاپ ءوتتى. «ال ۆەنگرلەر باسقاشا ويلايدى. بىزگە تسيفردىڭ قاجەتى جوق. بىزگە ۆەنگر بالالار قاجەت» دەپ مالىمدەدى پرەمەر.
ەلدە تۋ تۋرالى كورسەتكىشىن كوتەرۋ ماقساتىندا ەكى بالادان كوپ وتباسىلارعا كەڭەيتىلگەن كرەديت باعدارلامالارىن ۇسىنۋ جوسپارلانىپ وتىر, بۇل كرەديتكە ولار باسپانا الا الادى. سونداي-اق اۆتوموبيل ساتىپ الۋعا سۋبسيديا بەرىلەدى. سونىمەن قاتار, بۇل ەلدە كەمىندە ءتورت بالا اسىراپ وتىرعان ايەلدەردى تابىس سالىعىنان بوساتۋ قاراستىرىلىپ جاتىر.
پرەمەردىڭ ايتۋىنشا, 40-قا دەيىنگى ايەلدەر ءبىرىنشى رەت تۇرمىسقا شىعىپ جاتسا, 33 مىڭ دوللار كولەمىندە سۋبسيديالانعان كرەديت بەرىلەدى. ەكىنشى بالاسىن بوسانسا, ونىڭ ۇشتەن ءبىرى, ياعني 12 مىڭ دوللارى كەشىرىلەدى. سونداي-اق نەسيەنى وتەۋ مەرزىمى ءۇش جىلعا شەگەرىلەدى. ءۇشىنشى بالا بوسانسا, نەسيە تولىعىمەن جابىلادى.
سونىمەن قاتار ءتورت بالاسى بار انالار تابىس سالىعىنان ءومىر بويى بوساتىلادى. ال ءۇش بالاسى بار وتباسىلار كولىك الۋى ءۇشىن 8,3 مىڭ ەۋرو سۋبسيديا الادى.
بۇدان بولەك ەلدەگى الەۋمەتتىك جاعدايدى جاقسارتۋ ءۇشىن كوپتەگەن جەڭىلدىكتەر قاراستىرىلعان. ماسەلەن, ۆ.وربان دەنساۋلىق ساقتاۋ سالاسىن جاقسارتۋ ءۇشىن مەملەكەت قازىناسىنان 2,3 ميلليارد ەۋرو بولىنەتىنىن جەتكىزدى.