بۇل قازاقستاننىڭ ۆەنگرياداعى ەلشىسى نۇرباح رۇستەموۆتىڭ سىرتقى ىستەر مينيسترلىگىندە وتكەن قازاقستاندىق باق وكىلدەرى ءۇشىن بريفينگىندە سويلەگەن ءسوزىنىڭ تەزيستەرىنىڭ ءبىرى بولدى.
بارلىعىنا ءمالىم, جوعارى دەڭگەيدەگى ساياسي بايلانىستار مەن تابىستى ساۋدا-ەكونوميكالىق ىنتىماقتاستىققا قوسا, قازاقستان مەن ۆەنگريا ۇزاق ۋاقىت بويى تۋىستىق تامىرلارمەن بايلانعان. ماجارلاردىڭ وزدەرى قىپشاق-تۇرىك نەگىزىنەن شىقاندىعىن مالىمدەيدى. ەكى ەل اراسىندا تىعىز تاريحي بايلانىستار بار, ويتكەنى قازىرگى زامانعى ورتالىق-شىعىس ۆەنگريا اۋماعىندا ءحىح عاسىردىڭ ءبىرىنشى جارتىسىندا تورعاي دالاسىنان قونىس اۋدارعان قىپشاق تايپالارىنىڭ ۇرپاقتارى ءومىر سۇرەدى. ۆەنگريا تۇركىتىلدەس مەملەكەتتەردىڭ ىنتىماقتاستىق كەڭەسىندە جانە تۇركى اكادەمياسىندا باقىلاۋشى مارتەبەسىنە يە بولىپ, ولاردىڭ قىزمەتىنە ۇلكەن قىزىعۋشىلىق تانىتۋدا. قازاقستان دەلەگاتسياسى ۆەنگريادا وتەتىن جىل سايىنعى «ماديار-تۇران» قۇرىلتايىنا قاتىسادى. بۇل ءىس-شاراعا بۇكىل الەمنىڭ تۇركى حالىقتارىنىڭ وكىلدەرى كەلىپ, كيىز ۇيلەر قويىلىپ, ءتۇرلى بايقاۋلار مەن كوشپەندىلەر ويىندارى ۇيىمدستىرىلادى. بۋداپەشتتە استانانىڭ كوشەسى بار, وندا اباي قۇنانباەۆتىڭ ءمۇسىنى ورناتىلعان. ۆەنگريانىڭ جاستارى سەگەد عىلىمي ۋنيۆەرسيتەتىندە قازاق ءتىلىن تەرەڭدەتىپ وقۋدا.