بۇگىن قازاقستاننىڭ باس پروكۋراتۋراسى جانە ءىىم ينتەرپولى ماكسيم لەونتەۆتى قىلمىستىق جاۋاپتىلىققا تارتۋ ءۇشىن بولگاريادان ەكستراديتسيالادى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
«ۇستالعان ازامات 2012-2017 جىلدار ارالىعىنداعى كەزەڭدە قاراعاندى وبلىسى اقتاۋ قالاسىنداعى «Central Azia Cement» اق-دا ءوزىنىڭ قىزمەتتىك جاعدايىن پايدالانا وتىرىپ, ادامدار توبىندا الدىن الا ءسوز بايلاسۋ ارقىلى كاسىپورىننىڭ 382 ملن. تەڭگە سوماسىنا اقشالاي قاراجاتىن جىمقىرعانى ءۇشىن كۇدىكتى», - دەلىنگەن حابارلامادا.
لەونتەۆ قىلمىستىق قۋدالاۋ ورگاندارىنان جاسىرىنىپ ۇلگەرگەن, وسىعان بايلانىستى وعان حالىقارالىق ىزدەستىرۋ جاريالانعان.
«ادامدى ەكستراديتسيالاۋ قازاقستاندىق قۇقىق قورعاۋ ورگاندارىنىڭ بولگارلىق ارىپتەستەرىمەن ۇيلەسىمدى ارەكەتتەرىنىڭ ارقاسىندا مۇمكىن بولدى», - دەلىنگەن حابارلامادا. قازىرگى تاڭدا, كۇدىكتى استانا قالاسىنىڭ تەرگەۋ يزولياتورىنا قامالدى.