حالىق سالىمدارىنىڭ كولەمى 8,4 ترلن تەڭگەنى قۇرادى

بولشەك دەپوزيتتەردىڭ جالپى كولەمى 86,1% نەمەسە 7,3 ترلن تەڭگە مەرزىمدى سالىمدارعا دەيىن ءتۇستى. كارت-شوتتارداعى قاراجات قالدىقتارى 10,6% نەمەسە 895,7 ملرد تەڭگەنى قۇرايدى. شارتتى سالىمدار 3,1% نەمەسە 259,5 ملرد تەڭگەگە ءتۇستى. ال تالاپ ەتىلگەنگە دەيىنگى سالىمدار 0,2% نەمەسە 19,7 ملرد تەڭگە بولدى.

ورنالاستىرىلعان قاراجات كولەمى بويىنشا سالىمداردىڭ ەڭ جوعارى ۇلەس سالماعى 5 ملن تەڭگەگە دەيىن — 26,4% (1,9 ترلن تەڭگە), ەكىنشى ورىندا 500 ملن تەڭگەدەن استام سالىمدار — 24,7% (1,8 ترلن تەڭگە), ءۇشىنشى ورىندا — 50-دەن 500 ملن تەڭگەگە دەيىن 19,2% (1,4 ترلن تەڭگە).

دەپوزيتتەرگە مىندەتتى كەپىلدىك بەرۋ جۇيەسىنىڭ نەگىزگى ماقساتى – قارجى جۇيەسىنىڭ تۇراقتىلىعىن قامتاماسىز ەتۋ, سونىڭ ىشىندە دەپوزيتتەرگە مىندەتتى كەپىلدىك بەرۋ جۇيەسىنە قاتىسۋشى بانك ماجبۇرلەپ تاراتىلعان جاعدايدا دەپوزيتورلارعا كەپىلدىك بەرىلگەن وتەمدى تولەۋ ارقىلى بانك جۇيەسىنە دەگەن سەنىمدى قولداۋ. ول ءۇشىن كونكۋرستىق نەگىزدە سالىمشىلار ءۇشىن ارنايى بانك-اگەنتى تاڭدالادى.

قوردىڭ مىندەتتەرىنە قارجى جۇيەسىنىڭ تۇراقتىلىعىن قامتاماسىز ەتۋگە قاتىسۋ, قاتىسۋشى بانك ماجبۇرلەپ تاراتىلعان جاعدايدا كەپىلدىك بەرىلگەن دەپوزيتتەر دەپوزيتورلارىنىڭ قۇقىقتارى مەن زاڭدى مۇددەلەرىن قورعاۋ كىرەدى. اتالعان قور قازاقستان رەسپۋبليكاسىنىڭ ۇلتتىق بانكىنە قىزمەت كورسەتەدى. سونداي-اق بانك جۇيەسىنە سەنىمدى قولداۋ بويىنشا ماسەلەلەردى شۇعىل شەشۋگە كومەكتەسەدى.

قوردىڭ قىزمەتى ەلدەگى ەكىنشى دەڭگەيلى بانكتەردەگى حالىق جيناقتارىنىڭ وسۋىنە جانە ەلدىڭ بانك سەكتورىنداعى وتىمدىلىگىنىڭ جالپى دەڭگەيىنىڭ ارتۋىنا دا ىقپال ەتەدى. سونداي-اق مەملەكەتتىڭ قارجى سەكتورىن 2030 جىلعا دەيىن دامىتۋ تۇجىرىمداماسى شەڭبەرىندە قورعا بانكتەردىڭ قارجىلىق دارمەنسىزدىگىن جويۋ جانە رەتتەۋ بويىنشا, ونىڭ ىشىندە دەپوزيتتەرگە مىندەتتى كەپىلدىك بەرۋ سالاسىنداعى زاڭنامانى جەتىلدىرۋ ارقىلى بىرقاتار جاڭا فۋنكتسيالار مەن وكىلەتتىكتەردى بەرۋ جوسپارلانعان.

ەستەرىڭىزگە سالا كەتەيىك, 2018 جىلى Qazaq Banki, استانا بانكى جانە ەكسيمبانك بانكتىك جانە وزگە وپەراتسيالاردى جۇرگىزۋگە ليتسەنزياسىنان ايىرىلدى. بانك ۆتب (Qazaq Banki), ەۋرازيالىق بانك (استانا بانكى) جانە «قازپوچتا» اق (ەكسيمبانك) وتەمدى تولەۋ اگەنت-بانكتەرى بولدى.

بانك ۆتب سالىمشىلارعا 19,2 ملرد تەڭگە تولەدى, 2019 جىلدىڭ 31 قاڭتارىنا كەپىلدىك بەرىلگەن وتەمنىڭ قالدىعى 1,2 ملرد تەڭگەنى قۇرادى.

ەۋرازيالىق بانك 30,7 ملرد تەڭگە تولەدى,قالدىق — 6,8 ملرد تەڭگە.

«قازپوچتا» اعىمداعى جىلدىڭ 4 اقپانىنان تولەمدى باستادى, كەپىلدىك بەرىلگەن وتەمنىڭ قالدىعى 258,3 ملن تەڭگەنى قۇرايدى.