پاريجدىڭ 16-اۋدانىداعى سەگىز قاباتتىق عيماراتتىڭ 7,8 قاباتتارى ورتكە ورانعان. بۇل تۋرالى Euronews حابارلادى.
ءورت ناتيجەسىندە, 8 ادام قازا تاۋىپ, 30-ى جاراقات العان. جاپا شەككەندەردىڭ قاتارىندا 6 ءورت ءسوندىرۋشى بار. جاقىن ماڭداعى ۇيلەردىڭ تۇرعىندارى ەۆاكۋاتسيالانعان.
عيماراتتاعى ءورتتى سوندىرۋگە 30 ءورت ءسوندىرۋشى تارتىلعان. وتقا ورانعان ءۇيدى 5 ساعات سوندىرگەن.
ءورت سوندىرۋشىلەرگە العاشقى دابىل تۇنگى بىردە تۇسكەن. باق-قا كەلىپ جەتكەن اقپاراتقا سۇيەنسەك, ءۇي قاساقانا ورتەلگەن. فرانتسيا باسىلىمى Agence France Press-ءتىڭ حابارالاۋىنشا, كۇدىكتى تۇرعىن قولعا تۇسىرىلگەن.