قاراعاندى وبلىسىنداعى نۇرا اۋدانىنىڭ اكىمى لاۋازىمدىق قىزمەتىنە ەسەت بايكەن تاعايىندالدى.
ەسەت بەرىك ۇلى بايكەن 1986 جىلى قاراعاندى وبلىسىنىڭ نۇرا اۋدانىنداعى بارشىن اۋىلىندا دۇنيەگە كەلگەن.
2008 جىلى قازاق گۋمانيتارلىق زاڭ ۋنيۆەرسيتەتىن, 2010 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن تامامداعان. ەكونوميكا باكالاۆرى, قۇقىقتانۋ باكالاۆرى.
ەڭبەك جولىن 2008 جىلى استانا قالاسىنىڭ ەكونوميكا جانە بيۋدجەتتىك جوسپارلاۋ باسقارماسىندا جەتەكشى, سونان سوڭ باس مامان رەتىندە باستادى.
2010 جىلدان بەرى «استانا قالاسى اكىمدىگى اپپاراتى» مم الەۋمەتتىك-مادەني سالا ءبولىمىنىڭ باس مامانى.
2013 جىلى استانا قالاسى اكىمىنىڭ باس ينسپەكتورى, «استانا قالاسى اكىمدىگى اپپاراتى» مم ۇيىمداستىرۋ-ينسپەكتورلىق ءبولىمىنىڭ جەتەكشىسى بولىپ تاعايىندالدى.
2016 جىلى قر پرەزيدەنت اكىمشىلىگى جەتەكشىسىنىڭ حاتشىلىق ساراپشىسى بولدى.
2017 جىلدان باستاپ نۇرا اۋدانى اكىمى لاۋازىمىنا تاعايىندالعانعا دەيىن قر پرەزيدەنتى اپپاراتىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى قىزمەتىن اتقارعان.
قايرات ءابىلدا,
«Egemen Qazaqstan»
قاراعاندى