قارجى ءمينيسترىنىڭ بۇيرىعىمەن تولەگەن داستەم ۇلى قابدوشەۆ سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ تاعايىندالدى.
تولەگەن قابدوشەۆ كوكشەتاۋ گۋمانيتارلىق-ەكونوميكالىق ۋنيۆەرسيتەتىن, سولتۇستىك قازاقستان مەملەكەتتىك ۋنيۆەرسيتەتىن قارجى جانە نەسيە, قۇقىقتانۋ باكالاۆرى ماماندىقتارى بويىنشا تامامداعان.
ەڭبەك جولىن 1994 جىلى پەتروپاۆل قالاسى بويىنشا سالىق ينسپەكتسياسى كاسىپكەرلىك قىزمەتكە سالىق سالۋ ءبولىمىنىڭ ينسپەكتورى قىزمەتىنەن باستاعان. سالىق قىزمەتى ورگاندارىندا باس ينسپەكتور, ءبولىم سەكتورىنىڭ مەڭگەرۋشىسى, بولىمدەر مەن باسقارمالاردىڭ باسشىسى بولىپ جۇمىس ىستەگەن. 2005-2009 جىلدارى وبلىستىق سالىق قىزمەتىنىڭ اۋداندىق بولىمشەلەرىنىڭ باسشىسى, 2009 جىلدىڭ ناۋرىزىنان 2014 جىلعا دەيىن وبلىستىق سالىق دەپارتامەنتى باسشىسىنىڭ ورىنباسارى, ال 2014 جىلى قايتا قۇرىلعاننان كەيىن – سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بولعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى