اتىراۋ, اقتاۋ جانە اقتوبە گارنيزوندارىندا اسكەري بولىمدەرىنىڭ ۇدايى ورنالاسۋ پۋنكتتەرىندە بولىمشەلەر (ەسەپتوپتار, ەكيپاجدار) كومانديرلەرىنىڭ كومانديرلىك دايىندىعى ءوز مارەسىنە جەتتى.
سەرجانتتاردى دايىنداۋدىڭ باستى ماقساتى ولاردىڭ لاۋازىمدىق ارنالىمعا سايكەس بولىمدەردەگى ءساتتى پراكتيكالىق قىزمەتى ءۇشىن جەتكىلىكتى كولەمدەگى ءبىلىمدى مەڭگەرۋى بولىپ تابىلادى. وقىتۋ باعدارلاماسىندا جالپىاسكەري پاندەردەن باسقا ادىستەمەلىك دايىندىق, اسكەري پەدگوگيكا, پسيحولوگيا جانە قاۋىپسىزدىكتى قامتاماسىز ەتۋ سياقتى پاندەر قاراستىرىلعان.
ساباقتار بارىسىندا وقىتۋ مەن تاربيە بەرۋدىڭ بىرلىگى قاعيداتتارى قاتاڭ ساقتالعان, باعىنىستىلاردى جەكە وقىتۋدا اناعۇرلىم پەرسپەكتيۆالىق ۇلگىلەر مەن ادىستەر ەنگىزىلگەن. ساباقتاردى قر قك اسكەري بولىمدەرىنىڭ تاجىريبەلى وفيتسەرلەرى مەن سەرجانتتارى وتكىزدى. دايىندىق قورىتىندىسى بويىنشا سەرجانتتاردان اتىس جانە دەنە دايارلىعى بويىنشا نورماتيۆتەر قابىلداندى.
-وسى جيىننىڭ ارقاسىندا كىشى كوماندالىق قۇرام وزدەرىنىڭ فۋنكتسيونالدىق مىندەتتەرىن ورىنداۋدا ءبىلىم دەڭگەيلەرىن ارتتىردى. ءبىز بارلىق مازالاپ جۇرگەن سۇراقتارىمىزعا جاۋاپ الدىق جانە بىزگە ءارى قارايعى قىزمەتتە قاجەت پراكتيكالىق تاجىريبەمىزبەن الماستىق, دەيدى جيىنعا قاتىسۋشى سەرجانت اداي جاپپاروۆ.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى