ۇكىمەتتىڭ كەڭەيتىلگەن قۇرامداعى وتىرىسىندا مەملەكەت باسشىسى سۋارمالى ەگىستىك القاپتارىنىڭ اۋماعىن ارتتىرۋدى جۇكتەدى.
«كەزىندە ەلىمىزدىڭ ءار ايماعىندا قۇدىقتار سانى كوپ بولدى, ءار قۇدىقتىڭ توڭىرەگىندە وتار-وتار قوي وسىرىلەتىن. وسى باعىتتاعى جۇمىستاردى قولعا الۋ كەرەك. جالپى, اۋىل شارۋاشىلىعى ءونىمىن ارتتىرۋعا سۋارمالى ەگىستىكتەردىڭ ۇلەسى مول بولادى. كوكتەمدە ەرىگەن قار سۋى بىرقاتار وبلىستا جايىلىپ كەتەدى. سوعان سايكەس سۋ جينايتىن نىساندار سالۋ كەرەك», - دەدى ن. نازارباەۆ.
ءوز كەزەگىندە ءسوز العان اۋىل شارۋاشىلىعى ءمينيسترى ومىرزاق شوكەەۆ قۇدىقتاردىڭ اينالىسىندا مال شارۋاشىلىعىن دامىتۋ شارالارى ىسكە اسىرىلاتىنىن اتاپ ءوتتى.
«قازىر بۇل نىسانداردى قالپىنا كەلتىرىپ جاتىرمىز. بىزدەگى ۇلكەن رەزەرۆ مال شارۋاشىلىعىندا جاتىر. 1 ملن توننا بيدايدى ساتساق, 150 ملن دوللار تابىس الامىز. ال ءىرى قارا مال ەتىن وتكىزگەن كەزدە 1 ملرد دوللار شىعارۋعا بولادى. تاۋىق جۇمىرتقاسىنىڭ ءوزى بيدايدان ءۇش ەسە ارتىق تابىس اكەلەدى», - دەدى ومىرزاق شوكەەۆ.