پارلامەنت سەناتىنىڭ دەپۋتاتتارى ساۋلە ايتپاەۆا مەن سەرگەي پلوتنيكوۆ ەۋروپا كەڭەسى پارلامەنتتىك اسسامبلەياسىنىڭ 21-25 قاڭتار كۇندەرى ستراسبۋرگ قالاسىندا (فرانتسيا) وتكەن 2019 جىلعى سەسسياسىنا قاتىستى.
ەكپا كۇن تارتىبىندە پارلامەنتتىك اسسامبلەيانىڭ گرۋزيا جانە ارمەنياداعى پرەزيدەنت سايلاۋلارىن بايقاۋ جونىندەگى ناتيجەلەرى, ەۋروپا كەڭەسى ەلدەرىندە ءادىل رەفەرەندۋمداردى وتكىزۋدىڭ نەگىزگى قاعيداتتارىن جاڭارتۋ ماسەلەلەرى, پارلامەنتتىك اسسامبلەيا مەن ۇلتتىق پارلامەنتتەردىڭ ءرولىن كۇشەيتۋ, شاريعات زاڭدارىنىڭ ادام قۇقىقتارى مەن نەگىزگى ەركىندىكتى قورعاۋ جونىندەگى ەۋروپا كونۆەنتسياسىمەن ۇيلەسۋ ماسەلەلەرى قارالدى. سەسسيا اياسىندا جالعان اقپارات مەن ۇگىت-ناسيحات جۇرگىزۋدەگى قوعامدىق باق ماسەلەلەرى, ەركىن سايلاۋ شارتى رەتىندەگى باق, سونداي-اق جۇمىسپەن قامتۋ سالاسىنداعى الالاۋ جانە مۇمكىندىگى شەكتەۋلى ادامداردى جۇمىسقا ورنالاستىرۋ قاجەتتىگى ماسەلەلەرى بويىنشا بىرلەسكەن پىكىرسايىس بولدى.
سەناتورلار ستراسبۋرگتەگى سەسسيا اياسىندا ليۋكسەمبۋرگ جانە مولدوۆا پارلامەنتتىك دەلەگاتسيالارىنىڭ باسشىلارى گ.گرااس پەن م.لۋپۋمەن, بولگاريا دەلەگاتسياسى توراعاسىنىڭ ورىنباسارلارى ح.حاميد پەن ۆ.جابليانوۆپەن, بەلگيا سەناتورى پ.دە سۋتتەر جانە ارمەنيا ۇلتتىق جينالىسىنىڭ دەپۋتاتى و.يگيتيانمەن كەزدەسۋلەر وتكىزدى.