«ەلەكتر جەلىلەرىن باسقارۋ جونىندەگى قازاقستان كومپانياسى «KEGOC» اكتسيونەرلىك قوعامى قازاقستاننىڭ باستى ەلەكتر ەنەرگەتيكالىق اكتيۆى بولا وتىرىپ, «سامۇرىق-قازىنا» قورىنا قاراستى پورتفەلدىك كومپانيالارى اراسىندا وندىرىستىك-قارجىلىق كورسەتكىشتەرى جاعىنان دا, كورپوراتيۆتىك باسقارۋ دەڭگەيى جانە الەۋمەتتىك تۇراقتىلىق يندەكسى جاعىنان العاندا دا كوشباسشىلار قاتارىندا كەلەدى.
KEGOC كومپانياسىنىڭ 2018 جىلدى قالاي قورىتىندىلاعانى جونىندە گازەت وقىرماندارىنا باسقارما توراعاسى باقىتجان قاجيەۆ اڭگىمەلەيدى.
ەڭ الدىمەن, KEGOC كومپانياسى ەلىمىزدەگى ەلەكتر ەنەرگەتيكاسىنىڭ ورتالىعى سانالاتىن – ءبىرتۇتاس ەلەكتر ەنەرگەتيكالىق جۇيەسىنىڭ جۇيەلىك وپەراتورى قىزمەتىن اتقارىپ وتىرعانىن, جالپى قاشىقتىعى 26 مىڭ شاقىرىمنان اساتىن 110-1150 كۆ كەرنەۋلى ەلەكتر جەلىلەرىنەن جانە جالپى جيىنتىق قۋاتتىلىعى 36,7 گۆا قۇرايتىن 78 توراپتىق قوسالقى ەلەكتر ستانتسيالارىنان تۇراتىن ۇلتتىق ەلەكتر تورابىن (ۇەت) باسقارىپ وتىرعاندىعىن اتاپ وتكەن ءجون.
كومپانيا قۇرامىنا جالپى سانى 4700-دەن استام قىزمەتكەر جۇمىس ىستەيتىن اتقارۋشى ديرەكتسيا, توعىز ايماقتىق فيليال, ۇلتتىق ديسپەتچەرلىك ورتالىق جانە ەكى ەنشىلەس ۇيىم كىرەدى.
كومپانيا جۇيەلىك وپەراتور رەتىندە ۇلتتىق ەلەكتر تورابى ارقىلى ەلەكتر ەنەرگياسىن جەتكىزۋ, جۇمىس ءتارتىبىن ورتالىقتاندىرىلعان جەدەل-ديسپەتچەرلىك باسقارۋ جانە ەلەكتر ەنەرگياسىن ءوندىرۋ مەن تۇتىنۋدى تەڭگەرىمدەۋدى ۇيىمداستىرۋ سەكىلدى قىزمەتتەردى كورسەتە وتىرىپ, قازاقستان بەج-ءدىڭ سەنىمدى ءارى تۇراقتى جۇمىسىن قامتاماسىز ەتەدى. كومپانيا قىزمەتىنىڭ تاعى ءبىر نەگىزگى اسپەكتىسى – شەكارالاس مەملەكەتتەردىڭ ەنەرگوجۇيەلەرىمەن ءوزارا ىنتىماقتاستىق ورناتۋ, بۇل مەملەكەتتەر اراسىنداعى قاتارلاس جۇمىس ءتارتىبىنىڭ تۇراقتىلىعىن باسقارۋعا جانە قامتاماسىز ەتۋگە سەپتەسەدى. ءبىزدىڭ مەملەكەتىمىزدىڭ ەنەرگيا جۇيەسىنىڭ تۇراقتى جۇمىسى ءۇشىن بۇل وتە ماڭىزدى.
ءبىر سوزبەن ايتاتىن بولساق, جالپى KEGOC ەلىمىزدىڭ باستى ەلەكتر جەلىلىك كومپانياسى رەتىندە قازاقستان حالقى مەن كاسىپورىندارىن ۇزدىكسىز ەلەكترمەن قامتۋ سەكىلدى وتە ماڭىزدى مىندەتتى اتقارىپ وتىر.
سول سەبەپتى كومپانيانىڭ باستى قىزمەتى مەن جۇزەگە اسىرىپ جاتقان ينفراقۇرىلىمدىق جوبالارى جوعارىدا اتاپ وتكەن مىندەتتەردى قالتقىسىز ورىنداۋعا باعىتتالادى.
وتكەن 2018 جىلداعى كورسەتكىش رەتىندە ء«شۇلبى گەس (سەمەي) – اقتوعاي – تالدىقورعان – الما 500 كۆ اۋە جەلىسىن سالۋ» جوباسىن ءساتتى ىسكە اسىرعانىمىز دالەل بولا الادى. اتالمىش ترانزيت 2018 جىلعى 11 جەلتوقساندا قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ قاتىسۋىمەن وتكەن يندۋستريالاندىرۋ كۇنىنە ارنالعان جالپى ۇلتتىق تەلەكوپىر بارىسىندا ىسكە قوسىلدى.
مەملەكەت باسشىسى نۇرسۇلتان ءابىش ۇلى: «بۇل كوپتەن بەرى ارمانداعان جوبامىز! بۇل وتە قۋانىشتى جايت!» – دەپ اتاپ وتكەن بولاتىن. مىڭداعان قىزمەتكەرلەر جۇمىس ىستەيتىن KEGOC-تىڭ ۇجىمى ءۇشىن اتقارىلعان جۇمىستىڭ ماڭىزدىلىعىنا اسا ءمان بەرگەن ەلباسىنىڭ جوعارى باعاسىن ەستۋ ۇلكەن قۇرمەت دەپ ەسەپتەيمىن.
ء«شۇلبى گەس (سەمەي) – اقتوعاي – تالدىقورعان – الما 500 كۆ اۋە جەلىسى جوعارى ءۆولتتى جەلىسىن سالۋ» جوباسى «سولتۇستىك – شىعىس – وڭتۇستىك ءترانزيتىنىڭ 500كۆ اۋە جەلىسىن سالۋ» (شىعىس ترانزيت) ءىرى اۋقىمدى ينۆەستيتسيالىق جوباسىنىڭ ەكىنشى كەزەڭى سانالادى.
ال ءبىرىنشى كەزەڭ – «ەكىباستۇز – ءشۇلبى گەس (سەمەي) – وسكەمەن 500 كۆ اۋە جەلىسىن سالۋدى» جوسپارلانعان مەرزىمىنەن ءبىر جىل بۇرىن اياقتاپ, قازاقستان رەسپۋبليكاسى تاۋەلسىزدىگىنىڭ 25-جىلدىق مەرەيتويى قارساڭىندا مەملەكەت باسشىسىنىڭ قاتىسۋىمەن 2016 جىلعى 6 جەلتوقساندا وتكەن يندۋستريالاندىرۋ كۇنىنە ارنالعان ۇلتتىق تەلەكوپىر بارىسىندا پايدالانۋعا ەنگىزىلگەن بولاتىن.
وسىلايشا, 2018 جىلى ەلەكتر ەنەرگەتيكاسى سالاسىنداعى ماڭىزدى جوبا – «سولتۇستىك – شىعىس – وڭتۇستىك ءترانزيتىنىڭ 500 كۆ اۋە جەلىسىن سالۋ» ءىرى ينفراقۇرىلىمدىق جوباسىن تولىعىمەن اياقتادىق. اتالمىش جوبا كومپانيانىڭ مەنشىك قاراجاتى مەن بيۋدجەتتىك قارجىلاندىرۋدان تىس قارىز قاراجات ەسەبىنەن جۇزەگە اسىرىلدى.
سوڭعى ءتورت جىلدىڭ كولەمىندە جالپى قاشىقتىعى 1770 كم استام جوعارى ءۆولتتى ەلەكتر جەلىلەرى سالىندى, 500 كۆ «سەمەي», «اقتوعاي» جانە «تالدىقورعان» سەكىلدى ءۇش جاڭا قوسالقى ستانتسيالارى (قس) ىسكە قوسىلدى. بۇعان قوسا 1150 كۆ «ەكىباستۇز» قس, 500 كۆ «وسكەمەن» قس-ىندا اشىق تاراتۋ قۇرىلعىلارى (اتق) جانە 220 كۆ ءشۇلبى گەس-ىندە (شگەس) اتق كەڭەيتىلدى. سونىمەن قاتار, الماتى قالاسىنىڭ ەلەكترمەن جابدىقتاۋدى قامتاماسىز ەتەتىن قوس تىرەكتى قوسالقى ستانتسياسىنىڭ ءبىرى – 500 كۆ «الما» قس كەڭەيتىلدى جانە قايتا قۇرىلدى.
ەكونوميكا دامۋىنىڭ درايۆەرى
ء«ۇشىنشى» نەمەسە «شىعىس ءترازيتى» دەگەن اتاۋ العان «سولتۇستىك-شىعىس-وڭتۇستىك ءترانزيتىنىڭ 500كۆ اۋە جەلىسىن سالۋ» قاجەتتىلىگى مەملەكەتىمىزدىڭ وڭتۇستىك ايماقتارىنداعى ەلەكتر ەنەرگياسىن تۇتىنۋ كولەمىنىڭ تۇراقتى وسۋىمەن بايلانىستى. بۇعان دەيىن ەلەكتر ەنەرگياسى ارتىلىپ قالاتىن سولتۇستىك توراپتان (ەكىباستۇز) ەلىمىزدىڭ وڭتۇستىگىنە ەلەكتر ەنەرگياسىن جەتكىزۋ ماۋسىمدىق جوعارعى شەگى كەزەڭدەرىندە ءوز مۇمكىندىگىنشە جۇمىس ىستەگەن 500 كۆ اۋە جەلىلەرى قوس جەلىسىمەن قامتاماسىز ەتىلگەن بولاتىن.
بۇل جوبا ەنگىزىلگەن كۇننەن باستاپ قازاقستاننىڭ سولتۇستىك ەلەكتر ستانتسيالارىنان وڭتۇستىك وڭىرلەرگە جەتكىزۋگە ارنالعان 500 كۆ ءۇش اۋە جەلىسى بويىنشا جيىنتىق وتكىزگىشتىك قابىلەتى 1450 مۆت-تان 2100 مۆت-قا دەيىن ارتتى.
ەڭ باستىسى, بۇل جوبانىڭ ىسكە اسۋى – قازاقستاننىڭ بىرىڭعاي ەلەكتر ەنەرگەتيكالىق جۇيەسىنىڭ سەنىمدىلىگى دەڭگەيىن ءبىر شاما ارتتىرۋعا سەرپىن بەردى. بۇدان بولەك, «شىعىس ءترانزيتىن» ىسكە قوسۋ ەلىمىز ءۇشىن ماڭىزدى بىرقاتار مىندەتتەردى شەشۋگە مۇمكىندىك بەردى.
ماسەلەن شىعىس قازاقستان وبلىسىنىڭ ەلىمىزدىڭ ەلەكتر ەنەرگەتيكا جۇيەسىمەن بايلانىسى كۇشەيتىلدى. جاڭا جەلىلەر ىسكە قوسىلعانعا دەيىن بۇل ايماققا ەلەكتر ەنەرگياسى سولتۇستىك ەلەكتر ستانتسيالارىنان رەسەي تەرريتورياسى ارقىلى جەتكىزىلەتىن. سونىمەن قاتار شىعىس ايماعىنداعى تەمىر جول ۋچاسكىلەرىن ەلەكترلەندىرۋ جانە تاۋ-كەن ونەركاسىبىنىڭ ەنەرگيا سىيىمدى وبەكتىلەرىن ەلەكتر ەنەرگياسىمەن قامتاماسىز ەتۋگە مۇمكىندىكتەر تۋدى.
بۇل جوبانىڭ دەر كەزىندە ورىندالعاندىعىن دا ەرەكشە اتاپ وتكەن ءجون. ەلىمىزدىڭ وڭتۇستىك ايماعىندا ەلەكتر ەنەرگياسىن تۇتىنۋ كولەمى جىل سايىن ارتىپ كەلەدى. 2018 جىلعى جاز ماۋسىمىنىڭ وزىندە سولتۇستىك – وڭتۇستىك ترانزيتىندە جۇكتەمەنىڭ شامادان تىس كوپتىگى تىركەلىپ, بۇل ءوز كەزەگىندە جەلىگە جوسپارلى جوندەۋ جۇمىستارىن ىسكە اسىرۋدا قيىندىقتار تۋدىرعان بولاتىن. جوبانى جۇزەگە اسىرۋ مەرزىمى ءسال كەشىكتىرىلگەن جاعدايدا ەلىمىزدىڭ وڭتۇستىك ءوڭىرىن ەلەكترمەن جابدىقتاۋدا ءبىرشاما قيىنشىلىقتار تۋىنداۋى مۇمكىن ەدى. ناتيجەسىندە ەلىمىزدىڭ وڭتۇستىك ءوڭىرى تۇتىنۋشىلارىنىڭ سولتۇستىك ەنەرگيا كوزدەرىنىڭ ارزان ەلەكتر ەنەرگياسىنا تولىق كولەمدە قول جەتكىزە الماۋى سالدارى ايماقتىڭ ەكونوميكالىق دامۋىنا كەرى اسەر ەتەر ەدى.
جالپى, جوبانى ىسكە اسىرۋدا ءبىرشاما مۋلتيپليكاتيۆتى ناتيجەگە قول جەتكىزىلگەنىنە توقتالعىم كەلەدى. جوعارى ءۆولتتى جەلىلەردى سالۋ بارىسىندا قازاقستاندىق وندىرۋشىلەر شىعارعان قۇرىلعى-جابدىقتار مەن ماتەريالدار قولدانىلدى. اتاپ ايتقاندا, تەمىربەتون بۇيىمدارى, مەتالل تىرەكتەر, كابەلدىك-وتكىزگىش ونىمدەر, بايلانىس كوندەنساتورلارى, ءتۇرلى ترانسفورماتورلار جانە رەلەلىك قورعانىس پەن اۆتوماتيكا پانەلدەرى. بۇل ءتىزىمدى ءارى قاراي جالعاستىرا بەرۋگە بولادى.
وندىرىستىك كورسەتكىشتەر
وتكەن 2018 جىل كومپانيا ءۇشىن ماڭىزدى وزگە دە جاڭالىقتارعا تولى. كومپانيا جوعارى وندىرىستىك كورسەتكىشتەرگە قول جەتكىزدى. سوڭعى دەرەكتەرگە سۇيەنسەك, «KEGOC» اق-نىڭ ۇلتتىق ەلەكتر تورابى (ۇەت) ارقىلى ەلەكتر ەنەرگياسىن جەتكىزۋ بويىنشا قىزمەتتەردىڭ كولەمى شامامەن 44,75 ملرد. كۆتساع-تى قۇرادى. بۇل 2017 جىلعى كورسەتكىشتەرمەن سالىستىرعاندا 2,0 ملرد. كۆتساع., ياعني 4,7 پايىزعا جوعارى. جەلىگە بوساتۋ جانە ەلەكتر ەنەرگياسىن تۇتىنۋدى تەحنيكالىق ديسپەتچەرلەۋ بويىنشا قىزمەتتەر كولەمى 4,4 پايىزعا ارتقان, شامامەن 97,74 ملرد. كۆتساع-تى قۇرايدى.
ەلەكتر ەنەرگياسىن ءوندىرۋ-تۇتىنۋدى تەڭگەرىمدەۋدى ۇيىمداستىرۋ بويىنشا قىزمەتتەر كولەمى 2018 جىلى 5 پايىزعا ارتتى, ياعني 183,29 ملرد. كۆتساع-تى قۇرادى.
بيرجاداعى جەتىستىكتەر
«KEGOC» اق جاريا كومپانيا بولعاندىقتان, كومپانيا قىزمەتىنىڭ ناتيجەلەرى ونىڭ اكتسيالارىنىڭ قازاقستان قور بيرجاسىنداعى قۇنىنا تىكەلەي اسەر ەتەتىنى انىق. قازىرگى كەزدە KEGOC اكتسيالارى قور بيرجاسىنىڭ ەڭ تارتىمدى قارجىلىق قۇرالدارىنىڭ ءبىرى بولىپ وتىرعانى تەگىن ەمەس-ءتى. 2018 جىلى ءبىر اكتسيانىڭ ەڭ جوعارى نارىقتىق قۇنى تاريحي شەگىنە جەتتى, 2014 جىلعى العاشقى ورنالاستىرۋ قۇنى 505 تەڭگە بولعانىن ەسكەرسەك, كومپانيانىڭ ءبىر اكتسياسىنىڭ قۇنى 1631 تەڭگەگە دەيىن كوتەرىلدى.
وتكەن جىلى «KEGOC» اق-ى قازاقستان قور بيرجاسىنىڭ «قور نارىعىنىڭ دامۋىنا قوسقان ۇلەسى ءۇشىن» دەگەن سىيلىعىنا يە بولدى.
KEGOC كومپانياسىنىڭ اكتسيونەرى اتانعان ءاربىر قازاقستاندىق دۇرىس تاڭداۋ جاسادى دەپ ويلايمىن. ءبىز اكتسيونەرلەر الدىنداعى بارلىق مىندەتتەردى ورىنداپ كەلەمىز. كومپانيا وتكەن جىلى جالپى سوماسى 31,4 ملرد. تەنگە كولەمىندە اكتسيونەرلەرگە ەكى مارتە ديۆيدەندتەر تولەدى. جالپى العاندا, كومپانيا اكتسيالارىن قور بيرجاسىندا العاشقى ورنالاستىرۋ ساتىنەن بەرى اكتسيونەرلەرگە تولەنگەن ديۆيدەندتەردىڭ جالپى سوماسى 68,8 ملرد. تەڭگەنى قۇرايدى.
الەۋمەتتىك مارتەبە مىندەتتەيدى
الەۋمەتتىك تۇراقتىلىقتى قامتاماسىز ەتۋ – كومپانيانىڭ باستى ارتىقشىلىقتارىنىڭ ءبىرى. KEGOC 2018 جىلى الەۋمەتتىك-باعىتتالعان ءىرى كومپانيا ەكەنىن تاعى ءبىر مارتە دالەلدەدى.
تاۋەلسىز زەرتتەۋدىڭ ناتيجەلەرى بويىنشا «KEGOC» اق-نىڭ الەۋمەتتىك تۇراقتىلىق يندەكسى 85 پايىزدى قۇرادى, بۇل «سامۇرىق-قازىنا» ۇاق» اق-نىڭ ەنشىلەس كومپانيالارى اراسىنداعى ەڭ جوعارعى كورسەتكىش بولىپ تابىلادى. الەۋمەتتىك-باسقارۋ پەرسونالىنىڭ ء(ابپ) جۇمىلدىرىلۋ يندەكسىنە دە وڭ باعا بەرۋگە بولادى, وتكەن جىلدىڭ قورىتىندىسى بويىنشا 69 پايىزدى قۇراپ وتىر.
جوعارىدا ايتىلعان دەرەكتەر كومپانيانىڭ ءتيىمدى كادرلىق, الەۋمەتتىك جانە كوممۋنيكاتسيالىق ساياساتتى ۇستانىپ وتىرعانىن كورسەتەدى. مۇنداي كورسەتكىشتەر كەزدەيسوق دەۋگە كەلمەيدى. ءبىزدىڭ جەتىستىكتەرىمىزدىڭ ءتۇپ-توركىنى – كومپانيانىڭ باستى اكتيۆى سانالاتىن KEGOC قىزمەتكەرلەرى ەكەندىگىن جاقسى تۇسىنەمىز.
بۇدان بولەك, وتكەن جىلى كورپوراتيۆتىك باسقارۋ رەيتينگىمىز «ۆۆ» دەڭگەيىندە باعالاندى. بۇل قور كومپانيالارى توبىنداعى ەڭ جوعارى ناتيجەلەردىڭ ءبىرى بولىپ ەسەپتەلىنەدى. ەندىگى كەزەكتە كومپانيا كورپوراتيۆتىك باسقارۋ دەڭگەيىن بۇدان ءارى جەتىلدىرۋدى مىندەت قويىپ وتىر, ياعني 2020 جىلى «ۆۆۆ» دەڭگەيىنە (بارلىق ولشەمدەرگە سايكەس كەلۋ) جەتۋ مىندەتى تۇر.
ترانسفورماتسيا باعدارلاماسى
«سامۇرىق-قازىنا» قورى» اق-نىڭ باستاماسىمەن باستاۋ العان بيزنەستى ترانسفورماتسيالاۋ باعدارلاماسىن ىسكە اسىرۋدى جالعاستىرىپ كەلەمىز. قازىرگى كەزدە ترانسفورماتسيا پورتفەلىندە كومپانيا قىزمەتىنىڭ تيىمدىلىگىن ارتتىرۋعا باعىتتالعان 8 جوبا بار.
2018 جىلى ساتىپ الۋدىڭ التى ساناتتىق ستراتەگياسى ىسكە اسىرىلدى, ITSM بىرىكتىرىلگەن اقپاراتتىق باسقارۋ جۇيەسى ىسكە قوسىلدى, جانە WAMS مونيتورينگىلەۋ جۇيەسىنىڭ سينحروفازوتروندىق جابدىعىن ورناتۋ جۇمىستارى تولىعىمەن اياقتالدى.
جاڭا جىلدان باستاپ ERP SAP باعدارلاماسى, تۇتىنۋشىلارمەن ەسەپ ايىرىسۋدىڭ بيللينگتىك جۇيەسى, سونىمەن قاتار اقپاراتتىق قاۋىپسىزدىكتى باسقارۋدىڭ كورپوراتيۆتىك جۇيەسى وندىرىستىك پايدالانۋعا ەنگىزۋگە دايىن.
تاريفتەر جايىندا
ەلىمىزدىڭ بارلىق تۇتىنۋشىلارى ءۇشىن «KEGOC» اق-نىڭ 2019 جىل قارساڭىندا جاريالاعان رەتتەلەتىن قىزمەتتەرگە تاريفتەردىڭ بەكىتىلگەن شەكتىك دەڭگەيلەرىن تومەندەتۋ جونىندەگى شەشىمى قۋانىشتى جاڭالىق بولدى دەپ ويلايمىن.
بۇنداي شەشىم KEGOC قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنىڭ جۇيەلىك وپەراتورى رەتىندە ەل ەكونوميكاسىنىڭ تۇراقتى دامۋىن ەسكەرە وتىرىپ, ەلەكتر ەنەرگياسىن تۇتىنۋ مەن ءوندىرۋدىڭ, سونىمەن قاتار وزىندىك رەتتەلەتىن قىزمەتتەر كولەمىنىڭ ءوسۋىن بولجاي الاتىندىعى ەسەپكە الا وتىرىپ قابىلداندى.
قازاقستان رەسپۋبليكاسى ەنەرگەتيكا مينيسترلىگىنىڭ 2018 جىلعى 11 جەلتوقسانداعى بۇيرىعىمەن ەنەرگيا ءوندىرۋشى ۇيىمدار ءۇشىن 2019 جىلعى 1 قاڭتاردان باستاپ ەلەكتر ەنەرگياسىنا شەكتىك تاريفتەر تومەندەتىلگەندىگى دە ەسكەرىلدى.
وسى ەكى فاكتورعا سۇيەنە وتىرىپ, «KEGOC» اق-ى «سامۇرىق-قازىنا» قورىنىڭ قولداۋىمەن جانە قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىمەن كەلىسىپ, تۇتىنۋشىلار ءۇشىن 2019 جىلعى 1 قاڭتاردان باستاپ تاريفتەردىڭ بەكىتىلگەن شەكتىك دەڭگەيلەرىن مىنا رەتتەلەتىن قىزمەتتەرگە, اتاپ ايتقاندا ەلەكتر ەنەرگياسىن جەتكىزۋ بويىنشا 1 كۆتساع ءۇشىن 2,823-تەن 2,496 تەڭگەگە, جەلىگە بوساتۋ جانە ەلەكتر ەنەرگياسىن تۇتىنۋدى تەحنيكالىق ديسپەتچەرلەۋ بويىنشا 1 كۆتساع ءۇشىن 0,306-دان 0,237 تەڭگەگە جانە ەلەكتر ەنەرگياسىن ءوندىرۋ-تۇتىنۋدى تەڭگەرىمدەۋدى ۇيىمداستىرۋ بويىنشا 1 كۆتساع ءۇشىن 0,098-دەن 0,088 تەڭگەگە دەيىن تومەندەتىلدى.
كومپانيا بولاشاقتا دا العا قويعان تاپسىرمالاردى ءساتتى ورىنداۋعا جانە مەملەكەتىمىز, اكتسيونەرلەر مەن تۇتىنۋشىلارىمىزدىڭ الدىنداعى مىندەتتەردى ءتيىستى دەڭگەيدە اتقارۋ ءۇشىن بارىن سالادى دەگەن سەنىمدەمىن.