جىل قورىتىندىسىنا سايكەس بىلتىر الماتىدا «نۇرلى جەر» باعدارلاماسى اياسىندا 323,8 مىڭ شارشى مەتر نەمەسە 4 725 پاتەر تۇرعىزىلعان. بيىل دا قوسىمشا 340 مىڭ شارشى مەتر تۇرعىن ءۇي قورىن ىسكە قوسۋ ءىسى جوسپارلانىپ وتىر.
شاھار باسشىسىنىڭ سوزىنشە, مەگاپوليستە «7-20-25» باعدارلاماسى قارقىندى جۇرگىزىلۋدە. قازىرگى كەزدە ەلىمىز بويىنشا تۇسكەن ءوتىنىمنىڭ 25%-دان استامى تىكەلەي الماتىعا تيەسىلى. ايتا كەتەرلىگى, سوڭعى جىلدارى 2 ملن. شارشى مەتر نەمەسە 11,5 مىڭنان استام پاتەر پايدالانۋعا بەرىلگەن. بيىلعى جىلدىڭ سوڭىنا دەيىن تاعى دا 2,1 ملن. شارشى مەتر ءۇي سالىنادى.
قالادا شاعىن جانە ورتا بيزنەس سۋبەكتىلەرى دە قارقىندى دامۋ ۇستىندە. الماتى وسى سالادا جۇمىس جاسايتىنداردىڭ سانى بويىنشا ەل اۋماعىندا ءبىرىنشى ورىندا تۇر. 9 ايدىڭ قورىتىندىسى بويىنشا شوب 4,7 ترلن. تەڭگەنىڭ ءونىمىن شىعارعان, ءوسىم 21,2% جانە ەل كولەمىندە شىعارىلعان ءونىم ۇلەسى – 26,4%-دى قۇراعان.
ارمان وكتيابر,
«Egemen Qazaqstan»