تۇركىستان وبلىسى بويىنشا كورسەتىلگەن قىزمەتتەردىڭ ەلەكتروندى تۇردەگى ۇلەسى 85 پايىز بولىپ وتىر. بۇل كورسەتكىش الدىڭعى جىلمەن سالىستىرعاندا 31 پايىزعا ارتىپ, قىزمەت الۋشى مەن قىزمەت بەرۋشىلەر اراسىنداعى تىكەلەي بايلانىس 2 ەسەگە تومەندەگەن.
وتكەن جىلى وبلىستاعى مەملەكەتتىك جانە بيۋدجەتتىك مەكەمەلەردە 1290 «وزىنە-ءوزى قىزمەت كورسەتۋ بۇرىشى» اشىلىپ, 5 053 ينفورماتيكا ءپانى مۇعالىمى وقىتىلعان. سونىمەن بىرگە, 280 مىڭنان استام حالىق ءۇشىن 975 وقىتۋ جۇمىستارى ۇيىمداستىرىلسا, 92 بيلبورد كورنەكى جەرلەرگە ءىلىنىپ, 54 جارمەڭكە وتكىزىلىپتى. سونداي-اق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باسشىسى عالىم تۇرسىنباەۆ 2018 جىلى اتقارىلعان جۇمىستار جونىندە باق وكىلدەرىنە ارناعان ءباسپاسوز كونفەرەنتسياسىندا ادەپ جونىندەگى كەڭەستىڭ 9 وتىرىسى وتكىزىلىپ, وندا 114 ماسەلە قارالعانىن اتاپ ءوتتى. قارالعان ماسەلەلەردىڭ تەڭ جارتىسى پروفيلاكتيكالىق بولسا, قالعانى تارتىپتىك ىستەر. ع.تۇرسىنباەۆتىڭ مالىمدەۋىنشە, مەملەكەتتىك كورسەتىلەتىن قىزمەتتەر سالاسىنداعى زاڭنامانىڭ ساقتالۋى قاتاڭ باقىلاۋعا الىنعان. بۇل ورايدا وتكەن جىلى 67 تەكسەرۋ جۇرگىزىلىپ, 2400 بۇزۋشىلىق انىقتالعان. سىبايلاس جەمقورلىق پروفيلاكتيكاسى باعىتى بويىنشا 917 517 ادامدى قامتىعان 4 204 ءىس-شارا ۇيىمداستىرىلىپتى.
«ەلباسى جولداۋىندا ۇلتتىڭ ءال-اۋقاتىن, تۇرمىس ساپاسىن جاقسارتۋعا كوپ ءمان بەرە وتىرىپ, 2019 جىلى كورسەتىلەتىن مەملەكەتتىك قىزمەتتەردىڭ 80 پايىزىن, ال 2020 جىلى كەمىندە 90 پايىزىن ەلەكتروندى فورماتقا كوشىرۋدى مىندەتتەدى. ياعني, تسيفرلاندىرۋ - مەملەكەتتىك قىزمەت كورسەتۋ جۇيەسىنىڭ پەرسپەكتيۆالىق وبەكتىسى بولىپ قالۋدا. بۇل تۇرعىدا, دەپارتامەنت تاراپىنان مەملەكەتتىك قىزمەتشىلەر مەن حالىق اراسىندا ونلاين-سەرۆيستى ناسيحاتتاۋ جۇمىستارى جۇرگىزىلۋدە», - دەدى دەپارتامەنت باسشىسى. سونداي-اق, ع.تۇرسىنباەۆ وبلىس كولەمىندە وتكەن جىلى مەملەكەتتىك قىزمەتشىلەردىڭ تازا اۋىسىمدىلىعى – 3,2% نەمەسە 232 قىزمەتشى ءوز ەركىمەن جۇمىستان كەتكەنىن, 1461 مەملەكەتتىك قىزمەتشى وقىتۋ كۋرستارىنان وتسە, ونىڭ 1114-ءى بىلىكتىلىگىن ارتتىرىپ, 347-ءسى قايتا دايارلانعانىن ايتىپ ءوتتى.
عالىمجان ەلشىباي,
«Egemen Qazaqstan»
تۇركىستان وبلىسى