تابيعي اپاتتاردىڭ الدىن الۋ ماقساتىندا الماتىدا ارنايى كارتا ازىرلەندى.
جوبانىڭ كومەگىمەن تۇرعىن ۇيلەردىڭ جاعدايىن ونلاين رەجيمدە قاداعالاۋعا بولادى. ءدال قازىر شاھاردا 10 مىڭنان استام نىسان تسيفرلى فورماتقا كوشىرىلگەن. كارتادا نىسانداردىڭ قايدا تۇرعانى جانە وعان جاقىن ماڭداعى ينجەنەرلىك جەلىلەر تۇتاستاي كورسەتىلگەن.
«اپاتتى ۇيلەردى نە ىستەۋ كەرەك؟ قاي جەردەن قاۋىپ كەلۋى مۇمكىن؟ قانداي قاۋىپكە قارسى جۇمىس جاساۋىمىز كەرەك؟ ول اقپاراتتىڭ بارلىعى كارتانىڭ جادىنا ەنگىزىلگەن. بارلىق عيماراتتىڭ قۇجاتتارىن جاسادىق. وعان جەكە تۇرعىن ۇيلەر عانا كىرگەن جوق. الداعى ۋاقىتتا جەكە تۇرعىن ۇيلەرگە قاتىستى دا اقپاراتتاردى جينايتىن بولامىز», دەيدى الماتى قالاسى ساۋلەت جانە قالا قۇرىلىسى باسقارماسىنىڭ باسشىسى الماسحان احمەتجانوۆ.
ارمان وكتيابر,
«Egemen Qazaqstan»