استانا اكىمى قالادا سالىنىپ جاتقان ەكى مەكتەپتىڭ, ەكى تۇرعىن ءۇي كەشەنىنىڭ جانە ەكوقالاشىقتىڭ قۇرىلىس بارىسىمەن تانىستى, دەپ حابارلايدى ەلوردا اكىمدىگىنىڭ رەسمي سايتى.
نىسانداردى ارالاعان قالا باسشىسى جاۋاپتى تۇلعالارعا قۇرىلىس جۇمىستارىن ءساتتى اياقتاۋعا قاتىستى بىرقاتار تاپسىرما بەردى.
جۇمىس ساپارى بارىسىندا باقىت سۇلتانوۆ استانانىڭ جاڭا اۋداندارىندا سالىنىپ جاتقان ەكى مەكتەپتىڭ قۇرىلىس الاڭىنا بارىپ قايتتى. 1200 ورىندىق مەكتەپ № 31 كوشەسىنىڭ وڭتۇستىك جاعىندا بوي كوتەرۋدە. عيماراتتىڭ قۇرىلىسى اياقتالۋعا جاقىن. مۇندا قازىر ەلەكتر جارىعى تارتىلىپ, قازاندىق ورناتىلعان جوسپارعا سايكەس ول 2019 جىلدىڭ 1 شىلدەسىنە دەيىن پايدالانۋعا بەرىلمەك. اكىم نىسانعا قاجەتتى ينجەنەرلىك جەلىلەر مەن كىرمە جولداردى تارتۋ جۇمىستارىن جەدەلدەتۋدى تاپسىردى. اتالمىش جۇمىستار ماۋسىمعا دەيىن اياقتالۋى ءتيىس.
ەلوردا اكىمىنىڭ ايتۋىنا قاراعاندا, مەملەكەت باسشىسى باسپانا مەن ساپالى ينفراقۇرىلىمنىڭ قولجەتىمدىلىگىمەن قامتۋ سياقتى ىڭعايلا ورتانى قالىپتاستىرۋدىڭ ماڭىزدىلىعىنا ەرەكشە كوڭىل بولەدى.
ء«بىرىنشى تامىزدا مەكتەپ كوممۋنالدىق مەنشىككە تاپسىرىلۋى قاجەت. سول سەبەپتى كاناليزاتسيالىق ستانتسيادار مەن جولداردىڭ قۇرىلىسىن ماۋسىمدا اياقتاۋ كەرەك. 1 قىركۇيەكتە مەكتەپ وقۋشىلارىن قابىلداۋى كەرەك», - دەدى قالا اكىمى.
قورعالجىن تاسجولىنىڭ وڭتۇستىك جاعىنداعى 900 ورىنعا لايىقتالعان مەكتەپتىڭ قۇرىلىسى قازىرگى تاڭدا توقتاپ تۇر. قۇرىلىس جۇمىستارىن اياقتايتىن كومپانيانى انىقتاۋ بويىنشا كونكۋرس وتكىزىلەتىن بولادى. باقىت سۇلتانوۆ مەكتەپتى ۋاقىتىندا جاڭا وقۋ جىلىنىڭ الدىندا اشۋ ءۇشىن پروتسەدۋرالاردى جەدەلدەتۋدى تاپسىردى.
اكىم, سونداي-اق, «شار-قۇرىلىس» كومپانياسىنىڭ قۇرىلىس جۇمىستارى ءجۇرىپ جاتقان ەكى تۇرعىن ءۇي كەشەنىندە بولدى. شاحار باسشىسى تۇران داڭعىلى مەن كەرەك-جانىبەك حاندار كوشەسىنىڭ قيىلىسىندا ورنالاسقان «التىن شار» تك مەن «تەلمان» تۇرعىن الابى اۋدانىنداعى «باعىستان» تك قۇرىلىسىنىڭ بارىسىمەن تانىستى. «التىن شار» تك قۇرىلىسى «نۇرلى جەر» باعدارلاماسىنىڭ اياسىندا جۇرگىزىلسە, «باعىستان» تك-دەگى پاتەرلەردى «7-20-25» جانە «تۇرعىن ءۇي زاەمى» يپوتەكالىق باعدارلامالارى بويىنشا ساتىپ الۋعا بولادى.
«شار-قۇرىلىس» جشس باس ديرەكتورى جاننا بەكتەمىروۆانىڭ ايتۋىنا قاراعاندا, ۇيلەر ەنەرگيا ۇنەمدەۋگە مۇمكىندىك بەرەتىن جاڭا قاڭقالى-ءمونوليتتى تەحنولوگيا بويىنشا سالىنىپ جاتىر. بۇدان بولەك, باقىت سۇلتانوۆ «قازانات» يپپودرومى اۋدانىندا ورنالاسقان ەنەرگيالىق تۇرعىدان ءتيىمدى Energy City كوتتەدج قالاشىعىنا باردى.
ەكو ۇيلەر جەل گەنەراتورلارىنىڭ, كۇن باتارەيالارىنىڭ, جىلىتۋدىڭ «اقىلدى» جۇيەلەرىنىڭ ەسەبىنەن تىرشىلىكتى قامتاماسىز ەتەدى. «ستروينۆەست-سك» كومپانياسىنىڭ باس ديرەكتورى الەكساندر كراۆچەنكو مۇنداي ءۇيدىڭ ەنەرگيانى تۇتىنۋعا قاراعاندا, ونى كوپ كولەمدە وندىرەتىنىن العا تارتتى. بۇل – قالالىق كوممۋنيكاتسيالار جۇيەلەرىنەن اۆتونومدى تۇردە جۇمىس ىستەي الاتىن قازاقستانداعى العاشقى ەكولوگيالىق تۇرعىن ءۇي كەشەنى.
قۇرىلىس نىساندارىن ارالاۋ بارىسىندا باقىت سۇلتانوۆ جاۋاپتى تۇلعالارعا جولداردىڭ قۇرىلىسىن قامتاماسىز ەتۋدى, جوعارىدا اتالعان بارلىق نىساندارعا كوممۋنيكاتسيالاردى ۋاقىتىندا تارتۋدى جۇكتەدى.