Kabar.kg: جاڭا بۋىن - قازاقستاننىڭ ەڭ وراسان جەتىستىگى
قىرعىزستاننىڭ Kabar.kg جاڭالىقتار اگەنتتىگى بۇل جاڭالىق تۋرالى اقپارات تاراتتى. «مەن كورىپ وتىرعان قازاقستاندىقتاردىڭ جاڭا بۋىنى - قازاقستاننىڭ ەڭ وراسان جەتىستىگى, مەملەكەت باسشىسى رەتىندەگى مەنىڭ جۇمىسىمنىڭ ناتيجەسى. سىزدەرمەن كەزدەسىپ وتىرعانىم ءۇشىن وتە باقىتتىمىن. مەن قازاقستاندا جاستار جىلىنىڭ باستالۋىمەن قۇتتىقتايمىن» دەدى ەلباسى.
اگەنتتىك ەلباسىنىڭ ءوز سوزىندە جاستار - باسەكەگە قابىلەتتىلىكتىڭ نەگىزگى فاكتورى ەكەنىن ايتقانىن جازعان. ء«بىز الەمنىڭ دامىعان ەلۋ ەلىنىڭ قاتارىنا ەندىك. بىراق, بۇل ءالى دە از. قازىرگى تاڭدا مەملەكەتتەر اراسىندا عانا ەمەس, ادامدار اراسىندا باسەكە قىزا ءتۇستى. كرەاتيۆتى بۋىنى بار مەملەكەت جەڭىمپاز بولىپ شىعادى. مەن بۇل جىگەردى سىزدەردەن كورىپ وتىرمىن» دەدى ەلباسى.
سونداي-اق اگەنتتىك پرەزيدەنتتىڭ بۇگىنگى تاڭدا ءومىردىڭ بارلىق سالاسى, ءبىلىم دە, جۇمىس تا, ءوزارا قارىم-قاتىناس تا وزگەرىپ كەلە جاتىر دەگەن سوزىنە توقتالعان. سوندىقتان ء«بىزدىڭ مەملەكەت ۋاقىت العا تارتىپ وتىرعان تەگەۋرىندەرگە جاۋاپ بەرە الۋى كەرەك» دەدى مەملەكەت باسشىسى.
Regnum.ru: جاستار - باسەكەگە قابىلەتتىلىكتىڭ نەگىزگى فاكتورى
Regnum اقپاراتتىق اگەنتتىگى «ن.نازارباەۆ قازاقستاندا جاستار جىلىن اشتى» دەگەن تاقىرىپپەن ماقالا جاريالادى. وندا مەملەكەت باسشىسىنىڭ قازاقستاندىقتاردىڭ جاڭا بۋىنى - قازاقستاننىڭ ەڭ وراسان جەتىستىگى ەكەندىگىنە ەرەكشە توقتالىپ, جاستار جىلىنىڭ باستالۋىمەن قۇتتىقتاۋىن كەلتىرگەن.
ء«بىزدىڭ كوز الدىمىزدا جاڭا جاھاندىق وركەنيەت كەلە جاتىر. تسيفرلىق قوعامنىڭ, ەكونوميكا مەن ءبىلىمنىڭ ءداۋىرى كەلدى. سول ءۇشىن ءبىزدىڭ مەملەكەت ۋاقىت العا تارتىپ وتىرعان تەگەۋرىندەرگە جاۋاپ بەرە الۋى كەرەك», دەدى مەملەكەت باسشىسى. سونداي-اق ەلباسى ءوز سوزىندە سول سەبەپتى جاستار - باسەكەگە قابىلەتتىلىكتىڭ نەگىزگى فاكتورى ەكەنىن اتاپ ءوتتى. «ەلىمىزدىڭ بولاشاعى سىزدەردىڭ بىلىمدەرىڭىز بەن پاتريوتتىق سەزىمدەرىڭىزگە تىكەلەي بايلانىستى» دەدى ن.نازارباەۆ.
Xinhua: قازاق رەسپۋبليكاسىن ەلدىڭ رەسمي اتاۋى رەتىندە ۇسىندى
Xinhua اگەنتتىگى قازاقستان دەپۋتاتتارى قازاق رەسپۋبليكاسىن ەلدىڭ رەسمي قولدانۋ تۋرالى ۇسىنعانىن حابارلادى. ماقالادا «اق جول» پارتياسىنىڭ توراعاسى ازات پەرۋاشەۆتىڭ ءماجىلىستىڭ پلەنارلىق وتىرىسىندا ۇكىمەت باسشىسىنىڭ اتىنا دەپۋتاتتىق ساۋال جولداپ, وندا قازاق رەسپۋبليكاسى اتاۋىن قايتا ەنگىزۋ تۋرالى ۇسىنىسى جازىلعان. سونىمەن قاتار دەپۋتات تاريحي دەرەكتەردى دە كەلتىرگەن.
«2020 جىلى مەملەكەتتىلىك تۇرعىسىنان بولاشاق تاۋەلسىز قازاقستاننىڭ ىرگەتاسىنا اينالعان, كسرو قۇرامىنداعى قازاق رەسپۋبليكاسىنىڭ, ناقتىلاپ ايتامىن, قازاق رەسپۋبليكاسىنىڭ قۇرىلعانىنا 100 جىل تولادى. قازاقستان اتاۋىمەن قاتار رەسمي تۇردە قولدانىلۋى ۇشىن قازاق رەسپۋبليكاسى اتاۋىن قايتا ەنگىزۋ مۇمكىندىگىن قاراستىرۋدى ۇسىنامىز» دەپ مالىمدەدى دەپۋتات ا.پەرۋاشەۆ.
ايتا كەتەيىك, مۇنداي باستامانى 5 جىل بۇرىن مەملەكەت باسشىسى نۇرسۇلتان نازارباەۆ «ماڭگىلىك ەل» تۇجىرىمداماسىن تالقىلاۋ بارىسىندا ءوزى كوتەرگەن بولاتىن.
ءمادينا جالەلقىزى,
«ەگەمەن قازاقستان»