قىزىلوردادا جاستار جىلىنىڭ العاشقى ايىندا-اق «جاس وتان» جاستار قاناتىنىڭ وبلىستىق فيليالى «جاستار جىلىنداعى جەتىستىگىڭ» اتتى رەسپۋبليكالىق اكتسيا جاريالادى.
وتكەن جىلدى جاس وتاندىقتار «English for jastar» پارتيالىق جوباسى اياسىندا ايماقتىڭ بارلىق اۋدانىندا 11 ەرىكتى اعىلشىن ءتىلىن وقۋشىلارعا تەگىن ۇيرەتتى. كىتاپحانالاردى جاستار سۇرانىسىنا ساي ەتىپ جاڭعىرتۋ, ء«بىلىم ورتالىعىنا» اينالدىرۋ ءىسى دە شەشىلدى. ال, «تسيفرلى قازاقستان» باعدارلاماسىن جۇزەگە اسىرۋ ماقساتىندا «Digital Nation» جوباسى ىسكە قوسىلدى. «گراند ماستەر» باعدارلامالاۋ مەكتەبىمەن جاسالعان مەموراندۋم اياسىندا اتا-انا قامقورلىعىنسىز قالعان, الەۋمەتتىك جاعدايى تومەن وتباسىنان شىققان بالالار ءىت ساباقتاردى جەڭىلدىكپەن وقىعان. وبلىستىق «جاس وتان» جاستار قاناتى مۇنان وزگە جاستار ءۇشىن ۇتىمدى بىرنەشە جوبانى ءساتتى قورىتىندىلادى.
«جاستار جىلىنداعى جەتىستىگىڭ» اتتى رەسپۋبليكالىق اكتسياعا بارشا جاستار قاتىسا الادى.
- جاستار جىلى - جاس دارىگەر ەڭ العاشقى ەڭ قيىن وپەراتسياسىن جاساۋى, جاس جازۋشى العاشقى كىتابىن اياقتاۋى مۇمكىن. جاس عالىم عىلىمي جاڭالىق اشىپ, جاس ەگىنشى رەكوردتىق ءونىم جيناۋى, جاس سپورتشى ەلىمىزدىڭ اتىن الەمگە تانىتۋى مۇمكىن. اكتسيانىڭ ماقساتى – جاستاردى ماڭىزدى جەتىستىكتەرگە ۇمتىلدىرۋ. سوندىقتان ەلىمىزدەگى بارشا جاستى اكتسياعا بەلسەنە قاتىسۋعا شاقىرامىز, – دەدى وبلىستىق «جاس وتان» جق توراعاسى تالعات تىلەس.
اكتسيا 2019 جىلدىڭ 10 جەلتوقسانىنا دەيىن جالعاساتىن بولادى.
باقتيار تايجان,
«Egemen Qazaqstan»