سارسەنبى, 18 قاڭتار 2012 7:03
گاز جانە گازبەن جابدىقتاۋ تۋرالى
وسى زاڭ قازاقستان رەسپۋبليكاسىندا گاز جانە گازبەن جابدىقتاۋ سالاسىنداعى قوعامدىق قاتىناستاردى رەتتەۋدىڭ قۇقىقتىق, ەكونوميكالىق جانە ۇيىمداستىرۋشىلىق نەگىزدەرىن ايقىندايدى جانە قازاقستان رەسپۋبليكاسىنىڭ گازعا دەگەن ىشكى قاجەتتىلىكتەرىن قامتاماسىز ەتۋ ءۇشىن, سونداي-اق گازبەن جابدىقتاۋ جۇيەلەرىنىڭ وبەكتىلەرىن ءتيىمدى, سەنىمدى جانە قاۋىپسىز پايدالانۋ ءۇشىن جاعداي جاساۋعا باعىتتالعان.
سارسەنبى, 18 قاڭتار 2012 7:03
گاز جانە گازبەن جابدىقتاۋ تۋرالى
وسى زاڭ قازاقستان رەسپۋبليكاسىندا گاز جانە گازبەن جابدىقتاۋ سالاسىنداعى قوعامدىق قاتىناستاردى رەتتەۋدىڭ قۇقىقتىق, ەكونوميكالىق جانە ۇيىمداستىرۋشىلىق نەگىزدەرىن ايقىندايدى جانە قازاقستان رەسپۋبليكاسىنىڭ گازعا دەگەن ىشكى قاجەتتىلىكتەرىن قامتاماسىز ەتۋ ءۇشىن, سونداي-اق گازبەن جابدىقتاۋ جۇيەلەرىنىڭ وبەكتىلەرىن ءتيىمدى, سەنىمدى جانە قاۋىپسىز پايدالانۋ ءۇشىن جاعداي جاساۋعا باعىتتالعان.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمداروسى زاڭدا مىناداي نەگىزگى ۇعىمدار پايدالانىلادى:1) اۆتوگاز قۇيۋ ستانتسياسى – سۇيىتىلعان مۇناي گازىن ساقتاۋعا جانە ونى وتىن رەتىندە پايدالاناتىن كولىك قۇرالدارى يەلەرىنە بولشەك ساۋدادا وتكىزۋگە ارنالعان تەحنولوگيالىق كەشەن;2) اۆتوگاز تولتىرۋ كومپرەسسورلىق ستانتسياسى – تاۋارلىق گازدى سۇيىتۋعا, ساقتاۋعا جانە ونى وتىن رەتىندە پايدالاناتىن كولىك قۇرالدارىنىڭ يەلەرىنە بولشەك ساۋدادا وتكىزۋگە ارنالعان تەحنولوگيالىق كەشەن;3) اككرەديتتەۋ – گاز جەلىسى ۇيىمدارىن قازاقستان رەسپۋبليكاسىنىڭ گاز جانە گازبەن جابدىقتاۋ تۋرالى زاڭناماسىندا بەلگىلەنگەن تالاپتارعا سايكەس كەلەدى دەپ ۋاكىلەتتى ورگاننىڭ رەسمي تانۋ ءراسىمى;4) بولشەك ساۋدادا وتكىزۋ – تاۋارلىق جانە (نەمەسە) سۇيىتىلعان مۇناي گازىن ودان ءارى وتكىزۋ ماقساتىنسىز, ءوز مۇقتاجدىقتارى ءۇشىن قازاقستان رەسپۋبليكاسىنىڭ اۋماعىندا تۇتىنۋشىلارعا وتكىزۋ جونىندەگى كاسىپكەرلىك قىزمەت;5) بىرىڭعاي تەحنيكالىق ءدالىز – ءبىر تراسسا بويىمەن قاتار سالىنعان, بىرىڭعاي باعىتتا (كولىكتىك لەكتە) تاۋارلىق گازدى تاسىمالداۋدى قامتاماسىز ەتەتىن ماگيسترالدىق گاز قۇبىرلارىنىڭ (نەمەسە ۋچاسكەلەرىنىڭ) جانە ماگيسترالدىق گاز قۇبىرلارى جۇيەلەرىنىڭ (ونىڭ ىشىندە ءارتۇرلى قىسىمداعى جۇيەلەرىنىڭ) جيىنتىعى;6) گاز – شيكى, تاۋارلىق, سۇيىتىلعان مۇناي گازى جانە سۇيىتىلعان تابيعي گاز;7) گازبەن جابدىقتاۋ – تاۋارلىق, سۇيىتىلعان مۇناي گازىن جانە (نەمەسە) سۇيىتىلعان تابيعي گازدى ءوندىرۋ, تاسىمالداۋ (تاسۋ), ساقتاۋ جانە وتكىزۋ سالاسىنداعى قىزمەت;8) گازبەن جابدىقتاۋ جۇيەلەرى وبەكتىلەرىنىڭ كۇزەت ايماعى – پايدالانۋدىڭ قاۋىپسىز جاعدايلارىن قامتاماسىز ەتۋ جانە ولاردى زاقىمداۋ مۇمكىندىگىن بولدىرماۋ ماقساتىندا گازبەن جابدىقتاۋ جۇيەلەرى وبەكتىلەرىنىڭ اينالاسىنا ورناتىلاتىن ايرىقشا پايدالانۋ جاعدايىنداعى اۋماق;9) گازبەن جابدىقتاۋ جۇيەسى – تاۋارلىق نەمەسە سۇيىتىلعان مۇناي گازىن وندىرۋگە, تاسىمالداۋعا (تاسۋعا), ساقتاۋعا, وتكىزۋگە جانە تۇتىنۋعا ارنالعان تەحنولوگيالىق ءوزارا بايلانىستى وبەكتىلەر كەشەنى;10) گازداندىرۋ – تۇرعىن ءۇي-كوممۋنالدىق شارۋاشىلىق وبەكتىلەرىندە, ونەركاسىپتىك, اۋىل شارۋاشىلىعى جانە وزگە دە وبەكتىلەردە تاۋارلىق جانە (نەمەسە) سۇيىتىلعان مۇناي گازىن وتىن رەتىندە پايدالانۋعا باعىتتالعان ءىس-شارالار كەشەنى;11) گاز جابدىعى – گاز قۇبىرلارىنىڭ قۇرامداس ەلەمەنتتەرى رەتىندە پايدالانىلاتىن, تولىقتاي زاۋىتتا دايىندالاتىن تەحنيكالىق بۇيىمدار (كومپەنساتورلار, كوندەنسات جيناقتارى, ساقتاندىرۋ-ىعىستىرۋ ارماتۋراسى, قۇبىرجولدىق بەكىتپە ارماتۋرا), سونداي-اق گاز پايدالانۋشى قوندىرعىلار (گاز اسپاپتارى, پەشتەرى مەن پليتالارى);12) گاز جانە گازبەن جابدىقتاۋ سالاسىنداعى مەملەكەتتىك-جەكە مەنشىك ارىپتەستىك – قازاقستان رەسپۋبليكاسىنا تيەسىلى ىلەسپە گازدى تەرەڭدەتىپ وڭدەۋدى جانە ءوزارا ءتيىمدى جاعدايلاردا قوسىلعان قۇنى جوعارى ءونىم ءوندىرۋدى قامتاماسىز ەتۋ جونىندەگى ستراتەگيالىق جانە الەۋمەتتىك مىندەتتەردى شەشۋ ءۇشىن مەملەكەت پەن ينۆەستوردىڭ ءوزارا ءىس-قيمىل جاساۋ نىسانى;13) گاز جەلىسى ۇيىمى – اككرەديتتەۋ تۋرالى كۋالىگى بار جانە گاز تولتىرۋ ستانتسياسىن, توپتىق رەزەرۆۋارلىق قوندىرعىلاردى پايدالانۋدى, سونداي-اق وسى زاڭدا بەلگىلەنگەن جاعدايلاردا سۇيىتىلعان مۇناي گازىن كوتەرمە جانە بولشەك ساۋدادا وتكىزۋدى جۇزەگە اسىراتىن زاڭدى تۇلعا;14) گاز قۇبىرى – بەكىتپە ارماتۋراسى بار, ءبىر-بىرىمەن قوسىلعان قۇبىرلاردان تۇراتىن جانە گاز تارىزدەس نەمەسە ەكى فازالىق كۇيدەگى گازدى تاسىمالداۋعا ارنالعان قۇرىلىس;15) گاز تاراتۋ جۇيەسى – گاز قۇبىرلارىنان (جەلىلىك بولىكتەن) جانە ولارمەن ۇشتاسىپ جاتقان وبەكتىلەردەن تۇراتىن, تاۋارلىق گازدى ماگيسترالدىق گاز قۇبىرىنان گاز تۇتىنۋ جۇيەلەرىنە دەيىن تاسىمالداۋعا ارنالعان تەحنولوگيالىق ءوزارا بايلانىستى قۇرىلىستار كەشەنى;16) گاز تاراتۋ ۇيىمى – تاۋارلىق گازدى گاز تاراتۋ جۇيەسى ارقىلى تاسىمالداۋدى, گاز تاراتۋ جۇيەسىن تەحنيكالىق پايدالانۋدى, سونداي-اق وسى زاڭدا بەلگىلەنگەن شارتتاردا تاۋارلىق گازدى كوتەرمە جانە بولشەك ساۋدادا وتكىزۋدى جۇزەگە اسىراتىن زاڭدى تۇلعا;17) گاز تاسىمالداۋ ۇيىمى – وسى زاڭدا بەلگىلەنگەن شارتتاردا تاۋارلىق گازدى جالعاستىرۋشى, ماگيسترالدىق گاز قۇبىرلارى ارقىلى تاسىمالداۋ جانە (نەمەسە) تاۋارلىق گازدى تاۋارلىق گاز قويمالارىندا ساقتاۋ جونىندەگى قىزمەتتەردى كورسەتەتىن زاڭدى تۇلعا;18) گاز تولتىرۋ پۋنكتى – سۇيىتىلعان مۇناي گازىن ساقتاۋعا, تۇرمىستىق باللوندارعا قوتارۋعا جانە قۇيۋعا ارنالعان ينجەنەرلىك قۇرىلىس;19) گاز تولتىرۋ ستانتسياسى – سۇيىتىلعان مۇناي گازىن ساقتاۋعا, تەمىرجول تسيستەرنالارىنا, اۆتوگاز تاسىمالداعىشتارعا, تۇرمىستىق باللوندارعا قوتارۋعا جانە قۇيۋعا, سونداي-اق تۇرمىستىق باللونداردى جوندەۋگە جانە كادەگە جاراتۋعا ارنالعان تەحنولوگيالىق ءوزارا بايلانىستى وندىرىستىك جانە وزگە دە وبەكتىلەر كەشەنى;20) گاز تۇتىنۋ جۇيەسى – گاز تاراتۋ جۇيەسىنەن تاۋارلىق گازدى نەمەسە توپتىق رەزەرۆۋارلىق قوندىرعىدان سۇيىتىلعان مۇناي گازىن قابىلداۋعا, سونداي-اق ولاردى وتىن جانە (نەمەسە) شيكىزات رەتىندە پايدالانۋعا ارنالعان گاز قۇبىرلارى (جەلىلىك بولىك) مەن گاز جابدىعى كەشەنى;21) ەسەپكە الۋ اسپاپتارى – مىناداي فۋنكتسيالاردى: گازدى ولشەۋدى, جيناۋدى, ساقتاۋدى, ونىڭ شىعىسى, كولەمى, تەمپەراتۋراسى, قىسىمى جانە اسپاپتاردىڭ جۇمىس ۋاقىتى تۋرالى اقپارات كورسەتۋدى ورىندايتىن ولشەۋ قۇرالدارى مەن باسقا دا تەحنيكالىق قۇرالدار;22) جالعاستىرۋشى گاز قۇبىرى – شيكى گازدى كەلىسىمشارتتىق اۋماقتان گاز وڭدەۋ زاۋىتىنا نەمەسە شيكى گازدى ونەركاسىپتىك تۇتىنۋشىعا دەيىن تاسىمالداۋعا نە تاۋارلىق گازدى گاز وڭدەۋ زاۋىتىنان ماگيسترالدىق گاز قۇبىرىنا دەيىن تاسىمالداۋعا ارنالعان گاز قۇبىرى;23) كاسىپشىلىك گاز قۇبىرى – گازدى كەلىسىمشارتتىق اۋماق شەگىندە تاسىمالداۋعا ارنالعان گاز قۇبىرى;24) كوممۋنالدىق-تۇرمىستىق تۇتىنۋشى – تاۋارلىق جانە (نەمەسە) سۇيىتىلعان مۇناي گازىن ودان ءارى وتكىزۋ ماقساتىنسىز, كاسىپكەرلىك, كوممەرتسيالىق ەمەس نەمەسە وزگە قىزمەتتى جۇزەگە اسىرۋ كەزىندە كوممۋنالدىق-تۇرمىستىق مۇقتاجدار ءۇشىن ساتىپ الاتىن جەكە نەمەسە زاڭدى تۇلعا;25) كوممۋنالدىق شارۋاشىلىق سالاسىنداعى ۋاكىلەتتى ورگان – ەلدى مەكەندەر شەكارالارىنىڭ (سىزىقتارىنىڭ) شەگىندە گاز جانە گازبەن جابدىقتاۋ سالاسىندا باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;26) كوتەرمە ساۋدادا وتكىزۋ – تاۋارلىق, سۇيىتىلعان مۇناي گازىن جانە (نەمەسە) سۇيىتىلعان تابيعي گازدى ودان ءارى وتكىزۋ ماقساتىندا ىشكى نارىقتا نە قازاقستان رەسپۋبليكاسىنىڭ اۋماعىنان تىسقارى جەرلەردە وتكىزۋ جونىندەگى كاسىپكەرلىك قىزمەت;27) قازاقستان رەسپۋبليكاسىنىڭ ىشكى قاجەتتىلىكتەرى – قازاقستان رەسپۋبليكاسىنىڭ اۋماعىندا تۇتىنۋعا قاجەتتى تاۋارلىق جانە (نەمەسە) سۇيىتىلعان مۇناي گازىنىڭ كولەمى;28) ماگيسترالدىق گاز قۇبىرى – تاسىمالداناتىن گازدىڭ قىسىمىن ارتتىرۋدى جانە تومەندەتۋدى قامتاماسىز ەتەتىن ءبىر نەمەسە بىرنەشە گاز قۇبىرىنان (جەلىلىك بولىكتەن) جانە ولارمەن ۇشتاسىپ جاتقان وبەكتىلەردەن, تەلەباسقارۋ, بايلانىس قۇرالدارىنان جانە وزگە دە كوممۋنيكاتسيالاردان تۇراتىن, تاۋارلىق گازدى تاسىمالداۋعا ارنالعان ينجەنەرلىك قۇرىلىس. ماگيسترالدىق گاز قۇبىرى وبەكتىلەرىنىڭ قۇرامى جوبالىق قۇجاتتامادا جانە تەحنيكالىق رەگلامەنتتەر تالاپتارىندا ايقىندالادى;29) ءوندىرۋشى – تاۋارلىق, سۇيىتىلعان مۇناي گازىن جانە (نەمەسە) سۇيىتىلعان تابيعي گازدى ءوندىرۋدى جۇزەگە اسىراتىن زاڭدى تۇلعا;30) ونەركاسىپتىك تۇتىنۋشى – ونەركاسىپ وندىرىسىندە وتىن جانە (نەمەسە) شيكىزات رەتىندە پايدالانۋ ءۇشىن گاز ساتىپ الاتىن زاڭدى تۇلعا;31) سۇيىتىلعان مۇناي گازى – جەڭىل كومىرسۋتەگىلەردىڭ (پروپان-بۋتان فراكتسياسىنىڭ, پروپاننىڭ, بۋتاننىڭ) تاسىمالداۋ جانە ساقتاۋ ماقساتىندا سۇيىق كۇيگە اۋىستىرىلعان, قۇرامداستارىنىڭ ساپالىق جانە ساندىق قۇرامى بويىنشا قازاقستان رەسپۋبليكاسىنىڭ تەحنيكالىق رەگلامەنتتەرى مەن مەملەكەتتىك ستاندارتتارىنىڭ تالاپتارىنا ساي كەلەتىن قوسپاسى;32) سۇيىتىلعان تابيعي گاز – قۇرامىندا مەتانى باسىم كومىرسۋتەگىلەردىڭ تاسىمالداۋ جانە ساقتاۋ ماقساتىندا سۇيىق كۇيگە اۋىستىرىلعان, شيكى گازدى وڭدەۋ ءونىمى بولىپ تابىلاتىن جانە قۇرامداستارىنىڭ ساپالىق جانە ساندىق قۇرامى بويىنشا قازاقستان رەسپۋبليكاسىنىڭ تەحنيكالىق رەگلامەنتتەرى مەن مەملەكەتتىك ستاندارتتارىنىڭ تالاپتارىنا ساي كەلەتىن كوپقۇرامداس قوسپاسى;33) تاسىمالداۋ – گاز قۇبىرلارى ارقىلى شيكى نەمەسە تاۋارلىق گازدى ايداۋدىڭ تەحنولوگيالىق پروتسەسى;34) تاۋارلىق گاز – قۇرامىندا مەتانى باسىم كومىرسۋتەگىلەردىڭ گاز تارىزدەس كۇيدە بولاتىن, شيكى گازدى وڭدەۋ ءونىمى بولىپ تابىلاتىن جانە قۇرامداستارىنىڭ ساپالىق جانە ساندىق قۇرامى بويىنشا قازاقستان رەسپۋبليكاسىنىڭ تەحنيكالىق رەگلامەنتتەرى مەن مەملەكەتتىك ستاندارتتارىنىڭ تالاپتارىنا ساي كەلەتىن كوپقۇرامداس قوسپاسى;35) تاۋارلىق گاز قويماسى – تاۋارلىق گازدى ساقتاۋعا ارنالعان, تەحنولوگيالىق ءوزارا بايلانىستى وندىرىستىك جانە وزگە دە وبەكتىلەر كەشەنى;36) توپتىق رەزەرۆۋارلىق قوندىرعى – ىدىستار توبىنان, ساقتاندىرۋ-بەكىتپە جانە رەتتەۋشى ارماتۋرادان, گاز قۇبىرلارىنان تۇراتىن جانە سۇيىتىلعان مۇناي گازىن ساقتاۋعا جانە ونى گاز تۇتىنۋ جۇيەلەرىنە بەرۋگە ارنالعان ينجەنەرلىك قۇرىلىس;37) تۇرمىستىق تۇتىنۋشى – تاۋارلىق جانە (نەمەسە) سۇيىتىلعان مۇناي گازىن كاسىپكەرلىك قىزمەتتە پايدالانۋ جانە ولاردى ودان ءارى وتكىزۋ ماقساتىنسىز, تۇرمىستىق مۇقتاجدار ءۇشىن ساتىپ الاتىن جەكە تۇلعا;38) تۇتىنۋ نورماسى – ەسەپكە الۋ اسپاپتارى جوق تۇرمىستىق تۇتىنۋشىلار ءۇشىن وزدەرى تۇتىنعان تاۋارلىق نەمەسە سۇيىتىلعان مۇناي گازىنىڭ ورتاشا ايلىق كولەمىن كورسەتەتىن ەسەپتىك شاما;39) تۇتىنۋشى – تۇرمىستىق, كوممۋنالدىق-تۇرمىستىق نەمەسە ونەركاسىپتىك تۇتىنۋشى;40) ۋاكىلەتتى ورگان – گازدى ءوندىرۋدى, تاسىمالداۋدى (تاسۋدى), ساقتاۋدى جانە كوتەرمە ساۋدادا وتكىزۋدى, سونداي-اق ەلدى مەكەندەردىڭ شەكارالارى شەگىنەن تىس تاۋارلىق جانە سۇيىتىلعان مۇناي گازىن بولشەك ساۋدادا وتكىزۋدى جانە تۇتىنۋدى مەملەكەتتىك رەتتەۋدى جۇزەگە اسىراتىن ورتالىق اتقارۋشى ورگان;41) ۇلتتىق وپەراتور – اكتسيالارىنىڭ باقىلاۋ پاكەتىنىڭ مەنشىك يەسى مەملەكەت نە ۇلتتىق باسقارۋشى حولدينگ نەمەسە ۇلتتىق كومپانيا بولىپ تابىلاتىن, قازاقستان رەسپۋبليكاسىنىڭ ۇكىمەتى ايقىندايتىن جانە قازاقستان رەسپۋبليكاسىنىڭ تاۋارلىق گازعا دەگەن ىشكى قاجەتتىلىكتەرىن قامتاماسىز ەتۋ ماقساتىندا گاز جانە گازبەن جابدىقتاۋ سالاسىنداعى قىزمەتتى جۇزەگە اسىراتىن زاڭدى تۇلعا;42) شيكى گاز – تازارتىلماي وندىرىلگەن تابيعي, ىلەسپە, قاتپارلى گاز, كومىر باسسەيندەرىنىڭ گازى, سونداي-اق شىعۋ تەگى وزگەشە كومىرسۋتەگى گازى.
2-باپ. قازاقستان رەسپۋبليكاسىنىڭ گاز جانە گازبەن جابدىقتاۋ تۋرالى زاڭناماسى1. قازاقستان رەسپۋبليكاسىنىڭ گاز جانە گازبەن جابدىقتاۋ تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ باسقا دا نورماتيۆتىك قۇقىقتىق اكتىلەرىنەن تۇرادى.2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.
3-باپ. وسى زاڭنىڭ قولدانىلۋ سالاسى1. وسى زاڭ گاز جانە گازبەن جابدىقتاۋ سالاسىنداعى قاتىناستارعا قولدانىلادى.2. وسى زاڭنىڭ ەرەجەلەرى سۇيىتىلعان مۇناي گازىن سىيىمدىلىعى ءبىر كيلوگرامنان از باللونداردا وتكىزۋ كەزىندە تۋىندايتىن قاتىناستارعا قولدانىلمايدى.
4-باپ. گاز جانە گازبەن جابدىقتاۋ سالاسىنداعى مەملەكەتتىك رەتتەۋدىڭ نەگىزگى ماقساتتارى, قاعيداتتارى مەن مىندەتتەرى1. گاز جانە گازبەن جابدىقتاۋ سالاسىنداعى مەملەكەتتىك رەتتەۋدىڭ ماقساتتارى قازاقستان رەسپۋبليكاسىنىڭ ەنەرگەتيكالىق جانە ەكولوگيالىق قاۋىپسىزدىگىن قامتاماسىز ەتۋ, حالقىنىڭ الەۋمەتتىك-ەكونوميكالىق جاعدايىن جاقسارتۋ بولىپ تابىلادى.2. گاز جانە گازبەن جابدىقتاۋ سالاسىنداعى مەملەكەتتىك رەتتەۋ:1) گازبەن جابدىقتاۋدىڭ قاۋىپسىزدىگى مەن سەنىمدىلىگى;2) گاز رەسۋرستارىن پايدالانۋدىڭ ۇتىمدىلىعى;3) قازاقستان رەسپۋبليكاسىنىڭ اۋماعىندا وندىرىلەتىن تاۋارلىق جانە سۇيىتىلعان مۇناي گازىمەن قازاقستان رەسپۋبليكاسىنىڭ ىشكى قاجەتتىلىكتەرىن قامتاماسىز ەتۋدىڭ باسىمدىعى;4) قازاقستان رەسپۋبليكاسىنىڭ اۋماعىندا ورنالاسقان وبەكتىلەردى گازداندىرۋ باسىمدىعى;5) گاز جانە گازبەن جابدىقتاۋ سالاسىنداعى باعا ساياساتىنىڭ تەڭگەرىمدىلىگى قاعيداتتارىنا نەگىزدەلەدى.3. گاز جانە گازبەن جابدىقتاۋ سالاسىنداعى مەملەكەتتىك رەتتەۋدىڭ مىندەتتەرى:1) تاۋارلىق گازبەن جابدىقتاۋدىڭ بىرىڭعاي جۇيەسىن قۇرۋ;2) قازاقستان رەسپۋبليكاسىنىڭ تاۋارلىق جانە سۇيىتىلعان مۇناي گازىنا دەگەن ىشكى قاجەتتىلىكتەرىن ىركىلىسسىز قامتاماسىز ەتۋ ءۇشىن جاعداي جاساۋ;3) قازاقستان رەسپۋبليكاسىندا تۇتىنىلاتىن وتىن-ەنەرگەتيكا رەسۋرستارىنىڭ جالپى كولەمىندەگى تاۋارلىق جانە سۇيىتىلعان مۇناي گازىنىڭ ۇلەسىن ۇلعايتۋ.
2-تاراۋ. گاز جانە گازبەن جابدىقتاۋ سالاسىنداعى مەملەكەتتىك باسقارۋ ورگاندارىنىڭ قۇزىرەتى
5-باپ. قازاقستان رەسپۋبليكاسى ۇكىمەتىنىڭ قۇزىرەتىقازاقستان رەسپۋبليكاسىنىڭ ۇكىمەتى:1) گاز جانە گازبەن جابدىقتاۋ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى;2) ۇلتتىق وپەراتوردى ايقىندايدى;3) قازاقستان رەسپۋبليكاسىن گازداندىرۋدىڭ باس سحەماسىن دايىنداۋ ءتارتىبىن بەكىتەدى;4) قازاقستان رەسپۋبليكاسىن گازداندىرۋدىڭ باس سحەماسىن بەكىتەدى;5) مەملەكەتتىڭ ارتىقشىلىقتى قۇقىعى شەڭبەرىندە ۇلتتىق وپەراتور ساتىپ الاتىن شيكى جانە تاۋارلىق گازدىڭ باعاسىن ايقىنداۋ ءتارتىبىن بەكىتەدى;6) ىشكى نارىقتا تاۋارلىق جانە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىن جانە ولاردى ايقىنداۋ ءتارتىبىن بەكىتەدى;7) قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن بەرۋدىڭ جوسپارىن جاساۋ ءتارتىبىن بەكىتەدى;8) گاز جەلىسى ۇيىمدارىن اككرەديتتەۋ قاعيدالارىن بەكىتەدى;9) گاز جانە گازبەن جابدىقتاۋ سالاسىنداعى مەملەكەتتىك-جەكە مەنشىك ارىپتەستىك شەڭبەرىندە ىلەسپە گازدى ينۆەستورلارعا بەرۋدىڭ ءتارتىبى مەن تالاپتارىن بەكىتەدى;10) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋ ءتارتىبىن بەكىتەدى;11) تاۋارلىق, سۇيىتىلعان مۇناي گازىن جانە سۇيىتىلعان تابيعي گازدى ءوندىرۋ, تاسىمالداۋ (تاسۋ), ساقتاۋ جانە وتكىزۋ مونيتورينگى بويىنشا مالىمەتتەردى ۇسىنۋ ءتارتىبىن بەكىتەدى;12) تاۋارلىق جانە سۇيىتىلعان مۇناي گازىن بولشەك ساۋدادا وتكىزۋدىڭ, سونداي-اق كوممۋنالدىق-تۇرمىستىق جانە تۇرمىستىق تۇتىنۋشىلاردىڭ گاز تۇتىنۋ جۇيەلەرىنە جانە گاز جابدىعىنا تەحنيكالىق قىزمەت كورسەتۋدىڭ ۇلگى شارتتارىن بەكىتەدى;13) تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ ءتارتىبىن بەكىتەدى;14) تاۋارلىق جانە سۇيىتىلعان مۇناي گازىن تۇتىنۋ نورمالارىن ەسەپتەۋ جانە بەكىتۋ ءتارتىبىن بەكىتەدى;15) گاز جانە گازبەن جابدىقتاۋ سالاسىنداعى تەحنيكالىق رەگلامەنتتەردى بەكىتەدى;16) گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىگى جونىندەگى تالاپتاردى بەكىتەدى;17) تاۋارلىق, سۇيىتىلعان مۇناي گازىنىڭ جانە سۇيىتىلعان تابيعي گازدىڭ ەكسپورتىن رەتتەيدى;18) ەكسپورتتىق جانە (نەمەسە) ترانزيتتىك گاز قۇبىرلارىن سالۋ تۋرالى شەشىم قابىلدايدى;19) وزىنە قازاقستان رەسپۋبليكاسىنىڭ كونستيتۋتسياسىندا, وسى زاڭدا, وزگە دە زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە جۇكتەلگەن وزگە دە فۋنكتسيالاردى ورىندايدى.
6-باپ. ۋاكىلەتتى ورگاننىڭ قۇزىرەتىۋاكىلەتتى ورگان:1) گاز جانە گازبەن جابدىقتاۋ سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتەدى;2) ءوز قۇزىرەتىنىڭ شەگىندە گاز جانە گازبەن جابدىقتاۋ سالاسىنداعى قاتىناستاردى رەتتەيتىن نورماتيۆتىك قۇقىقتىق اكتىلەردى ازىرلەيدى جانە بەكىتەدى;3) قازاقستان رەسپۋبليكاسىن گازداندىرۋدىڭ باس سحەماسىن دايىنداۋ ءتارتىبىن ازىرلەيدى;4) قازاقستان رەسپۋبليكاسىن گازداندىرۋدىڭ باس سحەماسىن ازىرلەيدى;5) قازاقستان رەسپۋبليكاسىن گازداندىرۋدىڭ باس سحەماسىنىڭ ىسكە اسىرىلۋىن باقىلاۋدى جۇزەگە اسىرادى;6) مەملەكەتتىڭ ارتىقشىلىقتى قۇقىعى شەڭبەرىندە ۇلتتىق وپەراتور ساتىپ الاتىن شيكى جانە تاۋارلىق گازدىڭ باعاسىن ايقىنداۋ ءتارتىبىن ازىرلەيدى;7) ىشكى نارىقتا تاۋارلىق جانە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىنىڭ دەڭگەيى بويىنشا ۇسىنىستاردى جانە ولاردى ايقىنداۋ ءتارتىبىن ازىرلەيدى;8) گاز جانە گازبەن جابدىقتاۋ سالاسىنداعى مەملەكەتتىك-جەكە مەنشىك ارىپتەستىك شەڭبەرىندە ىلەسپە گازدى ينۆەستورلارعا بەرۋدىڭ ءتارتىبى مەن تالاپتارىن ازىرلەيدى;9) ۇلتتىق وپەراتوردىڭ نەمەسە داۋىس بەرۋشى اكتسيالارىنىڭ (قاتىسۋ ۇلەستەرىنىڭ) ەلۋ جانە ودان كوپ پايىزى ۇلتتىق وپەراتورعا تيەسىلى گاز تاسىمالداۋ جانە (نەمەسە) گاز تاراتۋ ۇيىمدارىنىڭ مەنشىگىندەگى تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىلەرىن يەلىكتەن شىعارۋدى كەلىسەدى;10) تاۋارلىق جانە سۇيىتىلعان مۇناي گازىن ءوندىرۋ, وتكىزۋ جانە تۇتىنۋ بالانسىن جۇرگىزۋدى ۇيىمداستىرادى;11) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ جۇمىس رەجيمدەرىن ورتالىقتاندىرىلعان جەدەل-ديسپەتچەرلىك باسقارۋدى جۇزەگە اسىرۋدىڭ ءتارتىبىن ازىرلەيدى;12) تاۋارلىق جانە سۇيىتىلعان مۇناي گازىن بولشەك ساۋدادا وتكىزۋدىڭ, سونداي-اق كوممۋنالدىق-تۇرمىستىق جانە تۇرمىستىق تۇتىنۋشىلاردىڭ گاز تۇتىنۋ جۇيەلەرىنە جانە گاز جابدىعىنا تەحنيكالىق قىزمەت كورسەتۋدىڭ ۇلگى شارتتارىن ازىرلەيدى;13) تاۋارلىق, سۇيىتىلعان مۇناي گازىن جانە سۇيىتىلعان تابيعي گازدى ءوندىرۋ, تاسىمالداۋ (تاسۋ), ساقتاۋ جانە وتكىزۋ مونيتورينگى بويىنشا مالىمەتتەردى ۇسىنۋ ءتارتىبىن ازىرلەيدى;14) تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ ءتارتىبىن ازىرلەيدى;15) گاز جانە گازبەن جابدىقتاۋ سالاسىنداعى تەحنيكالىق رەگلامەنتتەردى ازىرلەيدى;16) ەلدى مەكەندەردىڭ شەكارالارى (سىزىقتارى) شەگىنەن تىس گاز جانە گازبەن جابدىقتاۋ سالاسىنداعى نورماتيۆتىك-تەحنيكالىق قۇجاتتاردى ازىرلەيدى جانە بەكىتەدى;17) «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ زاڭىنا سايكەس گاز جانە گازبەن جابدىقتاۋ سالاسىنداعى مىندەتتى ۆەدومستۆولىق ەسەپتىلىكتىڭ, تەكسەرۋ پاراقتارىنىڭ نىساندارىن, تاۋەكەل دارەجەسىن باعالاۋ كريتەريلەرىن, تەكسەرۋلەر جوسپارىن ازىرلەيدى جانە بەكىتەدى;18) قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن بەرۋدىڭ جوسپارىن جاساۋ ءتارتىبىن ازىرلەيدى;19) قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن بەرۋدىڭ جوسپارىن اي سايىن بەكىتەدى;20) گاز جەلىسى ۇيىمدارىن اككرەديتتەۋ قاعيدالارىن ازىرلەيدى;21) گاز جەلىسى ۇيىمدارىن اككرەديتتەۋدى جۇزەگە اسىرادى;22) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
7-باپ. گاز جانە گازبەن جابدىقتاۋ سالاسىنداعى وزگە دە ۋاكىلەتتى مەملەكەتتىك ورگانداردىڭ قۇزىرەتى1. كوممۋنالدىق شارۋاشىلىق سالاسىنداعى ۋاكىلەتتى ورگان:1) ەلدى مەكەندەر شەكارالارىنىڭ (سىزىقتارىنىڭ) شەگىندە گاز جانە گازبەن جابدىقتاۋ سالاسىنداعى مەملەكەتتىك ساياساتتى قالىپتاستىرادى ءارى جۇرگىزەدى جانە سالاارالىق ۇيلەستىرۋدى جۇزەگە اسىرادى;2) قازاقستان رەسپۋبليكاسىن گازداندىرۋدىڭ باس سحەماسىن ىسكە اسىرۋعا قاتىسادى;3) ەلدى مەكەندەر شەكارالارىنىڭ (سىزىقتارىنىڭ) شەگىندە گاز جانە گازبەن جابدىقتاۋ سالاسىنداعى نورماتيۆتىك-تەحنيكالىق قۇجاتتاردى ازىرلەيدى جانە بەكىتەدى;4) تاۋارلىق جانە سۇيىتىلعان مۇناي گازىن تۇتىنۋ نورمالارىن ەسەپتەۋ جانە بەكىتۋ ءتارتىبىن ازىرلەيدى;5) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.2. ونەركاسىپتىك قاۋىپسىزدىك سالاسىنداعى ۋاكىلەتتى ورگان:1) تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرى مەن گاز جابدىعىن قوسپاعاندا, تۇرمىستىق باللونداردى جانە گازبەن جابدىقتاۋ جۇيەلەرى وبەكتىلەرىن قاۋىپسىز پايدالانۋ تالاپتارىنىڭ ساقتالۋىنا باقىلاۋدى جۇزەگە اسىرادى;2) گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىگى جونىندەگى تالاپتاردى ازىرلەيدى;3) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.3. تابيعي مونوپوليالار سالالارىندا جانە رەتتەلەتىن نارىقتاردا باسشىلىقتى جۇزەگە اسىراتىن ۋاكىلەتتى ورگان:1) تاۋارلىق جانە سۇيىتىلعان مۇناي گازىن تۇتىنۋ نورمالارىن بەكىتەدى;2) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.4. ستراتەگيالىق جانە ەكونوميكالىق جوسپارلاۋ, بيۋدجەت ساياساتىن تۇجىرىمداۋ مەن قالىپتاستىرۋ سالاسىندا باسشىلىقتى جانە سالاارالىق ۇيلەستىرۋدى جۇزەگە اسىراتىن ۋاكىلەتتى ورگان:1) ىشكى نارىقتا تاۋارلىق جانە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىنىڭ دەڭگەيى جونىندەگى ۇسىنىستاردى كەلىسەدى;2) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.5. وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى:1) تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرى مەن گاز جابدىعىن قاۋىپسىز پايدالانۋ تالاپتارىنىڭ ساقتالۋىنا باقىلاۋدى جۇزەگە اسىرادى;2) قازاقستان رەسپۋبليكاسىن گازداندىرۋدىڭ باس سحەماسىن ىسكە اسىرۋعا قاتىسادى;3) ۋاكىلەتتى ورگانعا وبلىستىڭ, رەسپۋبليكالىق ماڭىزى بار قالانىڭ, استانانىڭ اۋماعىندا سۇيىتىلعان مۇناي گازىن تۇتىنۋ بولجامىن ۇسىنادى;4) ۋاكىلەتتى ورگانعا وبلىستىڭ, رەسپۋبليكالىق ماڭىزى بار قالانىڭ, استانانىڭ اۋماعىندا سۇيىتىلعان مۇناي گازىن وتكىزۋ جانە تۇتىنۋ جونىندەگى مالىمەتتەردى ۇسىنادى;5) قازاقستان رەسپۋبليكاسىن گازداندىرۋدىڭ باس سحەماسىندا گازبەن جابدىقتاۋ جۇيەلەرىنىڭ وبەكتىلەرىن سالۋ كوزدەلگەن جەر ۋچاسكەلەرىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن رەزەرۆكە قويادى;6) گازبەن جابدىقتاۋ جۇيەلەرىنىڭ وبەكتىلەرىن سالۋ ءۇشىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جەر ۋچاسكەلەرىن بەرەدى;7) قازاقستان رەسپۋبليكاسىنىڭ زاڭناماسىمەن جەرگىلىكتى اتقارۋشى ورگاندارعا جۇكتەلگەن وزگە دە وكىلەتتىكتەردى جەرگىلىكتى مەملەكەتتىك باسقارۋ مۇددەسىندە جۇزەگە اسىرادى.
3-تاراۋ. گازبەن جابدىقتاۋ جۇيەلەرىنىڭ جۇمىسىستەۋى جانە دامۋى
8-باپ. تاۋارلىق گازبەن جابدىقتاۋدىڭ بىرىڭعاي جۇيەسى1. قازاقستان رەسپۋبليكاسىنىڭ تاۋارلىق گازعا دەگەن ىشكى قاجەتتىلىكتەرىن ىركىلىسسىز قامتاماسىز ەتۋ, گازبەن جابدىقتاۋ جۇيەلەرىنىڭ وبەكتىلەرىن قاۋىپسىز پايدالانۋ, تاۋارلىق گازدىڭ تاسىمالدانۋىن, ساقتالۋىن ۇزدىكسىز ديسپەتچەرلىك باقىلاۋدى ۇيىمداستىرۋ جانە ونى ەسەپكە الۋدىڭ بىرىڭعاي جۇيەسىن قۇرۋ ماقساتىندا قازاقستان رەسپۋبليكاسىندا تاۋارلىق گازبەن جابدىقتاۋدىڭ بىرىڭعاي جۇيەسى قالىپتاستىرىلادى.2. تاۋارلىق گازبەن جابدىقتاۋدىڭ بىرىڭعاي جۇيەسى جالعاستىرۋشى, ماگيسترالدىق گاز قۇبىرلارىن, تاۋارلىق گاز قويمالارىن, گاز تاراتۋ جانە گاز تۇتىنۋ جۇيەلەرىن, اۆتوگاز تولتىرۋ كومپرەسسورلىق ستانتسيالارىن جانە تاۋارلىق گاز وندىرۋگە, تاسىمالداۋعا, ساقتاۋعا, وتكىزۋگە جانە تۇتىنۋعا ارنالعان وزگە دە تەحنولوگيالىق وبەكتىلەردى قامتيدى.تاۋارلىق گازبەن جابدىقتاۋدىڭ بىرىڭعاي جۇيەسىنىڭ قۇرامىنا كاسىپشىلىك گاز قۇبىرلارى, تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرى, سۇيىتىلعان تابيعي گازدى وندىرۋگە جانە قايتادان گازعا اينالدىرۋعا, سونداي-اق سۇيىتىلعان مۇناي گازىن تاسۋعا, ساقتاۋعا, وتكىزۋگە جانە تۇتىنۋعا ارنالعان تەحنولوگيالىق وبەكتىلەر كىرمەيدى.3. تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىلەرى مەملەكەتتىك نەمەسە جەكە مەنشىكتە بولۋى مۇمكىن.4. مىنالار:1) ۇلتتىق وپەراتور;2) تاۋارلىق گازدى وندىرۋشىلەر;3) وزدەرى وندىرگەن شيكى گازدى وڭدەۋ پروتسەسىندە وندىرىلگەن تاۋارلىق گازدىڭ مەنشىك يەلەرى بولىپ تابىلاتىن جەر قويناۋىن پايدالانۋشىلار;4) قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن جانە تۇتىنۋ ءۇشىن قازاقستان رەسپۋبليكاسىنىڭ اۋماعىنا اكەلىنگەن تاۋارلىق گازدىڭ مەنشىك يەلەرى;5) قازاقستان رەسپۋبليكاسىنىڭ حالىقارالىق شارتتارى نەگىزىندە قازاقستان رەسپۋبليكاسىندا وندىرىلەتىن شيكى گازدان قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن تاۋارلىق گازدىڭ مەنشىك يەلەرى;6) گاز تاسىمالداۋ جانە گاز تاراتۋ ۇيىمدارى;7) اۆتوگاز تولتىرۋ كومپرەسسورلىق ستانتسيالارىنىڭ يەلەرى;8) تاۋارلىق گازدىڭ ونەركاسىپتىك تۇتىنۋشىلارى تاۋارلىق گازبەن جابدىقتاۋدىڭ بىرىڭعاي جۇيەسىنىڭ سۋبەكتىلەرى بولىپ تابىلادى.5. ۋاكىلەتتى ورگان تاۋارلىق گازدى وندىرۋشىلەردىڭ, وزدەرى وندىرگەن شيكى گازدى وڭدەۋ پروتسەسىندە وندىرىلگەن تاۋارلىق گازدىڭ مەنشىك يەلەرى بولىپ تابىلاتىن جەر قويناۋىن پايدالانۋشىلاردىڭ, قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن جانە تۇتىنۋ ءۇشىن قازاقستان رەسپۋبليكاسىنىڭ اۋماعىنا اكەلىنگەن تاۋارلىق گازدىڭ مەنشىك يەلەرىنىڭ, قازاقستان رەسپۋبليكاسىنىڭ حالىقارالىق شارتتارى نەگىزىندە قازاقستان رەسپۋبليكاسىندا وندىرىلەتىن شيكى گازدان قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن تاۋارلىق گازدىڭ مەنشىك يەلەرىنىڭ, گاز تاسىمالداۋ جانە گاز تاراتۋ ۇيىمدارىنىڭ ەسەبىن جۇرگىزەدى جانە تىزبەسىن ينتەرنەت-رەسۋرستا جاريالايدى.6. تاۋارلىق گازبەن جابدىقتاۋدىڭ بىرىڭعاي جۇيەسىنىڭ ءتيىمدى جۇمىس ىستەۋى ماقساتىندا تاۋارلىق گازدى وندىرۋشىلەر, گاز تاسىمالداۋ جانە گاز تاراتۋ ۇيىمدارى تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىن پايدالانۋدىڭ بەلگىلەنەتىن تەحنولوگيالىق رەجيمدەرىن ساقتاۋعا مىندەتتى.9-باپ. ۇلتتىق وپەراتور1. ۇلتتىق وپەراتور مىناداي فۋنكتسيالاردى جۇزەگە اسىرادى:1) گاز جانە گازبەن جابدىقتاۋ سالاسىنداعى مەملەكەتتىك ساياساتتى ىسكە اسىرۋعا قاتىسادى;2) قازاقستان رەسپۋبليكاسىن گازداندىرۋدىڭ باس سحەماسىن ازىرلەۋگە جانە ىسكە اسىرۋعا قاتىسادى;3) وسى زاڭعا سايكەس شيكى جانە تاۋارلىق گازدى ساتىپ الۋعا مەملەكەتتىڭ ارتىقشىلىقتى قۇقىعىن جۇزەگە اسىرادى;4) وسى زاڭعا سايكەس تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىلەرىن, تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىلەرىنە ورتاق مەنشىك قۇقىعىنداعى ۇلەستەردى جانە تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ مەنشىك يەلەرى-زاڭدى تۇلعالار اكتسيالارىنىڭ پاكەتتەرىن (قاتىسۋ ۇلەستەرىن) ساتىپ الۋعا مەملەكەتتىڭ باسىم قۇقىعىن جۇزەگە اسىرادى;5) تاۋارلىق گازدىڭ ىركىلىسسىز تاسىمالدانۋىن جانە ساقتالۋىن, ونىڭ ىشىندە گاز تاسىمالداۋ جانە گاز تاراتۋ ۇيىمدارىمەن شارتتار جاساسۋ ارقىلى قامتاماسىز ەتەدى;6) تاۋارلىق گازدى كوتەرمە ساۋدادا وتكىزۋدى, سونداي-اق تاۋارلىق گازدى ماگيسترالدىق گاز قۇبىرلارىنا جانە (نەمەسە) گاز تاراتۋ جۇيەلەرىنە قوسىلعان تۇتىنۋشىلارعا بولشەك ساۋدادا وتكىزۋدى جۇزەگە اسىرادى;7) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ تەحنولوگيالىق جۇمىس رەجيمىن ورتالىقتاندىرىلعان جەدەل-ديسپەتچەرلىك باسقارۋدى قامتاماسىز ەتەدى;8) ۋاكىلەتتى ورگانعا قازاقستان رەسپۋبليكاسىنىڭ اۋماعىندا تاۋارلىق گازدى تاسىمالداۋ, ساقتاۋ جانە وتكىزۋ جونىندەگى, مەملەكەتتىڭ ارتىقشىلىقتى قۇقىعى شەڭبەرىندە شيكى جانە تاۋارلىق گازدى ساتىپ الۋ جونىندەگى ءمالىمەتتەردى, سونداي-اق قازاقستان رەسپۋبليكاسىنىڭ تاۋارلىق گازعا دەگەن ىشكى قاجەتتىلىكتەرىنىڭ الداعى كۇنتىزبەلىك جىلعا ارنالعان بولجامىن ۇسىنادى;9) تاۋارلىق گازدى تاسىمالداۋ رەجيمدەرىن باسقارۋ مەن ورنىقتىلىعىن قامتاماسىز ەتۋ بويىنشا شەكتەس مەملەكەتتەردىڭ گاز تاسىمالداۋ جۇيەلەرىمەن ءوزارا ءىس-قيمىلدى قامتاماسىز ەتەدى;10) تاۋارلىق گازبەن جابدىقتاۋدىڭ بىرىڭعاي جۇيەسىندەگى تاۋارلىق گازدى كوممەرتسيالىق ەسەپكە الۋدىڭ اۆتوماتتاندىرىلعان جۇيەسىن قۇرۋدى جانە ونىڭ جۇمىس ىستەۋىن قامتاماسىز ەتەدى.2. ۇلتتىق وپەراتور:1) وسى زاڭدا بەلگىلەنگەن شارتتارمەن تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنە قوسىلعان تۇتىنۋشىلاردى تاۋارلىق گازبەن ىركىلىسسىز جابدىقتاۋدى قامتاماسىز ەتۋگە;2) قازاقستان رەسپۋبليكاسىن گازداندىرۋدىڭ باس سحەماسىنا سايكەس تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىلەرىن سالۋدى, پايدالانۋدى, جاڭعىرتۋدى جانە (نەمەسە) رەكونسترۋكتسيالاۋدى قامتاماسىز ەتۋگە;3) ەنەرگيا ۇنەمدەيتىن جانە ەكولوگيالىق تازا تەحنولوگيالار مەن جابدىقتاردى تاۋارلىق گازبەن جابدىقتاۋدىڭ بىرىڭعاي جۇيەسىنىڭ ۇلتتىق وپەراتور يەلىك ەتەتىن وبەكتىلەرىندە پايدالانۋدى قامتاماسىز ەتۋگە مىندەتتى.3. ۇلتتىق وپەراتوردىڭ نەمەسە داۋىس بەرەتىن اكتسيالارىنىڭ (قاتىسۋ ۇلەستەرىنىڭ) ەلۋ جانە ودان كوپ پايىزى ۇلتتىق وپەراتورعا تيەسىلى گاز تاسىمالداۋ جانە (نەمەسە) گاز تاراتۋ ۇيىمدارىنىڭ مەنشىگىندەگى تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىلەرى ۋاكىلەتتى ورگانمەن كەلىسىم بويىنشا يەلىكتەن شىعارىلۋى مۇمكىن.
10-باپ. سۇيىتىلعان مۇناي گازىمەن جابدىقتاۋ جۇيەلەرى1. سۇيىتىلعان مۇناي گازىمەن جابدىقتاۋ جۇيەلەرى گاز تولتىرۋ ستانتسيالارىنىڭ, گاز تولتىرۋ پۋنكتتەرىنىڭ, توپتىق رەزەرۆۋارلىق قوندىرعىلاردىڭ, گاز تۇتىنۋ جۇيەلەرىنىڭ, اۆتوگاز قۇيۋ ستانتسيالارىنىڭ جانە سۇيىتىلعان مۇناي گازىن تاسۋعا, ساقتاۋعا, وتكىزۋگە جانە تۇتىنۋعا ارنالعان وزگە دە تەحنولوگيالىق وبەكتىلەردىڭ جيىنتىعىن بىلدىرەدى.2. سۇيىتىلعان مۇناي گازىمەن جابدىقتاۋ جۇيەلەرىنىڭ وبەكتىلەرى مەملەكەتتىك نەمەسە جەكە مەنشىكتە بولۋى مۇمكىن.3. مىنالار:1) سۇيىتىلعان مۇناي گازىن وندىرۋشىلەر;2) وزدەرىنە مەنشىك قۇقىعىندا نەمەسە وزگە دە زاڭدى نەگىزدەردە تيەسىلى كومىرسۋتەگى شيكىزاتىن وڭدەۋ پروتسەسىندە وندىرىلگەن سۇيىتىلعان مۇناي گازىنىڭ مەنشىك يەلەرى;3) قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن جانە تۇتىنۋ ءۇشىن قازاقستان رەسپۋبليكاسىنىڭ اۋماعىنا اكەلىنگەن سۇيىتىلعان مۇناي گازىنىڭ مەنشىك يەلەرى;4) گاز جەلىسى ۇيىمدارى;5) گاز تولتىرۋ پۋنكتتەرىنىڭ جانە اۆتوگاز قۇيۋ ستانتسيالارىنىڭ يەلەرى;6) سۇيىتىلعان مۇناي گازىن ونەركاسىپتىك تۇتىنۋشىلار سۇيىتىلعان مۇناي گازىمەن جابدىقتاۋ جۇيەلەرىنىڭ سۋبەكتىلەرى بولىپ تابىلادى.4. ۋاكىلەتتى ورگان سۇيىتىلعان مۇناي گازىن وندىرۋشىلەردىڭ, وزدەرىنە مەنشىك قۇقىعىندا نەمەسە وزگە دە زاڭدى نەگىزدەردە تيەسىلى كومىرسۋتەگى شيكىزاتىن وڭدەۋ پروتسەسىندە وندىرىلگەن سۇيىتىلعان مۇناي گازىنىڭ مەنشىك يەلەرىنىڭ, قازاقستان رەسپۋبليكاسىنىڭ اۋماعىنان تىسقارى جەردە وندىرىلگەن جانە تۇتىنۋ ءۇشىن قازاقستان رەسپۋبليكاسىنىڭ اۋماعىنا اكەلىنگەن سۇيىتىلعان مۇناي گازىنىڭ مەنشىك يەلەرىنىڭ, گاز جەلىسى ۇيىمدارىنىڭ جانە سۇيىتىلعان مۇناي گازىن ونەركاسىپتىك تۇتىنۋشىلاردىڭ ەسەبىن جۇرگىزەدى جانە تىزبەسىن ينتەرنەت-رەسۋرستا جاريالايدى.
11-باپ. قازاقستان رەسپۋبليكاسىن گازداندىرۋدىڭ باس سحەماسى1. قازاقستان رەسپۋبليكاسىنىڭ اۋماعىن گازداندىرۋ قازاقستان رەسپۋبليكاسىن گازداندىرۋدىڭ باس سحەماسىنا سايكەس جۇزەگە اسىرىلادى.2. قازاقستان رەسپۋبليكاسىن گازداندىرۋدىڭ باس سحەماسى قازاقستان رەسپۋبليكاسىنىڭ تاۋارلىق جانە سۇيىتىلعان مۇناي گازىنا دەگەن ىشكى قاجەتتىلىكتەرىن قامتاماسىز ەتۋدىڭ باسىمدىعى ەسكەرىلە وتىرىپ, تاۋارلىق جانە سۇيىتىلعان مۇناي گازىن ءوندىرۋدىڭ, وتكىزۋدىڭ جانە تۇتىنۋدىڭ بولجامدى بالانسى نەگىزىندە ازىرلەنەدى.3. قازاقستان رەسپۋبليكاسىن گازداندىرۋدىڭ باس سحەماسى گازبەن جابدىقتاۋ جۇيەلەرىنىڭ وبەكتىلەرىن ورنالاستىرۋ سحەماسىن, سالۋ, جاڭعىرتۋ, جانە (نەمەسە) رەكونسترۋكتسيالاۋ جوسپارلانعان گازبەن جابدىقتاۋ جۇيەلەرى وبەكتىلەرىنىڭ تىزبەسى مەن تەحنيكالىق سيپاتتاماسىن, قاجەتتى قارجى رەسۋرستارى مەن ولاردىڭ كوزدەرىن, تاۋارلىق جانە سۇيىتىلعان مۇناي گازىنىڭ پەرسپەكتيۆالى رەسۋرستارىن, سونداي-اق جۇمىس ىستەپ تۇرعان جانە سالۋ جوسپارلانعان گازبەن جابدىقتاۋ جۇيەلەرىنىڭ وبەكتىلەرى بويىنشا گاز بەرۋ سحەماسىن قامتيدى.4. قازاقستان رەسپۋبليكاسىن گازداندىرۋدىڭ باس سحەماسى تۇرمىستىق جانە كوممۋنالدىق-تۇرمىستىق تۇتىنۋشىلاردىڭ تاۋارلىق گازدى, ونىڭ ىشىندە سۇيىتىلعان تابيعي گازدى قايتادان گازعا اينالدىرۋ پروتسەسىندە الىنعان گازدى پايدالانۋىنىڭ باسىمدىعى ەسكەرىلە وتىرىپ ازىرلەنەدى.5. قازاقستان رەسپۋبليكاسىن گازداندىرۋدىڭ باس سحەماسىنىڭ ىسكە اسىرىلۋىن قارجىلاندىرۋ ۇلتتىق وپەراتوردىڭ تابىستارى, بيۋدجەت قاراجاتى جانە قازاقستان رەسپۋبليكاسىنىڭ زاڭناماسىمەن تىيىم سالىنباعان وزگە دە كوزدەر ەسەبىنەن جۇزەگە اسىرىلادى.6. گازداندىرۋدىڭ باس سحەماسىن ىسكە اسىرۋ ءۇشىن جەر ۋچاسكەلەرىن رەزەرۆكە قويۋ قازاقستان رەسپۋبليكاسىنىڭ جەر كودەكسىندە بەلگىلەنگەن تارتىپپەن جۇزەگە اسىرىلادى.
12-باپ. گازبەن جابدىقتاۋ جۇيەلەرىنىڭ وبەكتىلەرىن جوبالاۋ, سالۋ, جاڭعىرتۋ جانە (نەمەسە) رەكونسترۋكتسيالاۋ1. ماگيسترالدىق گاز قۇبىرلارىن سالۋ, جاڭعىرتۋ جانە (نەمەسە) رەكونسترۋكتسيالاۋ جوبالارى قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى تۋرالى زاڭناماسىنا سايكەس ۋاكىلەتتى ورگانمەن جانە وزگە دە مەملەكەتتىك ورگاندارمەن كەلىسىلەدى.2. گاز تاراتۋ جۇيەلەرىن جانە سۇيىتىلعان مۇناي گازىمەن جابدىقتاۋ جۇيەلەرى وبەكتىلەرىن سالۋ, جاڭعىرتۋ جانە (نەمەسە) رەكونسترۋكتسيالاۋ جوبالارى كوممۋنالدىق شارۋاشىلىق سالاسىنداعى ۋاكىلەتتى ورگانمەن كەلىسىلەدى.3. ەكسپورتتىق جانە (نەمەسە) ترانزيتتىك گاز قۇبىرلارىن سالۋ تۋرالى شەشىمدى قازاقستان رەسپۋبليكاسىنىڭ ۇكىمەتى قابىلدايدى.4. ماگيسترالدىق گاز قۇبىرىنا, گاز تاراتۋ جۇيەسىنە نەمەسە توپتىق رەزەرۆۋارلىق قوندىرعىعا قوسۋعا ارنالعان تەحنيكالىق تالاپتاردى وسىنداي وبەكتىنى پايدالانۋشى گاز تاسىمالداۋ نە گاز تاراتۋ نەمەسە گاز جەلىسى ۇيىمى بەرەدى. بۇل رەتتە بەرىلگەن تەحنيكالىق شارتتار گازبەن جابدىقتاۋ جۇيەلەرىنىڭ جاڭادان سالىنىپ جاتقان, جاڭعىرتىلاتىن جانە (نەمەسە) رەكونسترۋكتسيالاناتىن وبەكتىلەرىن جوبالاۋ ءۇشىن نەگىز بولىپ تابىلادى.5. گازبەن جابدىقتاۋ جۇيەلەرى وبەكتىلەرىن ماگيسترالدىق گاز قۇبىرىنا, گاز تاراتۋ جۇيەسىنە نەمەسە توپتىق رەزەرۆۋارلىق قوندىرعىعا قوسۋعا بايلانىستى شىعىستار گازبەن جابدىقتاۋ جۇيەلەرىنىڭ قوسىلاتىن وبەكتىلەرىنىڭ يەلەرى ەسەبىنەن جۇرگىزىلەدى.6. تۇتىنۋشىلاردىڭ جاڭادان قوسىلاتىن جانە رەكونسترۋكتسيالاناتىن گاز جابدىعى تەحنيكالىق رەگلامەنتتەرگە جانە نورماتيۆتىك تەحنيكالىق قۇجاتتارعا سايكەس ورىندالۋعا, سونداي-اق جوبالىق قۇجاتتامامەن قامتاماسىز ەتىلۋگە ءتيىس.
13-باپ. گازبەن جابدىقتاۋ جۇيەلەرى وبەكتىلەرىن سالۋ جانە پايدالانۋ كەزىندە جەر پايدالانۋدى رەتتەۋ1. گازبەن جابدىقتاۋ جۇيەلەرىنىڭ وبەكتىلەرىن سالۋ جانە پايدالانۋ ءۇشىن بەرىلەتىن جەرلەر قازاقستان رەسپۋبليكاسىنىڭ زاڭناماسىندا بەلگىلەنگەن قالا قۇرىلىسى جانە ەكولوگيالىق تالاپتارعا سايكەس كەلۋگە ءتيىس.2. مەنشiك يەسi نەمەسە جەر پايدالانۋشى گازبەن جابدىقتاۋ جۇيەلەرىنىڭ وبەكتىلەرىنە كىرۋ ءۇشىن قازاقستان رەسپۋبليكاسىنىڭ زاڭناماسىنا سايكەس وزiنە مەنشiك نەمەسە جەر پايدالانۋ قۇقىعىندا تيەسiلi جەر ۋچاسكەسiن شەكتەۋلi نىسانالى پايدالانۋ قۇقىعىن مۇددەلi جەكە جانە زاڭدى تۇلعالارعا بەرۋگە مiندەتتi.3. گازبەن جابدىقتاۋ جۇيەلەرىنىڭ وبەكتىلەرىن كۇردەلى جوندەۋ, ولارعا قىزمەت كورسەتۋ, ولاردى جاڭعىرتۋ جانە (نەمەسە) رەكونسترۋكتسيالاۋ جونىندەگى جۇمىستاردى ورىنداۋ ءۇشىن وسى وبەكتىلەردى پايدالاناتىن ۇيىمعا جەر ۋچاسكەلەرى قازاقستان رەسپۋبليكاسىنىڭ جەر كودەكسىنە سايكەس ۋاقىتشا جەر پايدالانۋعا بەرىلەدى.
4-تاراۋ. گازبەن جابدىقتاۋدىڭ قۇقىقتىق نەگىزدەرى
14-باپ. مەملەكەتتىڭ گاز جانە گازبەن جابدىقتاۋسالاسىنداعى باسىم قۇقىعى1. ەنەرگەتيكالىق قاۋىپسىزدىكتى قامتاماسىز ەتۋ جانە تاۋارلىق گازعا ىشكى قاجەتتىلىكتەردى قاناعاتتاندىرۋ ماقساتىندا قازاقستان رەسپۋبليكاسىنىڭ باسقا تۇلعالاردىڭ الدىندا تاۋارلىق گازبەن جابدىقتاۋدىڭ بىرىڭعاي جۇيەسىنىڭ يەلىكتەن شىعارىلاتىن وبەكتىلەرىن, تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنە ورتاق مەنشىك قۇقىعىنداعى ۇلەستەرىن جانە تاۋارلىق گازبەن جابدىقتاۋدىڭ بىرىڭعاي جۇيەسى وبەكتىلەرىنىڭ مەنشىك يەلەرى – زاڭدى تۇلعالار اكتسيالارىنىڭ پاكەتتەرىن (قاتىسۋ ۇلەستەرىن) ساتىپ الۋعا باسىم قۇقىعى (بۇدان ءارى – مەملەكەتتىڭ باسىم قۇقىعى) بار.2. قازاقستان رەسپۋبليكاسىنىڭ ازاماتتىق زاڭناماسىنا سايكەس ستراتەگيالىق وبەكتىلەرگە جاتقىزىلعان وبەكتىلەرگە قاتىستى مەملەكەتتىڭ باسىم قۇقىعىن ىسكە اسىرۋ «مەملەكەتتىك م ۇلىك تۋرالى» قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.3. قازاقستان رەسپۋبليكاسىنىڭ ازاماتتىق زاڭناماسىنا سايكەس ستراتەگيالىق وبەكتىلەرگە جاتقىزىلماعان وبەكتىلەرگە قاتىستى مەملەكەتتىڭ باسىم قۇقىعىن ىسكە اسىرۋ وسى باپتىڭ 4 – 6-تارماقتارىندا كوزدەلگەن تارتىپپەن ۇلتتىق وپەراتور ارقىلى جۇزەگە اسىرىلادى.4. تاۋارلىق گازبەن جابدىقتاۋدىڭ بىرىڭعاي جۇيەسىنىڭ وبەكتىسىن, تاۋارلىق گازبەن جابدىقتاۋدىڭ بىرىڭعاي جۇيەسى وبەكتىسىنە ورتاق مەنشىك قۇقىعىنداعى ۇلەسىن جانە (نەمەسە) تاۋارلىق گازبەن جابدىقتاۋدىڭ بىرىڭعاي جۇيەسى وبەكتىسىنىڭ مەنشىك يەسى-زاڭدى تۇلعا اكتسيالارىنىڭ پاكەتىن (قاتىسۋ ۇلەسىن) يەلىكتەن شىعارۋدى جۇرگىزۋ نيەتى بار تۇلعا ۇلتتىق وپەراتورعا وسىنداي يەلىكتەن شىعارۋدىڭ باعاسىن جانە وزگە دە شارتتارىن كورسەتە وتىرىپ, كوممەرتسيالىق ۇسىنىس جىبەرەدى.5. ۇلتتىق وپەراتور كوممەرتسيالىق ۇسىنىس تۇسكەن كۇننەن باستاپ ءبىر اي مەرزىمدە مەملەكەتتىڭ باسىم قۇقىعىن ىسكە اسىرۋ تۋرالى نەمەسە ودان باس تارتۋ تۋرالى شەشىم قابىلدايدى جانە كوممەرتسيالىق ۇسىنىس جىبەرگەن تۇلعانى قابىلدانعان شەشىم تۋرالى جازبا