جامبىل وبلىسى جۇمىسپەن قامتۋ بويىنشا ەكىنشى ورىندا تۇر

ال, جالپى جوسپارداعى 11675 ادامنىڭ 79,6 پايىزى, دەمەك,  8983-ءى جۇمىسپەن قامتۋدىڭ بەلسەندى شارالارىنا تارتىلعان. ايتا كەتۋ كەرەك, بۇل كورسەتكىش بويىنشا جامبىل وبلىسى رەسپۋبليكا وڭىرلەرى اراسىندا ەكىنشى ورىنعا جوعارىلاعان. بۇل جونىندە جامبىل وبلىسىنىڭ اكىمى اسقار مىرزاحمەتوۆتىڭ توراعالىعىمەن وتكەن جيىندا ايتىلدى.

جيىندا وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى سەيداحمەت سەيتبەكوۆ باسقارمانىڭ وتكەن جىلى اتقارعان جۇمىستارى تۋرالى ەسەپ بەردى.

ونىڭ ايتۋىنشا, وتكەن جىلدىڭ قورىتىندىسى بويىنشا وڭىردەگى جۇمىسسىزدىق دەڭگەيى 4,9 پايىزدى قۇراسا, ال, قۇرىلعان تۇراقتى جاڭا جۇمىس ورىندارىنىڭ سانى 5839 بىرلىككە جەتىپ, مەجە 108,8 پايىزعا ورىندالعان.

سونداي-اق, ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا جۇمىسپەن قامتۋدىڭ بەلسەندى شارالارىنا بارلىعى 39243 ادام تارتىلىپ, ونىڭ 31220-سى جۇمىسقا ورنالاسقان. ونىڭ 21496-ى تۇراقتى, 9724-ءى ۋاقىتشا جۇمىسپەن قامتىلعان. ايتا كەتۋ كەرەك,  بۇل باعدارلاما بويىنشا وڭىردەگى 4212 ادام قىسقا مەرزىمدى كاسىپتىك وقىتۋدان,  770 ادام تەحنيكالىق جانە كاسىپتىك ءبىلىم بەرۋ, 1904 ادام كاسىپكەرلىك نەگىزدەرىنە وقىتۋدان وتكەن. سونىمەن قاتار, 1107 ادامعا ميكروكرەديت بەرىلسە, 30 ادامعا گرانت بەرىلگەن.

جيىندا وڭ كورسەتكىشتەرمەن قاتار وزەكتى ماسەلەلەر دە تالقىلانىپ, اعىمداعى جىلدىڭ جوسپارى دا بەلگىلەندى. اكىم جيىن بارىسىندا بيۋدجەت, قۇرىلىس ەسەبىنەن بولەك, ءوندىرىس ورىندارى ارقىلى جۇمىسقا ورنالاسۋ دەڭگەيىن كوتەرۋ, جاستار اراسىنداعى جۇمىسسىزدىق كورسەتكىشىن جاقسارتۋ كەرەكتىگىن باسا ايتتى.  

حاميت ەسامان,

«Egemen Qazagstan», 

جامبىل وبلىسى