ماڭعىستاۋ جانە اقتوبە وبلىستارىنىڭ اسكەري بولىمدەرىنە 2018 جىلدىڭ كوكتەمىندە شاقىرىلعان ساربازدارىمەن تاكتيكالىق وقۋ-جاتتىعۋلار وتكىزىلۋدە.
روتا-تاكتيكالىق توپتاردىڭ وقۋ-جاتتىعۋلارى اقتاۋ مەن اقتوبە قالارىنىڭ ماڭىندا ورنالاسقان «ويماشا» جانە «ەسەت باتىر» اسكەري پوليگوندارىندا كۇندىزگى جانە تۇنگى ۋاقىتتاردا وتكىزىلۋدە. جاتتىعۋلاردىڭ باستى ماقساتى مەن تاپسىرماسى – بىرىكتىرىلگەن بولىمشەلەر مەن قۇرامالاردىڭ ورتاق تاپسىرمانى ورىنداۋ كەزىندەگى ۇيلەسىمدىلىگىن باعالاۋ, روتا-تاكتيكالىق توپ قۇرامىندا جۇمىس جاساۋدى ۇيرەنۋ جانە وسىنداي بىرىكتىرىلىگەن توپتى باسقارۋ كەزىندە كومانديرلەردىڭ ماشىقتىلىعى مەن تاجىريبەسىن ارتتىرۋ بولىپ تابىلادى.
روتا-تاكتيكالىق توپتاردىڭ قۇرامى, ولارعا قويىلعان تاپسىرماعا بايلانىستى جاساقتالادى. بۇر رەتتە ولار بىرىگىپ مارش جاساپ, قورعانىس ادىستەرىن ورىنداپ, شابۋىلداۋ امالدارىن پىسىقتاۋمەن قوسا, باسقا دا ءىس-قيمىلداردى جاسايدى. وسى وقۋ-جاتتىعۋدى وتكىزۋ بارىسىندا قوسىمشا تۇردە جەكە قۇرامنىڭ روتانىڭ تىرەك پۋنكتىن ينجينەرلىك جاساقتالۋى, رادياتسيالىق, حيميالىق جانە بيولوگيالىق قورعانىس پەن ماتەريالدىق-تەحنيكالىق قامتاماسىز ەتىلۋى بويىنشا سىناقتاردى تاپسىرۋ قاراستىرىلعان. موتواتقىش جانە تەڭىز جاياۋ اسكەرى روتالارىنىڭ وقۋ-جاتتىعۋلارىن وتكىزۋ كەزىندە, ولارعا تانك, ارتيللەريا جانە قامتاماسىز ەتۋ بولىمشەلەرى بەرىلەدى. بۇلاردىڭ بارلىعۋنا روتا كومانديرى جەكە تاپسىرما قويىپ, ولارعا باسشىلىق ەتۋىنە بايلانىستى, بۇل روتا-تاكتيكالىق توبى دەپ اتالعان.
اتالمىش وقۋ-جاتتىعۋلاردى وتكىزۋگە ارنالعان ۋاقىتتىڭ 24 ساعاتى جاۋىنگەرلىك ۇرىستىڭ ديناميكاسىن پىساقتاۋعا بىرىلەدى, ونىڭ ىشىندە 30% تۇنگى ۋاقىتتا وتكىزۋگە بولىنگەن. روتا-تاكتيكالىق توپتاردىڭ وقۋ جاتتىعۋلارى 25 قاڭتاردا اياقتالادى.
گۇلايىم شىنتەمىرقىزى,
Egemen Qazagstan
ماڭعىستاۋ وبلىسى