سولتۇستىك قازاقستان پوليتسەيلەرىنە جەڭىل كولىك پەن اقشالاي سىياقىلار تاپسىرىلدى

2018 جىلى قىلمىستىق قۇقىق بۇزۋشىلىق كورسەتكىشتەرى 5,6 پروتسەنتكە  تومەندەگەن. ونىڭ ىشىندە بوتەننىڭ مۇلكىن ۇرلاۋ فاكتىلەرى  11 پروتسەنتكە كەمىگەن جالپى قىلمىستاردىڭ اشىلۋى 70,1 پروتسەنتتى قۇراعان. ماتاريالدىق-تەحنيكالىق بازانى نىعايتۋعا  وبلىستىق قازىنادان 5 ميلليارد تەڭگە بولىنگەن. پوليتسيا دەپارتامەنتىنىڭ باستىعى, گەنەرال-مايور بەرىك ءبىلالوۆ جەرگىلىكتى جەردەگى  كريمينوگەندىك احۋالعا جان-جاقتى توقتالىپ, جاعدايدىڭ تۇراقتى ەكەنىن اتاپ ءوتتى. 

ۆەدوموستۆو باسشىسى, تۇتاستاي العاندا, بىلتىرعى جىل تابىستى قورىتىندىلانعانىن ايتا كەلىپ,  جەدەل-قىزمەتتىك جۇمىستىڭ قورىتىندىلارىن جاريالادى. ول بويىنشا  جامبىل, ءۋاليحانوۆ, شال اقىن اۋداندارىنىڭ  پوليتسيا بولىمدەرى  جەڭىمپاز رەتىندە تانىلىپ, ارقايسىسىنا 1 ميلليون, 500 مىڭ جانە  300 مىڭ تەڭگەنىڭ اقشالاي سەرتيفيكاتتارى تابىس ەتىلدى.

بىلتىر جاريالانعان «پوليتسيا  دەپارتامەنتىندە كادر رەزەرۆى جىلى» بايقاۋىنىڭ جەڭىمپازى اتانعان تايىنشا اۋداندىق بولىمىنە قىزمەتتىك سۋ جاڭا «لادا ۆەستا» كولىگىنىڭ كىلتى تارتۋ ەتىلدى. ەكىنشى, ءۇشىنشى ورىنداردى  ەسىل, مامليۋت اۋداندارىنىڭ پوليتسيا بوىمدەرى ءبولىستى.

ءومىر ەسقالي,

«ەگەمەن قازاقستان»

سولتۇستىك قازاقستان وبلىسى