بەلگىلى تۇركولوگ, ميچيگان ۋنيۆەرسيتەتىنىڭ پروفەسسورى تيمۋر قوجاوعلى «ەگەمەن قازاقستان» گازەتى تۇركى الەمىندە ماڭدايالدى باسىلىمعا اينالعانىن مالىمدەدى. بۇل تۋرالى ول Facebook جەلىسىندەگى پاراقشاسىندا جاريالادى.
ءمارمارا, كوچ ۋنيۆەرسيتەتتەرىندە قىزمەت ەتكەن پروفەسسور «ەگەمەن قازاقستان» گازەتى ىسمايىل گاسپىرالى نەگىزىن قالاعان ء«تارجىمان» گازەتىنەن كەيىن جارىق كورگەن بەدەلدى باسىلىم ەكەنىن اتاپ ءوتىپ, گازەتتە كوپتەگەن الاش ارىستارى ەڭبەك ەتكەنىن جەتكىزدى.
«100-جىلىنا قادام باسقان «ەگەمەن قازاقستان» گازەتىنىڭ نەگىزى 1919 جىلى 17 جەلتوقساندا «ۇشقىن» دەگەن اتپەن قالانعان بولاتىن» دەدى.
سونىمەن قاتار, ميچيگان ۋنيۆەرسيتەتىنىڭ پروفەسسورى ەگەمەن قازاقستان گازەتى تۇركى الەمىنىڭ ەڭ بەدەلدى باسىلىمىنا اينالعانىن اتاپ كورسەتتى.
«گازەتتىڭ ەرەكشەلىگى – بۇرىنعى كەڭەستىك تيپتەگى گازەت ورنىنا زاماناۋي جۋرناليستيكا ەتيكاسى مەن قىر-سىرىن ءساتتى ۇشتاستىرۋى. وعان قوسا جاقىندا اتالمىش باسىلىم نيۋ-يورك تايمس گازەتىمەن كەلىسىمگە قول قويعان بولاتىن», دەيدى پروفەسسور.
ءسوز سوڭىندا «ىستىق ىقىلاسىممەن ەگەمەن قازاقستان گازەتىنە اق جول تىلەيمىن» دەلىنگەن.
تيمۋر قوجاوعلى – بۇحارا حالىق كەڭەس رەسپۋبليكاسىنىڭ پرەزيدەنتى وسمان قوجاوعلىنىڭ ۇلى. دوكتورلىق ديسسەرتاتسياسىن كولۋمبيا ۋنيۆەرسيتەتىندە «كەڭەستىك ورتالىق ازيا پروزاسىنداعى پوست-ستالين زامانىنىڭ ۇلتتىق ەرەكشەلىكتەرى» تاقىرىبىندا جازعان. ونىڭ كەڭەس وداعىنداعى تۇركى حالقىنىڭ ءالىپبيىنىڭ اراب گرافيكاسى مەن لاتىن گرافيكاسىنا ءوتۋى تۋرالى عىلىمي ماقالالارى بار.