ازەربايجان مەن ارمەنيا ءسىم پاريجدەگى كەزدەسۋى حالىقتى بەيبىتشىلىككە دايىنداۋ ءۇشىن ناقتى ءىس-شارالار جوسپارىن بەكىتۋ تۋرالى بىتىممەن اقتالدى. بۇل تۋرالى Trend اقپاراتتىق اگەنتتىگى حابارلادى.
ەقۇى وكىلدەرى يگور پوپوۆ (رەسەي), ستەفان ۆيسكونتي (فرانتسيا), ەندريۋ سحوفەر (اقش) ازەربايجان سىرتقى ىستەر ءمينيسترى ەلمار مامەدياروۆ پەن ارمەنيا ءسىم مىندەتىن اتقارۋشى زوحراب مناتساكانيانمەن پاريجدە كەڭەس وتكىزگەن بولاتىن. وكىلدەر الدىمەن جەكە كەزدەسىپ, كەيىن مينيسترلەرمەن جينالىس وتكىزدى. كەزدەسۋگە ەقۇى توراعاسىنىڭ وكىلى اندجەي كاسپرشيك قاتىستى. بۇل وسىمەن ازەربايجان مەن ارمەنيا سىرتقى ساياسات ۆەدومستۆولارىنىڭ ءتورتىنشى كەزدەسۋى.
وكىلدەردىڭ حابارلاۋىنشا, مينيسترلەر تاۋلى-قاراباق شيەلەنىسىنە قاتىستى بىرقاتار سۇراقتى تالقىلاعان. ەليسەي سارايىندا وتكەن كەزدەسۋدە ەكى حالىقتى بەيبىتشىلىككە باستاۋعا كەلىسىم جاسالدى. ودان بولەك كەلىسىمنىڭ بۇگىنگى ساتىسىنىڭ العىشارتتارى مەن پارامەترلەرى, كەلىسسوزدەردىڭ ۇدەي تۇسۋىنە سەپ بولاتىن ەكى ەل ليدەرلەرىنىڭ وسى ماسەلەگە قاتىستى ءسامميتىنىڭ بولجامى تۋرالى ايتىلعان.
ەقۇى وكىلدەرى ەكى ەل باسشىلارىمەن جاقىن ارادا كەزدەسەتىن جوسپارلارىن حابارلادى.