قىزىلوردالىق جاستار رەسپۋبليكالىق اكتسيا جاريالادى

جاستار قاناتىنىڭ باستاماسىمەن «English for jastar»  جوباسى اياسىندا وبلىستىڭ بارلىق 7 اۋدانىندا 11 ەرىكتى اعىلشىن ءتىلىن وقۋشىلارعا تەگىن ۇيرەتتى. قازىرگى تاڭدا وبلىستا 350 وقۋشى اعىلشىن ءتىلىن تەگىن مەڭگەرىپ, دەڭگەيلەرىن ارتتىرىپ جاتىر.

رەسپۋبليكالىق «جاس وتان» جق سەزدىنىڭ ىزىمەن قىزىلوردا وبلىسىندا «جاس وتان» جاستار قاناتىنىڭ ۇيىمداستىرۋىمەن 500 جاستىڭ قاتىسۋىمەن «جاڭا الەمدەگى جاستار كەلبەتى» اتتى وبلىستىق جاستار فورۋمى ۇيىمداستىرىلدى. فورۋمعا وبلىس اكىمى ق.ە. كوشەرباەۆ ارنايى قاتىسقان. فورۋمنىڭ قورىتىندىسىمەن «جاڭا الەمدەگى جاستار كەلبەتى» اتتى 2021 جىلعا دەيىنگى تۇجىرىمداما قابىلدانىپ, جۇيەلى جۇمىستار جۇرگىزىلىپ جاتىر.

جىلدىق قورىتىندى كەشتە وبلىستىق «جاس وتان» جق توراعاسى ت.تىلەس جاستار جىلى قارساڭىندا «جاستار جىلىنداعى جەتىستىگىڭ» اتتى رەسپۋبليكالىق اكتسياسىن جاريالادى. بۇل اكتسياعا ەلىمىزدىڭ بارشا جاستارى ۇلەس قوسىپ, قاتىسا الادى. اكتسيا ماقساتى - ەلىمىزدەگى جاستاردى جاستار جىلىندا ومىرىندەگى ماڭىزدى جەتىستىككە جەتۋىنە ۇندەۋ, شاقىرۋ. اكتسيا 2019 جىلدىڭ  جەلتوقسان ايىنىڭ 10 كۇنىنە دەيىن جالعاساتىن بولادى. اكتسياعا قاتىسۋ جاستار اراسىندا كەڭىنەن تانىمال (Facebook, Instagram) الەۋمەتتىك جەلىلەر ارقىلى جۇزەگە اسادى. اكتسياعا قاتىسۋعا نيەتتى ءاربىر جاس اتالعان الەۋمەتتىك جەلىلەردە جاستار جىلىنداعى جەتكەن ءوزىنىڭ جەتىستىگىن #JJJ2019 حەشتەگىمەن جاريالايدى. «جاستار جىلىندا جاستىق جالىنىمىزبەن جالىنداپ, ەلىمىزدىڭ دامۋىنا بارشامىز ۇلەس قوسايىق. مىسالى, جاستار جىلىندا جاس دارىگەر ءوزىنىڭ العاشقى نەمەسە ەڭ قيىن وپەراتسياسىن جاساۋى مۇمكىن, جاس عالىم جاڭا جوبا نەمەسە عىلىمي جاڭالىق اشۋى مۇمكىن, جاس سپورتشىلار ەلىمىزدىڭ بايراعىن جەلبىرەتۋى مۇمكىن, جاس اقىن نەمەسە جازۋشى ءوزىنىڭ جاڭا كىتابىن, ەڭبەگىن اياقتاۋى مۇمكىن, جاس ەگىنشى رەكوردتىق ءونىم الۋى مۇمكىن. «اكتسياعا بارشا ەلىمىزدىڭ جاستارىن بەلسەنە قاتىسۋعا شاقىرامىن» دەدى ءوز سوزىندە ت.تىلەس.

2019 جىلدىڭ جەلتوقسان ايىندا «جاستار جىلىنداعى جەتىستىگىڭ» اكتسياسى قورىتىندىسى رەسمي جاريالانىپ, اكتسياعا قاتىسۋشى جاستاردىڭ جەتىستىكتەرى كەڭىنەن ناسيحاتتالاتىن بولادى.