دزيۋدودان قازاقستان ۇلتتىق قۇراما كومانداسى ءبىر اپتا بويى تاشكەنتتە بولىپ, رەسەي, وزبەكستان, اۋعانستان جانە تاجىكستاننىڭ بالۋاندارىمەن بىرگە بىرلەسكەن وقۋ-جاتتىعۋ جيىنىن وتكىزدى.
وزبەكستاننىڭ استاناسىندا وتكەن جيىندا ءتۇرلى مەملەكەتتەردەن كەلگەن 500-گە جۋىق دزيۋدو شەبەرلەرى قاتىستى. ولاردىڭ دەنى – جەرگىلىكتى ورەندەر. سونىمەن قوسا, رەسەي ءوزىنىڭ ءۇش كومانداسىن الىپ كەلدى. قازاقستاننىڭ بەلدى بالۋاندارى اراسىنان تەك الەم چەمپيوناتىنىڭ كۇمىس جۇلدەگەرى ەرلان سەرىكجانوۆ پەن ازيا ويىندارىنىڭ جەڭىمپازى ديدار حامزا عانا تاشكەنتكە بارا العان جوق. ولار ەلدە قالىپ, ەسكى جاراقاتتارىن ەمدەتۋدە. ەسەسىنە جاستار قۇراماسى ساپىنداعى تاعى 10 سپورتشىنى وسى سىناقتان وتكىزدىك دەيدى ۇلتتىق كوماندامىزدىڭ باس باپكەرى ايدىن سماعۇلوۆ.
قازىرگى كەزدە وتاندىق دزيۋدوشىلار جاپونيادا وتەتىن وقۋ-جاتتىعۋ جيىنىنا قامدانۋدا. ودان كەيىن وليمپيا ويىندارىنا قاتىسۋ ءۇشىن ۇپاي بەرىلەتىن رەيتينگتىك تۋرنيرلەر باستالادى. العاشقى سىناق پاريجدە وتەدى. قازاقستاننىڭ بالۋاندارى دا سول Grand Slam تۋرنيرىنە قاتىسۋدى كوزدەپ وتىر.
عالىم سۇلەيمەن,
«ەگەمەن قازاقستان»