سەيسەنبى كۇنى ء«اش-شاباب» راديكالدى توبى نايروبيدەگى Dusit قوناقۇي-كەڭسە كەشەنىنە شابۋىل جاسادى. 15 ادام قازا تاۋىپ, قوناقۇيدەن 50-دەن اسا ادام قۇتقارىلدى.
Reuters اگەنتتىگىنىڭ حابارلاۋىنشا, كەنيا قۇقىق قورعاۋ ورگاندارى نايروبيدەگى لاڭكەستەر شابۋىل جاساعان قوناقۇي كەشەنىندەگى ادامداردى قۇتقارىپ جاتىر.
اتىلعان وقتاردىڭ دىبىسى ەستىلىپ تۇرعان قوناقۇي كەشەنىنەن 50-گە جۋىق ادام ەۆاكۋاتسيالانعان.
كەنيا ىشكى ىستەر ءمينيسترىنىڭ مالىمدەۋىنشە, پوليتسيا كەشەننىڭ بارلىق عيماراتىن باقىلاۋىنا العان, ونىڭ اۋماعىن تازارتۋ جۇمىستارى اياقتالار ساتكە جاقىنداعان. ء«اش-شاباب» راديكالدى توبى لاڭكەستىككە جاۋاپكەرشىلىكتى وزىنە الىپ وتىر.
قازا بولعانداردىڭ ون ءبىرى – كەنيالىق, ەكەۋى اقش جانە ۇلىبريتانيا ازاماتتارى ەكەنى انىقتالدى. قالعان ەكى ادامنىڭ جەكە كۋالىكتەرى بولماعان.