كەنشىلەر استاناسىندا 17-21 جەلتوقسان ارالىعىندا بوكستان ەڭبەك سىڭىرگەن جاتتىقتىرۋشى عالىم جارىلعاپوۆتى ەسكە تۇسىرۋگە ارنالعان حالىقارالىق تۋرنير ءوتتى.
وسىمەن 35-ءشى مارتە جالاۋ كوتەرگەن سايىستا قىتاي, تايلاند, رەسەي, قىرعىزستان, وزبەكستان, تاجىكستان جانە قازاقستاننىڭ بارلىق وڭىرىنەن كەلگەن 200-گە تارتابىلعارى قولعاپ شەبەرى سىنعا ءتۇستى.
تۋرنيرگە قۇرمەتتى قوناق رەتىندە كاسىپقوي بوكستان الەم چەمپيونى كريستينا حاممەر, گولليۆۋد اكتيورى يگور جيجيكين جانە ستسەناريست ولەگ ستەپچەنكو ارنايى كەلدى.
جارىس قورىتىندىسىندا ءوز سالماق دارەجەلەرىندە جەڭىسكە جەتكەن, جۇلدەگە ىلىككەن بوكسشىلار باعالى سىيلىقتارمەن ماراپاتتالدى.
بيىل اتالعان ءتۋرنيردىڭ باس جۇلدەسى – LADA Granta اۆتوكولىگى تۇڭعىش رەت بۇرىمدى بوكسشىعا بۇيىردى. تەمىرتاۋلىق بوكسشى قىز ايجان قوجابەكوۆاعا تەمىر تۇلپاردىڭ كىلتىن بوكستان وليمپيادا چەمپيونى, ءماجىلىس دەپۋتاتى سەرىك ساپيەۆ تابىس ەتتى.
قايرات ءابىلدا,
«ەگەمەن قازاقستان»
قاراعاندى