كەلەسى جىلدىڭ ناۋرىز ايىنىڭ العاشقى جارتىسىندا رەسەيدىڭ كراسنويارسك قالاسىندا XXIX قىسقى دۇنيەجۇزىلىك ۋنيۆەرسيادا وتەدى. قازىردىڭ وزىندە شايبالى حوككەيدەن ەرلەر اراسىندا وتەتىن جارىستىڭ جەرەبەسى تارتىلىپ, قاي كوماندانىڭ كىمدەرمەن كەزدەسەتىنى انىقتالىپ قويعان.
بۇل جارىستا 12 مەملەكەتتىڭ ورەندەرى ءوزارا شەبەرلىك بايقاسادى. قازاقستان قۇراماسى لاتۆيا, شۆەتسيا, ۇلىبريتانيا, شۆەيتساريا جانە كانادامەن كۇش سىناسادى. ال كەلەسى توپتا رەسەي, ۆەنگريا, جاپونيا, چەحيا, اقش جانە سلوۆاكيا قۇرامالارى ونەر كورسەتەدى.
جەرلەستەرىمىز ءوزدىنىڭ العاشقى كەزدەسۋىن 2-ناۋرىزدا بالتىق جاعالاۋى ەلى وكىلدەرىنە قارسى وتكىزەدى. 4-ناۋرىزدا سكانديناۆيا تۇبەگى تۇلەكتەرىمەن سايىسقا تۇسەمىز. 6-ناۋرىزدا بريتانيا ارالدارىنىڭ حوككەيشىلەرىمەن شەبەرلىك بايقاسامىز. 6-ناۋرىزدا شۆەيتساريانىڭ شاماسىن بايقاپ كورسەك, 9-ناۋرىزدا ۇيەڭكى جاپىراقتار ەلىنىڭ ورەندەرىمەن ايقاسامىز.
عالىم سۇلەيمەن,
«ەگەمەن قازاقستان»