اتىراۋدا بالىقتاردىڭ قىرىلۋى بويىنشا جايىق وزەنىن زەرتتەۋ جۇمىستارى جالعاسۋدا, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
جەلتوقسان ايىنىڭ باسىنان باستاپ جايىق وزەنىندە بالىقتىڭ قىرىلۋ فاكتىسى تىركەلگەن بولاتىن. 10 جەلتوقسان كۇنى وبلىستىق اكىمدىكتە ۆەدومستۆوارالىق كوميسسيانىڭ جيىنى ءوتتى.
بۇگىنگى تاڭدا 110 بىرلىك ولگەن بالىق تىركەلدى, قالعان بالىقتاردىڭ جاعدايى ناشار. قوعامدىق دەنساۋلىق ساقتاۋ دەپارتامەنتى وكىلدەرىنىڭ ايتۋىنشا, زەرتحانالىق زەرتتەۋلەر جۇرگىزىلدى, سۋ قۇرامى تازا, ادامداردىڭ ومىرىنە قاۋىپ جوق.
- قازىر جاعداي تولىقتاي باقىلاۋدا. توتەنشە جاعداي تەك اتىراۋ قالاسىندا, اۋدانداردا مۇنداي اقپارات تىركەلمەدى. الىنعان سىنامالار بويىنشا تەكسەرىس جۇمىستارى جۇرگىزىلدى. اتالعان جاعداي تۇرعىنداردىڭ دەنساۋلىعىنا زيانىن تيگىزبەيدى,- دەيدى اتىراۋ وبلىستىق قوعامدىق دەنساۋلىق ساقتاۋ دەپارتامەنتىنىڭ باسشىسى تەمىربەك مۋساعاليەۆ.
كوميسسيا وتىرىسىندا نۇرلان نوعاەۆ اتقارۋشى ورگاندارعا بىرقاتار تاپسىرمالار بەردى.
- ماسەلە شۇعىل تۇردە شەشىمىن تابۋ كەرەك. قاجەت دەپ تاپقان مۇمكىندىكتەردىڭ بارلىعىن قولدانىپ, بالىقتىڭ ناقتى نەدەن ولگەنىن انىقتاڭىزدار. ۋاكىلەتتى ورگانداردىڭ بارلىق كۇشى بالىقتىڭ ءولۋى ماسەلەسىن الدىن-الۋعا جۇمىلدىرىلۋى قاجەت,- دەپ تاپسىردى وبلىس اكىمى.
ايتا كەتەيىك, اتىراۋ وبلىستىق ورمان شارۋاشىلىعى جانە جانۋارلاردى قورعاۋ ينسپەكتسياسىمەن ۆەدومستۆوارالىق كوميسسيا قۇرىلدى.كوميسسيا قۇرامىنا اتىراۋ وبلىستىق بالىق شارۋشىلىعى باسقارماسى, مامانداندىرىلعان تابيعات قورعاۋ پروكۋراتۋراسى, ەكولوگيا دەپارتامەنتى, قازاق بالىق شارۋاشىلىعى عىلىمي زەرتتەۋ ينستيتۋتى, ۆەتەرەناريالىق باقىلاۋ جانە قاداعالاۋ اۋماقتىق ينسپەكتسياسى, توتەنشە جاعدايلار دەپارتامەنتى مەن اتىراۋ قالالىق قوعامدىق دەنساۋلىق ساقتاۋ باسقارماسىنىڭ ماماندارى ەندى. زەرتتەۋ بارىسىندا xيميالىق زەرتتەۋ سۋ سىنامالارى الىندى.