پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا دۇنيەجۇزىلىك بانكىنىڭ ورتالىق ازيا جونىندەگى ايماقتىق ديرەكتورى ليليا بۋرۋنچۋكتى قابىلدادى, دەپ حابارلايدى سەناتتىڭ ءباسپاسوز قىزمەتى.
كەزدەسۋ بارىسىندا ىنتىماقتاستىقتىڭ كەلەشەگى زور باعىتتارى تالقىلاندى.
د.نازارباەۆا قازاقستاننىڭ الەۋمەتتىك-ەكونوميكالىق دامۋىن قولداعانى ءۇشىن العىسىن ءبىلدىردى. دۇنيەجۇزىلىك بانك ىنتىماقتاستىق جىلدارىندا 8 ميلليارد دوللاردان اساتىن 40-تان استام جوبانى قارجىلاندىرۋ ءۇشىن قارىز بەرگەن بولاتىن.
ل. بۋرۋنچۋك دۇنيەجۇزىلىك بانكى 2017 جىلى قازاقستانمەن قول جەتكەن ۋاعدالاستىقتاردى سارالاۋعا جانە ىنتىماقتاستىقتىڭ باسىم باعىتتارىن ايقىنداۋعا باعىتتالعان ەلىمىز بويىنشا تۇرعىدا جۇيەلى تالداۋ جۇرگىزگەنى تۋرالى حاباردار ەتتى. قازىرگى كەزدە ءبىزدىڭ ەلىمىزبەن 2019-2023 جىلدارعا ارنالعان جاڭا ارىپتەستىك ستراتەگياسى ازىرلەنۋدە. ول سونداي-اق وزەكتى ماسەلەلەردى اتاپ ءوتىپ, بىرقاتار ۇسىنىستار ايتتى. اتاپ ايتقاندا, ەكونوميكانى ءارتاراپتاندىرۋ, بيزنەسكە قولايلى جاعداي قالىپتاستىرۋ, ەكونوميكاداعى مەملەكەت ۇلەسىن قىسقارتۋ, مەملەكەتتىك سۋبسيديا بەرۋدىڭ تيىمدىلىگىن ارتتىرۋ جايى قوزعالدى.
ىنتىماقتاستىقتىڭ باسىمدىقتارى رەتىندە د.نازارباەۆا مەملەكەتتىك باسقارۋدىڭ تيىمدىلىگىن ارتتىرۋ, ەكونوميكانى تسيفرلاندىرۋ, بيۋدجەت زاڭناماسىن جەتىلدىرۋدى ءبولىپ ايتتى. سەناتور دۇنيەجۇزىلىك بانكىگە يندۋستريالىق-يننوۆاتسيالىق دامۋدىڭ مەملەكەتتىك باعدارلاماسىنىڭ تيىمدىلىگىنە ەگجەي-تەگجەيلى تالداۋ جۇرگىزۋدى ۇسىندى. ەكونوميكانى ءارتاراپتاندىرۋ باياۋ جۇرۋدە. ەلىمىز ءالى دە شيكىزات رەسۋرستارىن ەكسپورتتاۋعا تاۋەلدى بولىپ وتىر. ء«بىزدىڭ ەكونوميكانى دامىتۋعا ساپالى سەرپىن بەرۋگە كەدەرگى بولىپ وتىرعان وزەكتى ماسەلەلەردى انىقتاۋ ءۇشىن بەيتاراپ كوزقاراس پەن كاسىبي تۇردەگى تەرەڭ تالداۋ قاجەت», - دەدى سەناتور.
سەنات كوميتەتىنىڭ توراعاسى بيىلعى قىركۇيەكتە استانادا وتكەن اۋعانستان ايەلدەرىنىڭ قۇقىقتارى مەن مۇمكىندىكتەرىن كەڭەيتۋ جونىندەگى ايماقتىق كونفەرەنتسيا وتكىزۋدەگى دۇنيەجۇزىلىك بانكىنىڭ ۇلەسىن اتاپ ءوتتى. قازاقستان ازاماتتىق ماماندىقتاردى وقىتۋ ءۇشىن اۋعاندىق جاستارعا 50 ميلليون دوللار قوسىمشا گرانت بولگەن بولاتىن. اۋعانستانعا ايەل دارىگەر دايارلاۋعا ەرەكشە نازار اۋدارۋ كەرەك. د.نازارباەۆا اۋعانستانداعى جاعدايدى تۇراقتاندىرۋ جانە الەۋمەتتىك-ەكونوميكالىق دامۋعا ينۆەستيتسيا سالۋعا ارنالعان ىنتىماقتاستىق پەن كەلىسىمدەردى جالعاستىرۋ كەرەك, دەپ سانايدى.