وبلىسقا جۇمىس ساپارىمەن كەلگەن ماۋلەن اشىمباەۆ وبلىس اكىمى, پارتيانىڭ وبلىستىق فيليالىنىڭ توراعاسى بولات باقاۋوۆتىڭ توراعالىعىمەن پارتيانىڭ وبلىستىق فيليالى پارتيالىق اكتيۆىنىڭ وتىرىسىنا قاتىستى.
پارتيا توراعاسىنىڭ ءبىرىنشى ورىنباسارى ماۋلەن اشىمباەۆ نۇروتاندىقتاردى الدا كەلە جاتقان تاۋەلسىزدىك كۇنى مەرەكەسىمەن قۇتتىقتادى. ەلباسى جولداۋىن جۇزەگە اسىرۋ اياسىندا پارتيالىق ارىپتەستەرىنە بىرقاتار مىندەتتەر جۇكتەدى
- ءبىزدىڭ نەگىزگى مىندەتىمىز - تاۋەلسىزدىگىمىزدى ودان ءارى نىعايتۋ, - دەدى ماۋلەن اشىمباەۆ. - بىرىنشىدەن, پارتيا جولداۋدىڭ اقپاراتتىق ماڭىزىن قامتاماسىز ەتەتىن نەگىزگى كۇشكە اينالۋى كەرەك. جولداۋدى جۇزەگە اسىرۋدىڭ ءاربىر ادامعا قانداي جاقسىلىق اكەلەتىندىگىن تۇسىندىرگەن ماڭىزدى. وسى ورايدا, باستى مىندەتىمىز–قوعامدى ەلباسىنىڭ ساياساتى اينالاسىندا ۇيىستىرۋ بولۋى ءتيىس.
- پارتيالىقتار ەلباسى تاپسىرمالارىنىڭ قالاي ورىندالىپ جاتقانى تۋرالى اشىق ايتۋلارى كەرەك, - دەدى م. اشىمباەۆ.- پارتيالىقتار ءۇش دەڭگەيلى باقىلاۋ جۇرگىزۋ ارقىلى ەلباسىنىڭ تاپسىرمالارىن جەر-جەرلەردە ورىندالۋىن, جولداۋدى جۇزەگە اسىرۋ كەزىندە قانداي ماسەلەلەر تۋىنداپ جاتقاندىعىن ەش بۇكپەسىز اشىق ايتىپ وتىرۋى ءتيىس.
جيىندا «قازاقستان ەلەكتروليز زاۋىتى» اق باستاۋىش پارتيا ۇيىمىنىڭ توراعاسى رۇستەم الحانوۆ, «مۇناي-حيميا زاۋىتى» جشس-ءنىڭ باس ديرەكتورى وسپانبەك السەيىتوۆ جولداۋدا ايتىلعان مىندەتتەردىڭ ورىندالۋ بارىسى تۋرالى الداعى جوسپارلارىمەن ءبولىستى.
وبلىسقا جاساعان ساپارى كەزىندە ماۋلەن اشىمباەۆ س. تورايعىروۆ اتىنداعى وبلىستىق كىتاپحانانى ارالاپ كوردى.
وقىرماندارىمەن كەزدەسكەن «نۇر وتان» پارتياسى توراعاسىنىڭ ءبىرىنشى ورىنباسارى كىتاپحانالارداعى زاماناۋي ءبىلىم ورتالىقتارىن قۇرۋ ماڭىزدىلىعىنا توقتالىپ ءوتتى.
- ەلباسىنىڭ «رۋحاني جاڭعىرۋ» باعدارلاماسىنىڭ ءمانى – جاستاردىڭ بىلىمگە دەگەن قۇشتارلىعىن ارتتىرۋ, - دەدى ماۋلەن اشىمباەۆ. – ءبىلىمنىڭ نەگىزى كىتاپتا ەكەنى بەلگىلى. سوندىقتان ءبىز وسىنداي يگى ءىستى قولعا الدىق. بۇل – باسەكەگە قابىلەتتى, ينتەللەكتۋالدى ۇلت قالىپتاستىرۋعا باعىتتالعان ناقتى جۇمىستار.
- قازىردىڭ وزىندە ەلىمىز بويىنشا 782 ءىت-سىنىپ اشىلىپ, 30 مىڭنان استام مەكتەپ وقۋشىلارى ءبىلىم الۋدا. سونىڭ ىشىندە پاۆلودار وبلىسىندا 20 ءىت-سىنىپتارى اشىلدى, - دەدى ماۋلەن اشىمباەۆ
بۇدان كەيىن ماۋلەن اشىمباەۆ وسى «رۋحاني جاڭعىرۋ» جوبالىق كەڭسەسىندە وڭىردەگى اقىن-جازۋشىلارمەن كەزدەستى. كەزدەسۋ بارىسىندا اقىن ورالحان ايبەك, وبلىستىق «جاس وتان» جاستار قاناتىنىڭ ءتورايىمى سانيرا ءجۇسىپوۆا ەلباسىنىڭ « ۇلى دالانىڭ جەتى قىرى» اتتى ماقالاسىنا قاتىستى ءوز ويلارىن ايتىپ بەردى.
ساپار سوڭىندا «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ, وبلىس اكىمى بولات باقاۋوۆ «قازحروم «تۇك» اق فيليالى – اقسۋ قالاسىندا ورنالاسقان اقسۋ فەرروقورىتپا زاۋىتىندا وتكەن «لايىقتى ەڭبەك – مەملەكەتتىڭ تۇراقتىلىق نەگىزى» اتتى مەتاللۋرگتەردىڭ ەڭبەك ۇجىمدارىنىڭ فورۋمىنا قاتىستى.
بىلتىر فەرروقورىتپا زاۋىتى 50-جىلدىق مەرەيتويىن اتاپ ءوتتى. جىلىنا 1,2 ميلليون توننا فەرروقورىتپا وندىرەتىن الەمدەگى مەتاللۋرگيالىق ەڭ ءىرى كاسىپورىن. زاۋىت بۇل كۇندەرى قالىپتى, تۇراقتى تۇردە جۇمىس اتقارۋدا.
ەلباسى جولداۋىن جۇزەگە اسىرۋدا ءوندىرىستىڭ ءار تسەحى, بولىمدەرى دە جاڭا تەحنولوگيالاردى يگەرۋدە, ءوڭىردىڭ ەكونوميكالىق دامۋىنا ۇلەس قوسۋدا. زاۋىتتىڭ وندىرىستىك تسەحتارى جاڭارۋ, جاڭعىرۋ جولىنان وتۋدە.
– اقسۋ فەرروقورىتپا زاۋىتى ساپا مەن سەنىمدىلىكتىڭ بەلگىسى ىسپەتتەس. ەۋرازيالىق توپپەن ازىرلەنگەن زاۋىتتىڭ دامۋ ستراتەگياسى الەمدىك تاجىريبەلەر مەن سالانىڭ وزىق جەتىستىكتەرى نەگىزىندە كاسىپورىندا ءوندىرىستى كەزەڭمەن جاڭارتۋ جۇزەگە اسىرىلۋدا, - دەيدى كاسىپورىن ديرەكتورى سەرگەي پروكوپەۆ.
جالپى, «نۇر وتان» پارتياسى قازاقستاندىقتاردىڭ ەڭبەك قۇقىعىن قورعاۋعا ايرىقشا كوڭىل ءبولىپ كەلەدى. وسىدان ءبىر جىل بۇرىن وبلىس ورتالىعىندا پارتيا ەلىمىزدىڭ كاسىپوداقتار فەدەراتسياسىمەن ءوزارا ىنتىماقتاستىق تۋرالى مەموراندۋم جاساسۋ جونىندە كەلىسىمگە كەلدى.
بۇل قۇجاتقا «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ پەن كاسىپوداقتار فەدەراتسياسىنىڭ توراعاسى باقىتجان ءابدىرايىم قول قويعان-دى.
فورۋم بارىسىندا ەلىمىزدىڭ كاسىپوداقتار فەدەراتسياسىنىڭ توراعاسى باقىتجان ءابدرايىم, زاۋىتتىڭ اعا مەنەدجەرى ۆ. گورباچەۆالار ءسوز سويلەدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ