جەزقازعان قالاسىنداعى اپاتتىق جاعدايدا تۇرعان كوپقاباتتى ءۇيدىڭ ماسەلەسى وڭ شەشىمىن تاپتى. مۇنداي ناتيجە قالا باسشىلىعىنىڭ وسى ماقساتقا بولىنگەن بيۋدجەت قاراجاتىن ۇقىپتى پايدالانۋىنىڭ ارقاسىندا مۇمكىن بولدى.
ەڭ الدىمەن قالا اكىمى تەحنوگەندىك سيپاتتاعى نىسانالىق اۋقىم بويىنشا توتەنشە جاعداي جاريالاۋ تۋرالى شەشىم قابىلدادى. ودان كەيىن زاڭناماعا سايكەس, جىلجىمايتىن م ۇلىكتى مەملەكەت مەنشىگىنە الۋ ءراسىمى جۇرگىزىلدى. وسىنىڭ ناتيجەسىندە, اپاتتى ءۇيدىڭ 48 پاتەرىندەگى تۇرعىندار وتەماقى الۋ مۇمكىندىگىنە يە بولدى. ال جەكەشەلەندىرىلمەگەن ەكى پاتەردىڭ يەلەرىنە باسقا باسپانا بەرىلدى.
اپاتتى ءۇيدىڭ تۇرعىندارى ماسەلەنىڭ وسىلايشا وڭ شەشىم تاپقانىنا توق كوڭىل ءبىلدىرىستى. مىسالى, تۇرعىنداردىڭ ءبىرى دميتري نايمۋشين بىلاي دەيدى:
– ماسەلە شەشىلدى. ءبىز جەتكىلىكتى وتەماقى الىپ, جاڭا باسپانا العانىمىزعا قۋانىشتىمىز.
– بارلىعىنىڭ ءساتتى شەشىلگەنى جاقسى بولدى. ءبىز قازىر باسقا پاتەر ىزدەپ جاتىرمىز, ماسەلەمىز وڭ شەشىلگەنى ءۇشىن العىسىمىزدى ايتامىز, – دەپ ريزاشىلىعىن ءبىلدىردى تاڭات ءبايتورين دەگەن تۇرعىن.
قايرات ءابىلدا,
«ەگەمەن قازاقستان»
قاراعاندى وبلىسى