وقۋشىلار سارايىندا قازاقستان حالقى اسسامبلەياسى قوعامدىق كەلىسىم كەڭەسىنىڭ رەسپۋبليكالىق فورۋمى ءوتتى.
ءىس-شاراعا قازاقستان حالقى اسسامبلەياسى توراعاسىنىڭ ورىنباسارى-حاتشىلىق مەڭگەرۋشىسى لەونيد پروكوپەنكو, «نۇر وتان» پارتياسىنىڭ حاتشىسى فارحاد قۋانعانوۆ, وبلىس اكىمىنىڭ ورىنباسارى ماديار قوجاحمەت, قوعامدىق ۇيىمدار, ەتنومادەني بىرلەستىكتەر, «جاڭعىرۋ جولى» جاستار قوزعالىسىنىڭ وكىلدەرىنىڭ قاتىسۋىمەن ەلباسىنىڭ جۇرتشىلىققا ۇسىنعان بەس الەۋمتتىك باستامانىڭ جۇزەگە اسىرىلۋى جايى قارالىپ, تالقىلاندى.
پلەنارلىق وتىرىس الدىندا قازاقستان حالقى اسسامبلەياسى توراعاسىنىڭ ورىنباسارى-حاتشىلىق مەڭگەرۋشىسى ل. پروكوپەنكو ءسالىمجان سابيتوۆكە «اسسامبلەيا مەن «التىن قىران» حالىقارالىق قايىرىمدىلىق قورى اتىنان اۆتوكولىكتىڭ كىلتىن سالتاناتتى تۇردە تابىس ەتتى. ءسالىمجان مۇمكىندىگىنىڭ شەكتەۋلىگىنە قاراماستان ءتۇرلى يگى ىستەرگە مۇرىندىق بولىپ ءجۇر. جەرگىلىكتى جەردە «تەڭ جول» اۆتومەكتەبىن اشقان باستاماسى ءۇشىن جوعارىداي ماراپاتقا يە بولدى. ءسوز اراسىندا ونىڭ «سامۇرىق-2018» بايقاۋىنىڭ «جىل جاڭالىعى» اتالىمى بويىنشا جەڭىمپاز اتانعانىن ايتا كەتكەن ءجون. بۇدان بىلاي كەمتار جاندار دا كولىك جۇرگىزۋدى ۇيرەنىپ, جولاۋشىلار تاسىمالىمەن اينالىساتىن بولادى. بۇگىندە وبلىس ورتالىعىندا 8 مىڭنان استام مۇمكىندىگى شەككەۋلى ادام ەسەپتە تۇرادى.
ۆ. پروكوپەنكو ءوز سوزىندە ء ۇش مىڭنان استام قوعامدىق كەلىسىم كەڭەستەرى قۇرىلعانىن, ولاردىڭ جۇمىستارىنا پرەزيدەنتتىڭ تاپسىرمالارى مەن جولداۋلاردا بەلگىلەنگەن باسىم باعىتتاردى ءتۇسىندىرۋ, رەسپۋبليكا تۇرعىندارىنىڭ ءومىر ساپاسىن ارتتىرۋعا باعىتتالعان جوبالاردى ىسكە اسىرۋ, ءتۇرلى قايىرىمدىلىق شارالارىن اتقارۋ, تاجىريبەلەر الماسۋ, الەۋمەتتىك-ساياسي ناۋقاندارعا بەلسەنە ارالاسۋ ءتان ەكەنىن اتاپ ءوتتى. وسى كەزگە دەيىن 17 مىڭنان استام ءىس-شارا ۇيىمداستىرىلىپ, ءبىر ميلليونداي ادام قامتىلعان. الەۋمەتتىك ماسەلەلەرگە باسا نازار اۋدارىلىپ, تۇرعىنداردىڭ ءوتىنىش-تىلەكتەرىنىڭ, ارىز-شاعىمدارىنىڭ ۋاقىتىلى شەشىم تابۋىنا ىقپال جاسالىنادى. تۇيتكىلدى پروبلەمالاردى بىرلەسىپ شەشۋدە بيلىك ورىندارى مەن قوعامدىق ۇيىمدار اراسىنداعى بايلانىستى جاقسارتۋدىڭ جولدارىن اڭگىمەلەدى.
ف. قۋانعانوۆتىڭ ايتۋىنشا, بۇگىنگى باستى تالاپتاردىڭ ءبىرى پرەزيدەنتتىڭ «7-20-25» باعدارلاماسىن جەتە ناسيحاتتاۋ, ءار قازاقستاندىققا ماڭىزىن ءتۇسىندىرۋ. بۇل باعىت بويىنشا ۇلگى ەتەرلىك ناتيجەلەر بارشىلىق. سوڭعى كەزدەرى بەلسەندىلىكتىڭ ارتا تۇسكەنى بايقالادى.اكىمدىكتەر جاس وتباسىلار مەن بيۋدجەت قىزمەتركەرلەرىنە جاعداي جاساۋدا.
باسقا دا سويلەۋشىلەر باعدارلامالاردىڭ ورىندالۋ بارىسىنا,بيۋدجەتتىڭ يگەرىلۋىنە باقىلاۋدى كۇشەيتۋ, مەملەكەت پەن قوعام جانە جۇرتشىلىق اراسىنداعى كەرى بايلانىستى نىعايتۋ, تابىستاردى قامتاماسىز ەتەتىن بارلىق تەتىكتەردى قولدانۋ ماسەلەلەرىن ءسوز ەتتى.
فورۋمدا قوعامدى الەۋمەتتىك جاڭعىرتۋعا باعىتتالعان باسقا دا جوبا-باعدارلامالاردىڭ قورىتىندىسى شىعارىلىپ, بىرقاتار مىندەتتەر بەلگىلەندى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى